Read efik JEREMIAH 8 Bible Online

JEREMIAH 8 - efik bible

JEREMIAH 8

¹JEHOVAH ɔdɔhɔ ete, Ke ini oro mmɔ eyesioŋo mme ɔkpɔ ndidem Judah ye mme ɔkpɔ mbɔŋ mmɔ, ye mme ɔkpɔ mme oku, ye mme ɔkpɔ mme prophet, ye mme ɔkpɔ mme andiduŋ Jerusalem ke mme udi mmɔ efep:

²enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

³Ndien kpukpru mmɔ efen eke edisuhɔde ke idiɔk ubon emi, eyemek mkpa ekan uwem ke kpukpru ebiet eke ndibinde mmɔ eke esuhɔde nsin do: uyo Jehovah mme udim edi emi.

⁴Nyuŋ dɔhɔ mmɔ, ete, Ntem ke Jehovah ɔdɔhɔ, ete, Nte mmɔ ediduɔŋɔ, ndien ididaŋake ke enyɔŋ? Nte owo edikabare idem esie efep, ndien idifiakke idi?

⁵Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

⁶Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

⁷Idem stork ke ikpa-enyɔŋ ɔmɔfiɔk edikem ini esie; turtle ŋko, ye akaraŋ Abasi, ye akpantana ekpeme ini eke mmɔ edide; edi ikɔt mi ifiɔkke ikpe Jehovah.

⁸Mbufo enam didie edɔhɔ, ete, Nnyin imɔfiɔk ŋkpɔ, ŋwed mbet Jehovah onyuŋ odu ye nnyin? Sese, ŋkɔm nsunsu ntaŋwed mme ewet-ŋwed anam enye edi abiaŋa.

⁹But anam mme enyene-ibuot owo, nsia oyomo mmɔ, ndien owo emum mmɔ: sese, mmɔ eduɔk uyo Jehovah: ndien nso ifiɔk ke mmɔ enyene?

¹⁰Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

¹¹Ndien mmɔ ekɔk unan adiaha ikɔt mi enyɔŋ-enyɔŋ, ete, Emem, emem; ndien baba emem iduhe.

¹²But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

¹³Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

¹⁴“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

¹⁵Nnyin ikedori enyin ke emem, edi eti ŋkpɔ iduhe; idori enyin ke ini ukɔk unan, ndien, sese, nyomo-nsia!”

¹⁶Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

¹⁷Koro, sese, ami nyedɔŋ urukikɔt ye ibɔm, eke minyimeke ndikop uŋwaŋ utom ke otu mbufo, ndien mmɔ eyedom mbufo: Jehovah ɔdɔhɔ.

¹⁸Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

¹⁹Sese, uyo eseme adiaha ikɔt mi oto ke anyan idut: nte Jehovah iduhe ke Zion? Nte edidem esie iduhe ke esit? Nsinam mmɔ ekedade ndisɔi mbiet mmɔ ye mbukpo ŋkpɔ isen idut eyat mi esit?

²⁰Ukpeŋe emebe, ndaeyo omokure, ndien ika-inyaŋake nnyin.

²¹Mmowure mbaŋa ŋwure adiaha ikɔt mi: mmakabare mbire; mkpa-idem omomum mi akama.

²²Nte baba balsam iduhe ke Gilead? Nte baba abia-ibɔk iduhe do? Nsinam ndien mibɔpke unan adiaha ikɔt mi?