Read efik ŊWED JOB 21 Bible Online

ŊWED JOB 21 - efik bible

ŊWED JOB 21

¹NDIEN Job ɔbɔrɔ, ete, Mbufo etim ekop uyo mi;

²eyak emi onyuŋ edi idɔŋesit mbufo.

³Mbufo eyɔ mi, ndien ami nyedɔhɔ; ndien adaŋemi ndɔhɔde mma, sak.

⁴Ama edi ami, nte eseme mi abaŋa owo? Nsinam ndien esit mikpayatke mi?

⁵Mbufo ese mi, eyak idem onyuŋ akpa mbufo, mbufo enyuŋ edori ubɔk edian ke inua.

⁶Ndien adaŋemi ntide, nsia oyomo mi: unyek-idem omum obukidem mi.

⁷Mme idiɔk owo enam didie edu uwem, ekabare ŋkani, enyuŋ edobi ke inyene?

⁸Nditɔ mmɔ esɔŋɔ eda ke iso mmɔ ye mmɔ: ubon mmɔ enyuŋ edu ke iso enyin mmɔ.

⁹Ufɔk mmɔ odu ke ifure, ndik iduhe, eto Abasi inyuŋ idoroke mmɔ ke idem.

¹⁰Ayara enaŋ esie odoro, ndien iduɔkke; enaŋ esie aman, ndien iwakke eyen.

¹¹Mmɔ edɔŋ nditɔwɔŋ mmɔ ewɔŋɔ nte otu erɔŋ: mkparawa mmɔ enyuŋ enek unek.

¹²Mmɔ esio mkpo ke uyo ekɔmɔ ye harp, enyuŋ edat esit ke uyo ifiom.

¹³Edia eyo mmɔ ke mfɔniso, ndien ke idaha kiet mmɔ esuhɔre ke udi.

¹⁴Ndien mmɔ edɔhɔ Abasi, ete, Nyɔŋ kpɔŋ nnyin: nnyin inyuŋ imaŋa ifiɔk usuŋ fo.

¹⁵Abasi Ibom edi nso, eke nnyin ikpanamde ŋkpɔ inɔ enye? Inyuŋ ikut nso udori ke nnyin ikpede enye ubɔk?

¹⁶Sese, mfɔn mmɔ iduhe mmɔ ke ubɔk: yak uduak mme idiɔk owo ɔkpɔŋ mi anyan usuŋ.

¹⁷Adaŋa didie ke utuenikaŋ mme idiɔk owo onime! nsobo onyuŋ osim mmɔ! Enye edeme ndutuhɔ ke iyaresit esie.

¹⁸Mmɔ ebiet nnyanyaŋa ke iso ofum, enyuŋ ebiet mbio eke oyobio ɔkpɔride efep.

¹⁹Abasi ada idiɔk ido esie onim ɔnɔ nditɔ esie; osio usiene ye enye, ndien enye eyefiɔk.

²⁰Enyin esie eyekut nsobo esie, enye eyenyuŋ ɔŋwɔŋ iyaresit Abasi Ibom.

²¹Enye enyene ndien nso inemesit ke ufɔk esie, ke adaŋemi enye miduhe, ke ema ekesibe ibat ɔfiɔŋ esie efep?

²²Nte owo ekeme ndikpep Abasi ifiɔk, ndien edi enye akara ikpɔ owo?

²³Kiet emi akpa ke idem nsɔŋidem esie, etie suŋ-suŋ ke ata ifure.

²⁴Mmɔŋeba ɔyɔhɔ ke ebiet ufene esie, ndia ɔkpɔ esie onyuŋ ebit.

²⁵Enye eken ŋko akpa ke edidoro ukpɔŋ, ndien enye akanam idiaha eti ŋkpɔ.

²⁶Mmɔ esuhɔre ena ɔtɔ kiet ke ntan, ndɔŋ enyuŋ efuk mmɔ idem.

²⁷Sese, mmɔfiɔk ekikere mbufo, ye mme uduak emi mbufo edade enam mi nnama.

²⁸Koro mbufo edɔhɔde ete, Enye ufɔk ɔbɔŋ? enye ŋko mme tent emi mme idiɔk owo eduŋde?

²⁹Nte mbufo ibupke mmɔ emi esaŋade ke usuŋ ebe? inyuŋ idiɔŋɔke mme idiɔŋɔ mmɔ?

³⁰Ete ke emenim mme idiɔk owo enɔ usen nsobo? Eyeda mmɔ edi ke usen iyaresit.

³¹Anie owo edibuk usuŋ esie ke iso Esie? Anie owo edinyuŋ ada ŋkpɔ eke enye akanamde osio usiene ye enye?

³²Ndien eda enye eka ke ebiet ubuk owo, ndien enye eyetie ekpeme udi.

³³Ebok ntan ke ebedeŋ eyeniŋe enye: kpukpru owo enyuŋ ebine enye, ndien mmɔ emi ekebemde enye iso inyeneke ibat.

³⁴Didie, ndien, ke mbufo edɔŋ mi esit ikpikpu, ndien abiaŋa osuk ke ibɔrɔ mbufo!