Read efik IKWƆ SOLOMON 5 Bible Online

IKWƆ SOLOMON 5 - efik bible

IKWƆ SOLOMON 5

¹O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

²Ami ŋkede idap, edi esit mi edemere. Uyo ama mi! enye atuak, ete, O eyen-eka mi, ŋwan ima mi, ibiom mi, emi eyede ama, sio usuŋ nɔ mi: koro mbara ɔyɔhɔde mi ke ibuot, ntɔi okoneyo enyuŋ eyɔhɔ mi ke idet.

³Mma nsio ɔfɔŋidem mi: ndisine enye didie? Mma nyet ukot mi; ndidehe mmɔ didie?

⁴Ama mi osio ubɔk esie ke odudu efep, ndien nsia oyomo mi abaŋa enye.

⁵Ndaha ke enyɔŋ, nte nsio nnɔ ama mi; ndien ubɔk mi etɔi myrrh, nnuenubɔk mi enyuŋ etɔi mmɔŋ-mmɔŋ myrrh ke umum-ubɔk bolt.

⁶Ami nsio usuŋ nnɔ ama mi; edi ama mi ama akabare ɔnyɔŋ. Ukpɔŋ ɔbɔhɔ mi ke ini enye ɔdɔhɔde. Nyom enye, edi ŋkwe enye; ŋkot enye edi, ndien enye iyereke mi.

⁷Mbon-ukpeme emi ekanarede obio, ekut mi, etɔ mi enɔ mi unan; mmɔ eke ekpemede ibibene ebɔ mi ufuhɔ-iso mi.

⁸Mmowuk mbufo, O nditɔ-iban Jerusalem, mbufo ema ekut ama, mi mbufo edidɔhɔ enye didie? (Edɔhɔ ete) ke ami mmɔŋ ndɔŋɔ ima.

⁹Ama fo akan ama efen ke nso, afo emi eyede akan kpukpru iban? ama fo akan ama efen ke nso, eke afo owukde nnyin ntem?

¹⁰Ama mi afia onyuŋ oyibe, edi ata akpan owo ke otu tɔsin duop.

¹¹Ibuot esie edi ata eti gold, idet esie efuŋ nte ndak eyop, enyuŋ ebire nte raven.

¹²Enyin esie emebiet ibiom ke mben akpa mmɔŋ, eyere mmɔŋ-eba, enyuŋ etie ke uyɔhɔ.

¹³Mfuk esie edi mbaha balsam, ibombom edifuɔŋ ikɔŋ: mkpɔk-inua esie edi lily eke etɔide mmɔŋ-mmɔŋ myrrh.

¹⁴Ubɔk esie edi gold, etie ofuri-ofuri, enyuŋ eyɔhɔ topaz: ekpat idem esie edi edisem oduk enin eke efukde sapphire.

¹⁵Ukot esie edi adaha marble, eke esinede ke uwuhɔ-ŋkpɔ ata eti gold: iso esie ebiet Lebanon, emeye nte cedar.

¹⁶Inua esie eniŋe eti-eti: ofuri idem esie onyuŋ enem akan. Emi edi ama mi, emi onyuŋ edi ufan mi, O nditɔ-iban Jerusalem.