Read efik MME ŊKE 22 Bible Online

MME ŊKE 22 - efik bible

MME ŊKE 22

¹ƆFƆN ndimek eti enyiŋ ŋkan ediwak inyene: ima ye mfɔn ekan silver ye gold.

²Mme enyene-ŋkpɔ ye mme anana-ŋkpɔ esop idem ɔtɔ kiet: Jehovah edi andibot mmɔ kpukpru.

³Ɔniɔŋ owo okut idiɔk-ŋkpɔ, ndien odibe: edi mme ɔkɔi ebe eka iso, ndien eda ufen.

⁴Utip nsukesit ye eke uteŋe Jehovah edi inyene, ye ukpono, ye uwem.

⁵Ŋkukim ye afia edu ke usuŋ ɔsɔŋ ibuot: owo eke ekpemede uwem esie edikpɔŋ mmɔ anyan usuŋ.

⁶Tim teme eyenɔwɔŋ nte ekemde ye usuŋ esie: ke ini enye akabarede idem akani owo, enye idikpɔŋke enye.

⁷Enyene-ŋkpɔ akara mme anana-ŋkpɔ: owo eke ɔbuɔtde onyuŋ edi ofin owo eke ɔnɔde.

⁸Owo eke ɔtɔde ibak (ke isɔŋ) eyedɔk ufen: ndien eto ifuresit esie eyebiara.

⁹Edi enyin mfɔn edikut mfɔn: koro enye adade udia esie ɔnɔ ubuene.

¹⁰Bin owo nsahi fep, ndien utɔk eyekure: eŋwan ye oburobut ŋkpɔ eyenyuŋ edop.

¹¹Owo eke amade edisana esit, eke mfɔn odude enye ke inua, edidem edi ufan esie.

¹²Enyin Jehovah ekpeme (mbon) ifiɔk: edi enye oyut uyo mbon nsu akabare onim.

¹³Ifem ɔdɔhɔ ete, “Ekpe mmɔ ke efak, eyewot mi ke aŋwa.”

¹⁴Inua akpara edi edituŋɔ obube: owo eke ayatde Jehovah esit eyeduɔ ke esit.

¹⁵Ndisime ido eyire ke esit eyenɔwɔŋ: eto item eyebin enye efep ɔkpɔŋ enye anyan usuŋ.

¹⁶Etuk ubuene, aka ndifori enye: enɔ ɔbɔŋ ŋkpɔ, aka ke unana ikpɔŋ-ikpɔŋ.

¹⁷Kpaŋ utɔŋ fo, nyuŋ kop uyo mme ɔfiɔk ŋkpɔ owo; nyuŋ nim ibuot fo ke ifiɔk mi:

¹⁸Koro mmɔ eyede ke afo onimde mmɔ ke esit fo: (ke) mmɔ ewuhɔde ɔtɔ kiet ke mkpɔk-inua fo.

¹⁹Mmasian fi, kpa fi, mfin emi, man afo ɔbuɔt idem fo ye Jehovah.

²⁰Nte ŋkadaha item ye ifiɔk ŋwet nnɔ fi ini oko.

²¹Man nsian fi nte uyo akpanikɔ ɔsɔŋɔde; man afo ada uyo akpan-ikɔ afiak eketiŋ ɔnɔ andidɔŋ fi utom?

²²Kudia ubuene, koro enye ebuenede: kunyuŋ utuk owo ukut ke inua-otop:

²³Koro Jehovah eyekpe ikpe mmɔ, onyuŋ abiat mme andibiat ukpɔŋ mmɔ.

²⁴Kumamana ye owo iyaresit: kunyuŋ usaŋa ye owo ifuresit:

²⁵Mbak afo edikpep ido esie, onyuŋ ada afia ɔkɔk ɔnɔ uwem fo.

²⁶Kudu ke otu mme amia-ubɔk, kunyuŋ udu ke otu mmɔ eke etiede ubiɔŋ.

²⁷Munyeneke se adade osio isɔn, enam didie esio fi mbri ke idak?

²⁸Kusehere adaŋa eset emi mme usɔ ekenimde.

²⁹Nte afo okut owo eke ɔsɔpde ubɔk ke utom esie? Enye eyeda ke iso mbɔŋ: ididaha ke iso mbukpo owo.