Read efik MME ŊKE 9 Bible Online

MME ŊKE 9 - efik bible

MME ŊKE 9

¹ETI IBUOT ɔmɔbɔp ufɔk esie, ɔmɔsɔi mme adaha esie mbitiaba:

²Enye omowot unam esie; amabuak wine esie; omonyuŋ ebri okpokoro esie ŋko.

³Ɔmɔdɔŋ nditɔ-iban esie utom: ke ɔkwɔrɔ ke etiŋe edikoŋ ebiet obio, Ete,

⁴Yak ɔkɔi ekededi awaha edi ken: ama edi anana-ibuot, ɔdɔhɔ enye, ete, Mbufo edi edidia udia mi,

⁵enyuŋ eŋwɔŋ wine emi mbuakde.

⁶Ekpɔŋ mme ɔkɔi, enyuŋ edu, uwem; enyuŋ esaŋa ke usuŋ asian.

⁷Owo eke etemede asak-nsahi ada but ke idem esie; owo eke asuade ɔnɔ idiɔk owo onyuŋ ada mbiara.

⁸Kusua unɔ asak-nsahi, mbak edisua fi: sua nɔ owo eti ibuot, ndien enye eyema fi.

⁹Nɔ owo eti ibuot item, ndien enye eyediɔŋ enyene ibuot: sian edinen owo, ndien enye eyekɔri ke se ekpepde.

¹⁰Eritɔŋɔ eti ibuot edi uteŋe Jehovah: ndien ndifiɔk Ata Edisana onyuŋ edi asian.

¹¹Koro oto mi usen fo eyewak, eyenyuŋ edian isua uwem enɔ fi.

¹²Afo enyenyene ibuot, enyene ibuot ɔnɔ idem fo: onyuŋ asasak nsahi, afo ke idem fo ikpɔŋ edibiom enye.

¹³Ndisime aŋwan etie uyom uyom: edi ukpɔk, inyuŋ ifiɔkke ŋkpɔ ndomo kiet.

¹⁴Ndien enye etetie ke inua-otop ufɔk esie, ke ŋkpɔ-itie ke edikoŋ ebiet ke obio,

¹⁵Man okot mmɔ eke esaŋade ke ɔkpɔ-usuŋ ebe, eke eneŋerede eka eke mmɔ.

¹⁶Yak ɔkɔi ekededi awaha edi ken: ama edi anana-ibuot, ɔdɔhɔ enye ndien, ete,

¹⁷Imɔŋ inɔ iniŋe, uyo ke ndibe onyuŋ enem.

¹⁸Ndien enye ifiɔkke ite ke mbukpo edu do; mmɔ eke enye okotde (udia) enyuŋ edu ke udem hell.