Read efik NUMBERS 26 Bible Online

NUMBERS 26 - efik bible

NUMBERS 26

¹NDIEN ke udɔŋɔ oro ama ekebe, Jehovah ɔdɔhɔ Moses ye Eleazar eyen Aaron oku,

²ete, Mbufo ebat mbuot ofuri esop nditɔ Israel, ɔtɔŋɔde ke owo isua edip, ye mmɔ eke ebede oro, ke ofuri ufɔk mme ete mmɔ, kpukpru mmɔ eke ewɔŋɔde ke Israel, eka ekɔŋ.

³Ndien Moses ye Eleazar oku edɔhɔ ye mmɔ ke una-isɔŋ Moab, ke mben Jordan Jericho, ete,

⁴Mbufo etɔŋɔ ke owo isua edip, ye mmɔ eke ebede oro; kpa nte Jehovah eketemede Moses.

⁵Ndien nditɔ Israel emi eketode ke isɔŋ Egypt, edi Reuben, akpan Jacob: nditɔ Reuben; eke Hanoch, ubon nditɔ Hanoch:

⁶Eke Pallu, ubon nditɔ Pallu: Eke Hezron, ubon nditɔ Hezron: eke Carmi, ubon nditɔ Carmi.

⁷Mme mmɔ emi edi mme ubon nditɔ Reuben; ndien mbio mmɔ emi ekebatde edi tɔsin aba ye ita, ye ikie itiaba, ye edip ye duop.

⁸Ndien ŋko nditɔ Paul: Eliab.

⁹Nditɔ Eliab enyuŋ edi Nemuel, ye Dathan, ye Abiram. Mme mmɔ emi edi Dathan ye Abiram, emi ekam ekotde ke odu, emi ekenyuŋ etienede udim Korah etɔhɔ ye Moses ye Aaron, ke ini mmɔ etɔhɔde ye Jehovah:

¹⁰ndien isɔŋ atat inua esie emen mmɔ ye Korah, ke ini udim oro ekpaŋade, ke ini ikaŋ atade owo ikie iba ye aba ye duop: ndien mmɔ ekabare edi idiɔŋɔ.

¹¹Edi nditɔ Korah ikpaha.

¹²Nditɔ Simeon ke ubon, ke ubon: eke Nemuel, ubon nditɔ Nemuel: eke Jamin, ubon nditɔ Jamin: eke Jachin, ubon nditɔ Jachin:

¹³eke Zerah, ubon nditɔ Zerah: eke Shaul, ubon nditɔ Shaul.

¹⁴Mme mmɔ emi edi ubon mme Simeonite, tɔsin owo edip ye iba, ye ikie iba.

¹⁵Nditɔ Gad ke ubon, ke ubon: eke Zephon ubon nditɔ Zephon: eke Haggi, ubon nditɔ Haggi: eke Shuni, ubon nditɔ Shuni:

¹⁶eke Ozni, ubon nditɔ Ozni: eke Eri, ubon nditɔ Eri:

¹⁷eke Arod, ubon nditɔ Arod: eke Areli, ubon nditɔ Areli.

¹⁸Mme mmɔ emi edi ubon nditɔ Gad, nte mbon mmɔ emi ekebatde esaŋade, tɔsin aba, ye ikie ition.

¹⁹Er ye Onan nditɔ Judah: ndien Er ye Onan ema ekekpa ke isɔŋ Canaan.

²⁰Ndien nditɔ Judah ke ubon, ke ubon; eke Shelah, ubon nditɔ Shelah: eke Perez, ubon nditɔ Perez: eke Zerah, ubon nditɔ Zerah.

²¹Ndien nditɔ Perez ŋko; eke Hezron, ubon nditɔ Hezron: eke Hamul, ubon nditɔ Hamul.

²²Mme mmɔ emi edi ubon Judah, nte mbio mmɔ emi ekebatde esaŋade, tɔsin ata ye efure-kiet, ye ikie ition.

²³Nditɔ Issachar, ke ubon, ke ubon: eke Tola, ubon nditɔ Tola: eke Puvah, ubon mme Punite;

²⁴eke Jashub, ubon nditɔ Jashub; eke Shimron, ubon nditɔ Shimron.

²⁵Mme mmɔ emi edi ubon Issachar, nte mbio mmɔ emi ekebatde, esaŋade, tɔsin owo ata ye inaŋ, ye ikie ita.

²⁶Nditɔ Zebulun, ke ubon, ke ubon: eke Sared, ubon nditɔ Sared: eke Elon, ubon nditɔ Elon: eke Jahleel, ubon nditɔ Jahleel.

²⁷Mme mmɔ emi edi ubon mme Zebulunite, nte mbio mmɔ emi ekebatde esaŋade, tɔsin ata ye ikie ition.

²⁸Nditɔ Joseph ke ubon, ke ubon, edi Manaseh ye Ephraim.

²⁹Nditɔ Manasseh: eke Machir, ubon nditɔ Machir: ndien Machir obon Gilead: eke Gilead, ubon nditɔ Gilead.

³⁰Mme mmɔ emi edi nditɔ Gilead: eke lezer, ubon nditɔ lezer, eke Helek ubon nditɔ Helek:

³¹ye eke Asriel, ubon nditɔ Asriel, ye eke Shechem, ubon nditɔ Shechem:

³²ye eke Shemida, ubon nditɔ Shemida: ye eke Hepher, ubon nditɔ Hepher.

³³Ndien Zelophehad eyen Hepher ikenyeneke eyen-eren baba kiet, ibɔhɔke nditɔ-iban: ndien enyiŋ nditɔ iban Zelophehad ekere Mahlah, ye Noah, ye Hoglah, ye Milcah, ye Tirzah.

³⁴Mme mmɔ emi edi ubon Manasseh; mbio mmɔ emi ekebatde enyuŋ edi tɔsin owo aba ye duopeba, ye ikie itiaba.

³⁵Mme mmɔ emi edi nditɔ Ephraim ke ubon, ke ubon: eke Shuthelah, ubon mme Shuthalhite: eke Becher, ubon nditɔ Becher: eke Tahan, ubon nditɔ Tahan.

³⁶Ndien mme mmɔ emi edi nditɔ Shuthelah: eke Eran, ubon nditɔ Eran.

³⁷Mme mmɔ emi edi ubon nditɔ Ephraim, ke adaŋa mbio mmɔ emi ekebatde, tɔsin edip ye duopeba, ye ikie ition. Mme mmɔ emi edi nditɔ Joseph, nte ubon mmɔ esaŋade.

³⁸Nditɔ Benjamin ke ubon, ke ubon: eke Bela, ubon nditɔ Bela: eke Ashbel, ubon nditɔ Ashbel: eke Ahiram, ubon nditɔ Ahiram:

³⁹eke Shephupham, ubon nditɔ Shephupham: eke Hupham, ubon nditɔ Hupham.

⁴⁰Ndien nditɔ Bela edi Ard ye Naaman: eke Ard, ubon nditɔ Ard: eke Naaman, ubon nditɔ Naaman.

⁴¹Mme mmɔ emi edi nditɔ Benjamin ke ubon, ke ubon: ndien mbio mmɔ emi ekebatde edi tɔsin aba ye ition, ye ikie itiokiet.

⁴²Mme mmɔ emi edi nditɔ Dan ke ubon ke ubon: eke Shuham, ubon nditɔ Shuham. Mme mmɔ emi edi ubon Dan, ke ubon, ke ubon.

⁴³Kpukpru ubon nditɔ Shuham, ke adaŋa mbio mmɔ emi ekebatde, edi tɔsin ata ye inaŋ, ye ikie inaŋ.

⁴⁴Nditɔ asher, ke ubon, ke ubon: eke Imnah, ubon nditɔ Imnah: eke Ishvi, ubon nditɔ Ishvi: eke Beriah, ubon nditɔ Beriah.

⁴⁵Eke nditɔ Beriah: eke Herber, ubon nditɔ Herber: eke Malchiel, ubon nditɔ Malchiel.

⁴⁶Ndien enyiŋ eyen Asher aŋwan ekere Serah.

⁴⁷Mme mmɔ emi edi ubon nditɔ Asher, ke adaŋa mbio mmɔ emi ekebatde, tɔsin aba ye duopeta, ye ikie inaŋ.

⁴⁸Nditɔ Naphtali, ke ubon, ke ubon: eke Jahzeel, ubon nditɔ Jahzeel: eke Guni, ubon mme Gunite:

⁴⁹eke Jezer, ubon nditɔ Jezer: eke Shillem, ubon nditɔ Shillem.

⁵⁰Mme mmɔ emi edi ubon Naphtali, ke ubon ke ubon: ndien owo mmɔ emi ekebatde edi tɔsin aba ye ition, ye ikie inaŋ.

⁵¹Mme mmɔ emi edi nditɔ Israel emi ekebatde, tɔsin owo ke itie ikie itiokiet ye tɔsin kiet, ye ikie itiaba ye edip ye duop.

⁵²Ndien Jehovah ɔdɔhɔ Moses, ete,

⁵³Yak ebahare isɔŋ enɔ mme mmɔ emi ke udeme, nte ibat enyiŋ asaŋade.

⁵⁴Nam udeme mme mmɔ emi ewakde okpon, nyuŋ nam udeme mme mmɔ emi ekpride ekpri: yak enɔ kpukpru owo udeme mmɔ ekem ye owo mmɔ emi ekebatde.

⁵⁵Yak eda afia-afia edeme isɔŋ: yak mmɔ eda udeme nte enyiŋ mme esien mme ete mmɔ esaŋade.

⁵⁶Yak edeme udeme mmɔ nte afia otopde, ke ufɔt (esien) eke okponde ye eke ekpride.

⁵⁷Ndien mme mmɔ emi edi owo mme Levite emi ekebatde ke ubon, ke ubon: eke Gershon, ubon mme Gershonite: eke Kohath, ubon mme Kohathite: eke Merari, ubon mme Merarite.

⁵⁸Mme mmɔ emi edi ubon mme Levite: ubon mme Libnite, ye ubon mme Hebronite, ye ubon mme Mahlite, ye ubon mme Mushite, ye ubon mme Korahite.

⁵⁹Ndien Kohath obon Amram, enyiŋ ŋwan Amram ŋko ekere Jochebed, eyen Levi aŋwan emi eka esie amande ɔnɔ Levi ke Egypt. Ndien enye aman Aaron ye Moses, ye Miriam, eyen-eka mmɔ aŋwan, ɔnɔ Amram.

⁶⁰Nadab, ye Abihu, ye Eleazar, ye Ithamar enyuŋ emana enɔ Aaron.

⁶¹Ndien Nadab ye Abibu ema ekekpa ke ini mmɔ ekedade esen ikaŋ edi ke iso Jehovah.

⁶²Ndien owo mmɔ emi ekebatde esim tɔsin owo edip ye ita, kpukpru mmɔ edi iren owo, ɔtɔŋɔde ke eyen ɔfiɔŋ kiet, ye mmɔ eke ebede oro: koro mikebatde mmɔ isin ke otu nditɔ Israel: koro minɔŋɔ mmɔ udeme ke otu nditɔ Israel.

⁶³Mme mmɔ emi edi mmɔ oro Moses ye Eleazar oku ekebatde, ke adaŋemi mmɔ ebatde nditɔ Israel ke una-isɔŋ Moab ke mben Jordan Jericho.

⁶⁴Edi ama edi mmɔ oro Moses ye Aaron ekebatde, ke ini mmɔ ebatde nditɔ Israel ke wilderness Sinai, baba kiet iduhe ke otu mme mmɔ emi.

⁶⁵Koro Jehovah ɔkɔdɔhɔde abaŋa mmɔ, ete ke mmɔ enyene ndikpa ke wilderness. Ndien baba owo mmɔ kiet isuhɔke, ibɔhɔke Caleb eyen Jephunneh, ye Joshua eyen Nun.