Read efik ŊWED JOB 27 Bible Online

ŊWED JOB 27 - efik bible

ŊWED JOB 27

¹NDIEN Job ɔtɔŋɔ ntak emen mbuk esie, onyuŋ ɔdɔhɔ ete, Ma uwem Abasi emi emende ikpe mi efep;

²ma Abasi Ibom emi ayatde mi esit;

³Koro ofuri ibifik mi osuk odude mi ke idem, spirit Abasi onyuŋ odu mi ke ibuo;

⁴Mkpɔk-inua mi itiŋke se ikwaŋade, edeme mi inyuŋ isukke uyo abiaŋa.

⁵Nsa mi O! ndidɔhɔke nte ke mbufo emenen; ndisioho mfɔn-mma ke idem mi mfep tutu ndikpa.

⁶Mmomum nti ido mi ŋkama, ndinyuŋ nyakke enye nduɔk: esit mi itɔhɔke mi baba usen mi kiet.

⁷Yak usua mi ebiet idiɔk owo, yak mmɔ eke enamde ikɔ ye ami ebiet mbon-ukwaŋ-ŋkpɔ.

⁸Koro nso edi idorenyin oburobut owo? Koro Abasi eyesibe: koro Enye eyemen ukpɔŋ esie efep.

⁹Nte Abasi edikop eseme esie adaŋemi ukut edisimde enye?

¹⁰Nte enye edidara Abasi Ibom? Nte enye edifiori okot Abasi kpukpru ini?

¹¹Nyeda ubɔk Abasi nteme mbufo: ndidipke ŋkpɔ emi edude ye Abasi Ibom.

¹²Sese, mbufo kpukpru emekut; nsinam ndien mbufo etiŋde ikpikpu ikɔ?

¹³Udeme emi ke idiɔk owo okut ye Abasi, emi ke mbon nsɔŋ-ido enyuŋ ebɔ Abasi Ibom edia.

¹⁴Edieke nditɔ esie ewakde, ewak enɔ ofut, udia inyuŋ iyuhɔke ubon esie.

¹⁵Mkpa eyebuk owo esie eke esuhɔde; iban esie emi mme ebe ekpade idinyuŋ ituaha eyet.

¹⁶Enye ama ɔkɔ silver, obon nte ntan isɔŋ, onyuŋ otim edisineŋkpɔ nte mbat; Enye otim, ndien owo eti ido eyesine:

¹⁷owo eke miduehe isop eyenyuŋ edeme silver.

¹⁸Enye ɔbɔp ufɔk esie ebiet ɔfɔŋ-ekpo, onyuŋ ebiet ataya eke ekpeme-iŋwaŋ anamde.

¹⁹Enye ɔsuhɔre ana ye inyene, ndien owo imenke ŋkpɔ ifep: atat enyin, ndien iduhe du.

²⁰Ndik osim enye nte akwa mmɔŋ; oyobio oyip enye ke okoneyo efep.

²¹Ofum ikɔrabak emen enye efep, ndien enye aka: onyuŋ ɔkpɔri enye ke ebiet esie efep nte idio.

²²Ndien enye (Abasi) otop ŋkpɔ ɔtɔ enye, inyuŋ inyeneke mbɔm: ubɔk esie esin enye efehe itɔk-itɔk.

²³Ekwak ubɔk ese enye; enyuŋ esi enye ebin ke ebiet esie efep.