Read efik ŊWED JOB 35 Bible Online

ŊWED JOB 35 - efik bible

ŊWED JOB 35

¹ELIHU onyuŋ ɔbɔrɔ, ete,

²Nte afo ese emi ke edinen emi afo ɔdɔhɔde ete, “Mmenen ke iso Abasi?”

³Koro afo ɔkɔdɔhɔde ete, Edifɔn fi nso?

⁴“Ndikut nso udori ŋkan nte ŋkpɔdiɔkde?” Ami nyebɔrɔ fi ikɔ, ye mme ufan fo nde.

⁵Tiŋ enyin ke heaven, nyuŋ se ikpa-enyɔŋ emi okoŋde akan fi.

⁶Edieke afo ɔdiɔkde, anam enye nso? oburobut ido fo ema enyuŋ ewak, anam enye nso?

⁷Edieke afo edide edinen, ɔnɔ enye nso ŋkpɔ? Enye onyuŋ ɔbɔ fi nso ŋkpɔ ke ubɔk?

⁸Idiɔk ido fo osim owo nte afo: eti ido fo onyuŋ otuk eyen owo.

⁹Akwa nnama esin mmɔ efiori; eseme ebak ubɔk ikpɔ owo.

¹⁰Ndien idɔhɔke ite, Enye Abasi emi okobotde mi, emi ɔnɔde ikwɔ ke okoneyo?

¹¹Emi etemede nnyin akan mme unam isɔŋ, onyuŋ anam nnyin inyene ibuot ikan inuen enyɔŋ.

¹²Do ke mmɔ eseme, edi enye ibɔrɔke, ebaŋa iseri mme idiɔk owo.

¹³Ŋkɔm Abasi idikopke nsu, Abasi Ibom idinyuŋ isehe enye.

¹⁴(Inyuŋ isehe) emi afo ɔdɔhɔde, ete, Usehe enye; ikpe ana enye ke iso: bet enye, ndien.

¹⁵Ndien ke emi koro iyaresit esie minɔŋɔ owo ufen, enye minyuŋ ikereke ibak eti-eti:

¹⁶Mmɔdɔ Job atatde inua esie ke ikpikpu; onyuŋ etiŋ ediwak ikɔ eke ifiɔk miduhe.