Read efik ŊWED MME PSALM 97 Bible Online

ŊWED MME PSALM 97 - efik bible

ŊWED MME PSALM 97

¹JEHOVAH edi edidem; yak ererimbot ebre; yak uwak isuo edat esit.

²Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

³Ikaŋ ebem enye iso asaŋa, onyuŋ ɔfɔp mme asua esie emi ekande enye ekuk.

⁴Obuma esie aŋwaŋa ekondo: isɔŋ okut, ndien enyek idem.

⁵Ikpɔ obot etara nte mbukpa ekwɔk ke iso Jehovah, ke iso Ɔbɔŋ ofuri ererimbot.

⁶Enyɔŋ etaŋa eti ido esie, kpukpru mme idut ekut ubɔŋ esie.

⁷But eyenam kpukpru mmɔ eke enamde ŋkpɔ enɔ edisɔi mbiet, enyuŋ eburede mbure ke mbiet ŋkpɔ: mbufo kpukpru abasi etuak ibuot enɔ enye.

⁸Zion okop, onyuŋ adat esit; nditɔ-iba Judah enyuŋ ebre mbre ebaŋa mme ikpe fo O Jehovah.

⁹Koro afo, O Jehovah, edide Ata Edikoŋ akan ofuri ererimbot: afo omokoŋ eti-eti akan kpukpru abasi.

¹⁰Mbufo emi emade Jehovah, esua idiɔk ido: enye onim ukpɔŋ mbon ima esie; eyesio mmɔ mme idiɔk owo ke ubɔk.

¹¹Emetɔ uŋwana ke isɔŋ enɔ ndinen owo, etɔ idaresit enɔ mbon esit kiet.

¹²Mbufo, mbon edinen ido, edara Jehovah; enyuŋ enɔ ekɔm ke ini etide edisana ido esie.