Read efik ŊWED MME PSALM 65 Bible Online

ŊWED MME PSALM 65 - efik bible

ŊWED MME PSALM 65

¹Eke etubom mbon ikwɔ. Psalm David. Ikwɔ. O ABASI, suŋ-suŋ itoro enyene fi ke Zion, eyenyuŋ enɔ fi akaŋa.

²Afo emi okopde akam, kpukpru obukidem eyetiene fi.

³Ikɔ isop esɔŋɔ ekan mi: afo eyesio isop ndudue nnyin efep.

⁴Ɔfɔfɔn ɔnɔ owo eke afo edimekde, onyuŋ anamde asaŋa ekpere fi, man enye oduŋ ke okure fo: nnyin iyeyuhɔ ufɔn ufɔk fo, ye eke edisana temple fo.

⁵Afo eyeda akpakop ŋkpɔ ndik ɔbɔrɔ nnyin ke edinen ido, O Abasi, andinyaŋa nnyin, iberedem kpukpru mme utit ererimbot, ye eke inyaŋ, kpa eke mmɔ eke eyomde usuŋ.

⁶Emi adade nsɔŋ-idem esie ɔsɔŋ owuk ikpɔ obot; ke ɔbɔbɔ odudu:

⁷emi osukde uyom inyaŋ, kpa uyom odut mmɔ, ye uyom mme idut.

⁸Ndien ndik mme idiɔŋɔ fo anam mme andiduŋ mme utit isɔŋ. Afo anam usiere ye mbubreyo ekwɔ ikwɔ.

⁹Afo emedi edise isɔŋ, onyuŋ ebiet enye eti-eti; anam enye oŋwum ŋkpɔ eti-eti; mmɔŋ ɔyɔhɔ ke akpa Abasi: afo otim ibokpot mmɔ, koro afo ɔdiɔŋde enye (isɔŋ) ntem.

¹⁰Bebit mme furrow esie, suhɔre mme ibom-bom esie: afo ada edim emem enye, onyuŋ ɔdiɔŋ se enye otibede.

¹¹Afo amada anyanya ufɔn fo ayara isua; mme isaŋ fo enyuŋ etɔi isek.

¹²Mbiet wilderness ete-tɔi: ŋkpri obot enyuŋ ebɔbɔ idara ke idem.Ŋkpri ufene efuk mme ntaŋwaŋ ebiet:

¹³ibokpot onyuŋ esine mme itihere; mmɔ esio mkpo idara, enyuŋ ekwɔ ikwɔ.