Read efik ŊWED MME PSALM 79 Bible Online

ŊWED MME PSALM 79 - efik bible

ŊWED MME PSALM 79

¹Psalm Asaph. O ABASI, mme idut emeduk ke udeme fo; mmɔ emebiat edisana temple fo; emenim Jerusalem ke ibombom.

²Mmɔ eda mme okpo ikɔt fo enɔ mme inuen enyɔŋ eta; eda obukidem mbon-ima fo enɔ mme unam ikɔt.

³Eduɔk iyip mmɔ nte mmɔŋ, ekan Jerusalem ekuk, ndien owo eke obukde iduhe.

⁴Nnyin imakabare idi se mbɔhiduŋ nnyin esuenede, ye se mmɔ emi ekande nnyin ekuk, esakde, enyuŋ esede ke ndek.

⁵O Jehovah, adaŋa didie ke afo ediyaresit ke nsinsi?

⁶Nte ufup fo edisak nte ikaŋ? Ŋwaŋa iyaresit fo ke mme idut eke mifiɔkke fi, ye ke mme obio eke misemeke ikot enyiŋ fo.

⁷Koro enye adiade Jacob, mmɔ enyuŋ ebiat iduŋ esie.

⁸Oh kuti mme idiɔk ido mbon eset unɔ nnyin: wara nam ŋkpɔ ufɔn fo osim nnyin: koro nnyin imakabare ikpri eti-eti.

⁹O Abasi erinyaŋa nnyin, bɔ nnyin ubɔk, baŋa ubɔŋ enyiŋ fo: nyuŋ babare nnyin, nyuŋ dahado ke mme idiɔk ido nnyin, baŋa enyiŋ fo.

¹⁰Mme idut enam didie edɔhɔ ete, Enye Abasi mmɔ? Nam mme idut ke iso nnyin efiɔk usiene iyip ikɔt fo emi eduɔkde.

¹¹Yak eseme owo ŋkpɔ-kɔbi edi ke iso fo; da akwa ubɔk fo nim nditɔ mkpa ke uwem:

¹²Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

¹³Ndien nnyin ikɔt fo, ye ufene emi afo ɔbɔkde, iyekɔm fi ke nsinsi: iyenyuŋ itiŋ itoro fo ke ofuri emana.