Read efik ŊWED JOB 6 Bible Online

ŊWED JOB 6 - efik bible

ŊWED JOB 6

¹NDIEN Job ɔbɔrɔ ete,

²Akpakam etim edomo iyaresit mi, enyuŋ emen ukut mi esin ke balance kiet ye kiet:

³Koro ekpedobide ekan ntan-inyaŋ: mmɔdo ikɔ mi ekesɔpde.

⁴Koro idaŋ Ata Ɔkpɔsɔŋ edude mi ke idem, emi spirit mi ɔŋwɔŋde ifɔt mmɔ: akpakop ndik Abasi eyi ekɔŋ ye ami.

⁵Nte ass ikɔt eseme ke ɔtɔ mbiet? Nte enaŋ amai ke ɔtɔ udia esie?

⁶Nte edidia se idabade, eke inuŋ miduhe? Nte inem odu ke afia nsen unen?

⁷Ukpɔŋ mi esin ndituk: mmɔ etie nte udia eke etekde mi esit.

⁸Ami ŋkpakam ŋkut se mbeŋede; Abasi akam onyuŋ ɔnɔ mi se idɔŋde mi.

⁹Abasi akpakam onyuŋ onyime ndinuak mi, atat ubɔk esie osibe mi efep.

¹⁰Ndien oro okposuk ɔdɔŋ mi esit, ŋkponyuŋ nnek unek ke ubiak emi misukke ubɔk: koro mmeŋkafaŋake uyo Ata Edisana.

¹¹Nsidi nsɔŋidem mi, eke ntiede mbet? Nsinyuŋ idi utit mi emi nsuk mmede kaŋa ime? Nte nsɔŋ idem mi ɔsɔŋ nte itiat?

¹²Nte obuk-idem mi edi okpoho?

¹³Nte ukeme ikureke mi ke idem, inyuŋ ibinke odudu mi ifep?

¹⁴Owo ukut okut ufɔn ye mme ufan esie; ye owo eke uteŋe Ata Ɔkpɔsɔŋ oyomde enye ndibɔhɔ.

¹⁵Nditɔ-ete mi emebiaŋa mi kpa nte idim, nte mme idim ke itihere eke ekabarede esat;

¹⁶Eke ice esinde mmɔ ebire, eke snow onyuŋ odibede ke esit.

¹⁷Ke ini efiopde, mmɔ esuana; ke ini eyo ayatde, mmɔ enime ke ebiet mmɔ.

¹⁸Mbon-isaŋ eke ekade usuŋ mmɔ ewaha, edɔk ke wilderness, enyuŋ etak.

¹⁹Mbon-isaŋ Tema ese, mme udim Sheba edori mmɔ enyin:

²⁰But anam mmɔ, koro mmɔ ekebuɔtde idem: mmɔ edisim do, ndien ekut but.

²¹Koro ke emi mbufo ekabare edi ikpikpu; mbufo ekut ŋkpɔ ndik, ndien edikhe.

²²Nte (edi ntre), koro ŋkɔdɔhɔde mbufo, nte enɔ mi, mme ete mbufo eda ubak inyene mbufo enɔ ebaŋa mi?

²³Mme nte mbufo esio mi ke ubɔk usua efep, mme efak mi esio mbon-ufik ke ubɔk?

²⁴Mbufo eteme mi, ndien ami nyedop uyo, enyuŋ esian mi ŋkpɔ eke nduede.

²⁵Edinen ikɔ esɔŋ didie! edi erisua emi mbufo esuade oyom ndisua nso?

²⁶Nte edi ikɔ ke mbufo ekere ndisua nnɔ, okposuk edi nte ikɔ mbon ŋkim-enyin etiede nte ofum?

²⁷Edi mbufo enyime ndisin afia mbaŋa eyen-akpa, nnyuŋ nnyam ufan mbufo nte ŋkpɔ-urua.

²⁸Mbufo, ndien, enyime ndikabare nse mi; ŋkɔm ndisuhe nsu ke iso mbufo.

²⁹Mbufo efiak edem, mbɔk, ekuyak se minenke odu; efiak edem, mbɔk, mmenen ke esit.

³⁰Nte ukwaŋ-ŋkpɔ odu mi ke edeme? Nte inua mi ikemeke ndidiɔŋɔ se idiɔkde?