Read efik ŊWED MME PSALM 83 Bible Online

ŊWED MME PSALM 83 - efik bible

ŊWED MME PSALM 83

¹Ikwɔ. Psalm Asaph. O ABASI, afo kudop uyo: kudi imum kunyuŋ utie ikpikpu, O Abasi.

²Koro, sese, mme asua fo esin ndutime: mmɔ eke esuade fi enyuŋ emenerede ibuot.

³Mmɔ eduk odu ekari ŋkari ebaŋa ikɔt fo, enyuŋ eduak uduak ebaŋa mmɔ eke afo odipde.

⁴Mmɔ edɔhɔ ete, Edi, nnyin isibe mmɔ ifep, man ekudi aba idut; man ekuti aba enyiŋ Israel.

⁵Koro mmɔ emeduk odu ɔtɔ kiet ke ofuri esit; mmɔ ediomi ediomi ebaŋa fi.

⁶Mme tent Edom, ye ke mme Ishmaelite; eke Moab, ye mme Hagarene; Gebal,

⁷ye Ammon, ye Amalek; Philistia, ye mme andiduŋ Tyre;

⁸Assyria nde edian idem ye mmɔ: mmɔ edi ubɔk nditɔ Lot. [Selah.]

⁹Nam mmɔ nte Midian; nte Sisera, ye nte Jabin, ke itihere Kishon.

¹⁰Ekesobo mmɔ ke Endor: mmɔ ekabare edi ifum isɔŋ.

¹¹Nim mmɔ, kpa mbɔŋ mmɔ nte Oreb, ye nte Zeeb: nim kpukpru ikpɔ owo mmɔ nte Zebal, ye nte Zalmunna:

¹²emi ekedɔhɔde ete, Yak nnyin ida mme iduŋ Abasi ke idem nnyin inyene.

¹³O Abasi mi, nim mmɔ nte mbio; ye nte edisat nyanyaŋa ke iso ofum.

¹⁴Kpa nte ikaŋ atade akai, nte edemikaŋ onyuŋ ɔfɔpde ikpɔ obot;

¹⁵kpa ntre bine mmɔ ke idio fo, nyuŋ da oyobio fo nam mmɔ eyomo nsia.

¹⁶Da but yɔhɔ mmɔ ke iso; man mmɔ eyom enyiŋ fo, O Jehovah.

¹⁷But ye nyomo-nsia eyenam mmɔ ke nsinsi; mmɔ eyekut esuene, eyenyuŋ esobo mmɔ.

¹⁸Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.