Read efik IKWƆ SOLOMON 7 Bible Online

IKWƆ SOLOMON 7 - efik bible

IKWƆ SOLOMON 7

¹UKOT fo ke ikpa-ukot fo eye didie, O adiaha ɔbɔŋ! Ekikoi fo ebiet ŋkpɔ mbana eke ubɔk owo-usɔ anamde.

²Ekop fo etie nte ekara-ekara bowl; mbuaha wine idinanake ke esit; idibi fo ebiet otu wheat eke esinde lily ekan ekuk.

³Eba fo mbiba ebiet nditɔ edop iba, amaniba. Itɔŋ fo etie nte tower oduk enin:

⁴enyin fo edi mkpɔdiɔhɔ-mmɔŋ ke Heshbon, ke inua otop Bath-rabbim: ibuo fo ebiet tower Lebanon emi asakde iso ese Damascus.

⁵Ibuot fo emi odorode fi ke idem, etie nte Carmel, idet ibuot fo onyuŋ etie nte purple; anyan idet fo emi edɔkde ɔmɔbɔp edidem.

⁶O ima mi, afo eye didie, onyuŋ enem didie ke ŋkpɔ idaresit!

⁷Idaha fo emi ebiet eyop, eba fo enyuŋ ebiet ifen.

⁸Ŋkekere: nte, yak ndɔk eyop emi, yak mmum enye mkpabak: yak eba fo etie ndien nte etuek vine, yak utebe ibuo fo etie nte apple;

⁹yak nsiŋ fo onyuŋ etie nte ata eti wine eke ama mi ɔŋwɔŋde inem-inem, eke onyuŋ anamde mkpɔk-inua mme ede-idap etiŋ ikɔ.

¹⁰Ami nnyene ama mi: ndien enye oyom mi.

¹¹Ama mi, di, nnyin iwɔŋɔ ika iŋwaŋ, inyuŋ idaŋ ke mme obio iŋwaŋ.

¹²Yak nnyin ibak idemere ika ke mme iŋwaŋ-vine; ise mme vine esehe, mme enye otop mfri, mme pomegranate efiari: do ke ndinɔ fi ima mi.

¹³Mfri eto ima enɔ eti utebe, kpukpru oruk ndinem ŋkpɔ, mbufa ye ŋkani, enyuŋ edu nnyin ke enyin-usuŋ. O ama mi, mma nnim mmɔ nnɔ fi.