Read efik EZEKIEL 19 Bible Online

EZEKIEL 19 - efik bible

EZEKIEL 19

¹AFO ŋko nyuŋ men eseme baŋa mbɔŋ Israel, Nyuŋ dɔhɔ, ete, Uka edi anie? Uman lion.

²Enye ɔsuhɔre ana ke otu mme lion; ɔbɔk nditɔ esie ke otu mkparawa lion.

³Ndien enye anam eyen esie kiet ɔkɔri, tutu enye akabare edi akparawa lion, onyuŋ ekep ndimum ŋkpɔ; enye ata owo.

⁴Ndien mme idut ekop ebaŋa enye; emum enye ke ukpe mmɔ, ekɔbi ke ŋkpɔkɔbi, eda edi ke isɔŋ Egypt.

⁵Ndien ke ini enye (eka) okutde ete ke idori-enyin imɔ anam ubigi, onyuŋ atak, enye ada eyen esie kiet eŋwen onim enye ke akparawa lion.

⁶Ndien enye asaŋa ke otu mme lion, ɔwɔrɔ akparawa lion, onyuŋ ekpep ndimum ŋkpɔ: enye ata owo.

⁷Ndien enye ɔdiɔŋɔ mme ebe-akpa mmɔ, onyuŋ abiat obio mmɔ: ndien uyom ŋkuni esie esin isɔŋ ye se iyɔhɔde ke esit etie ikpikpu.

⁸Ndien mme idut eto ke mme esien emi ekande ekuk, ekɔk afia enɔ enye, enyuŋ etat iyire mmɔ eduɔk enye ke idem: emum enye ke ukpe mmɔ.

⁹Ndien mmɔ ekɔbi enye ke ŋkpɔ-kɔbi enɔ ukpeme, ndien eda enye esɔk edidem Babylon: eda enye esin ke ɔkpɔsɔŋ ebiet, man ekukop aba uyo esie ke ikpɔ obot Israel.

¹⁰Ke ini afo okodude ke iyip fo, uka ebiet vine eke etɔde ke mben mmɔŋ: ediwak mmɔŋ esin enye oŋwum mfri, onyuŋ awak ŋkɔk.

¹¹Ndien enye enyene ɔkpɔsɔŋ esaŋ emi edade enam mmɔnyɔ mbɔŋ; idaha esie onyuŋ okoŋ ke otu edibaŋ ŋkɔk, ndien idaha esie ye ediwak ŋkɔk esie esin ekut enye.

¹²Ndien mmɔ edibere enye ke ifuresit, emen enye eduɔk ke isɔŋ, ofum ikɔrabak onyuŋ asat mfri esie: mkpɔsɔŋ esaŋ esie emebuŋɔ, emenyuŋ esat: ikaŋ amata enye.

¹³Ndien ke emi emetɔ enye ke wilderness, kpa ata edisat isɔŋ.

¹⁴Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.