Read efik LEVITICUS 27 Bible Online

LEVITICUS 27 - efik bible

LEVITICUS 27

¹NDIEN Jehovah ɔdɔhɔ Moses, ete, Dɔhɔ nditɔ Israel, nyuŋ tiŋ nɔ mmɔ, ete,

²Adaŋemi owo akaŋade ata akaŋa, mme ukpɔŋ eyenyene Jehovah ke ekɔm-urua fo.

³Ndien ama edi eren-owo, ɔtɔŋɔde ke isua edip tutu osim isua ata, yak ekɔm urua fo edi shekel silver aba ye duop, nte asaŋade ye edisana shekel.

⁴Ndien ama edi ŋwan, yak ekɔm-urua fo edi shekel edip ye duop.

⁵Ndien ɔtɔŋɔde ke eyen isua ition tutu osim isua edip, yak ekɔm-urua fo ke eke eren-owo edi shekel edip, ndien eke ŋwan shekel duop.

⁶Ndien onyuŋ ɔtɔŋɔde ke eyen ɔfiɔŋ kiet tutu osim isua ition, yak ekɔm-urua fo ke eke eren edi shekel silver ition, ndien yak ekɔm-urua fo ke eke aŋwan edi shekel silver ita.

⁷Ndien ŋko ama edi ke owo isua ata, ye mmɔ eke ebede oro; yak ekɔm-urua fo ke eke eren edi shekel efut, ye ke eke aŋwan, shekel duop.

⁸Edi edieke enye ebuenede akan ke ekɔm-urua fo, yak enim enye ke iso oku, ndien oku ɔkɔm urua ɔnɔ enye; yak oku ɔkɔm ɔnɔ andikaŋa nte ubɔk esie edikemde.

⁹Ndien ŋko ama edi ke oruk unam emi ekam ewade enɔ Jehovah, oruk emi kpukpru emi owo ɔnɔde Jehovah edidi edisana.

¹⁰Yak enye okukpuhɔre enye, okunyuŋ ada etiɔkpuhɔ idiɔk, okunyuŋ ada idiɔkɔkpuhɔ eti: ndien edieke owo adade unamɔkpuhɔ unam, idem unam oro ye se edade ekpuhɔ enye edidi edisana.

¹¹Ndien ama edi edidehe unam ekededi, eke misidaha oruk oro iwa uwa inɔ Jehovah, yak enye ada unam oro onim ke iso oku:

¹²ndien yak oku asiak ekɔm-urua esie, edide eti, onyuŋ edide idiɔk; kpa nte afo oku ɔkɔmde urua esie, yak edi ntre.

¹³Edi edieke enye oyomde ndifak enye, yak enye ada ɔyɔhɔ ubak esie ition ɔkɔrɔ ke ekɔm-urua fo.

¹⁴Ndien ŋko adaŋemi owo adianarede ufɔk esie onim ɔnɔ Jehovah ke edisana, yak oku ɔkɔm urua esie, edide eti, onyuŋ edide idiɔk: nte emi oku edikɔmde ɔnɔ enye, yak edi ntre.

¹⁵Ndien edieke andidianare oyomde ndifak ufɔk esie, yak enye ada ɔyɔhɔ ubak ition okuk emi afo ɔkɔmde, ɔkɔnɔ ke esit, ndien edidi esie.

¹⁶Ndien edieke owo adianarede ubak isɔŋ esie ɔnɔ Jehovah, ndien kɔm urua ke adaŋa nte mfri esie edide: mkpasip homer barley kiet ke shekel silver aba ye udop.

¹⁷Edieke enye adianarede isɔŋ esie ke isua jubilee, yak enye ada nte afo ɔkɔmde.

¹⁸Edi edieke enye adianarede isɔŋ esie adaŋemi jubilee ebede, yak oku ɔkɔm okuk ɔnɔ enye, asaŋa ke ibat isua eke esuhɔde, tutu osim ke isua jubilee (efen) ndien yak esuhɔre ekɔm urua fo.

¹⁹Ndien edieke andidianare oyomde ndifak isɔŋ esie, yak enye ada ɔyɔhɔ ubak okuk ition ɔkɔrɔ ke ekɔm-urua fo, ndien eyeda ke esie.

²⁰Edieke enye mifakke isɔŋ oro, mme onyuŋ edieke enye anyamde isɔŋ oro ɔnɔ owo efen, idifakke aba enye.

²¹Edi adaŋemi isɔŋ ɔwɔrɔde ke jubilee, enye eyedi edisana ŋkpɔ ɔnɔ Jehovah, nte isɔŋ emi edianarede (enɔ Jehovah); eyedi se oku adade enyene.

²²Ndien edieke owo adianarede isɔŋ eke enye edepde, eke midige isɔŋ eke enye adiade ke akpa, onim ɔnɔ Jehovah;

²³yak oku abat ndien ɔnɔ enye nte afo ɔkɔmde urua, tutu osim ke isua jubilee: yak enye onyuŋ ada ekɔm-urua fo ke usen oro, ɔnɔ Jehovah ke edisana ŋkpɔ.

²⁴Ke isua jubilee iŋwaŋ oro eyefiak ke ubɔk owo oro ekedepde ye enye, kpa owo oro akadiade isɔŋ oro ke akpa.

²⁵Ndien kpukpru ekɔm-urua fo eyesaŋa ye edisana shekel: gerah edip ekem ye shekel kiet.

²⁶Edi ama edi akpa eyen ufene eke ekpedide akpa eyen ufene Jehovah, owo okudianare enye: edide enaŋ, onyuŋ edide eke ŋkpri ufene, enye enyene Jehovah.

²⁷Ndien enye ama edi akpa eyen unam eke edide edidehe, yak andinyene afak enye ke ekɔm-urua fo, onyuŋ ada ɔyɔhɔ ubak ition ɔkɔrɔ ke esit: ndien ke mifakke, yak enyam enye ke ekɔm-urua fo.

²⁸Edi ekunyam, ekunyuŋ efak baba ofuri edidianare ŋkpɔ kiet, eke owo edidianarede inɔ Jehovah, ke kpukpru se enye enyenede, edide owo, onyuŋ edide unam, onyuŋ edide isɔŋ akpa esie: kpukpru edidianare ŋkpɔ edi ata edisana ŋkpɔ Jehovah.

²⁹Mbufo ekufak se edianarede enim enɔ Abasi, eke edidianarede ke otu owo; yak ekutre ndiwot.

³⁰Ndien ŋko kpukpru ubak kiet ke itie duop ke ofuri isɔŋ, edide mkpasip iŋwaŋ, onyuŋ edide mfri eto, enyene Jehovah: enye edi edisana ŋkpɔ Jehovah.

³¹Ndien edieke owo oyomde ndifak ubak kiet ke itie duop oro, yak enye ada ɔyɔhɔ ubak ition ɔkɔrɔ ke esit.

³²Ndien ama edi ɔyɔhɔ duop ke otu enaŋ, ye ke otu ŋkpɔ ŋkpri ufene, se isuk ididi eke asaŋade ke idak esaŋ ebe, ɔyɔhɔ duop edidi edisana ŋkpɔ Jehovah.

³³Enye okuse mme edi eti mme edi idiɔk, okunyuŋ ɔkpuhɔ enye: ndien edieke ɔkpuhɔde enye, enye ye se edade ekpuhɔ enye edidi edisana, ekufak enye.

³⁴Mme mmɔ emi edi mme ewuhɔ emi Jehovah okowukde Moses, ɔnɔ nditɔ Israel ke obot Sinai.