Read efik NUMBERS 5 Bible Online

NUMBERS 5 - efik bible

NUMBERS 5

¹NDIEN Jehovah ɔdɔhɔ Moses, ete,

²Teme nditɔ, Israel, ete, yak esioŋo kpukpru mbon akpa-mfia, ye kpukpru owo eke ŋkpɔ ɔwɔrɔde mmɔ ke idem ye kpukpru owo emi okpo asabarede mmɔ, ke nna efep:

³mbufo esioŋo eren ye ŋwan efep enim ke edem nna; man ekusabare mme nna mmɔ emi ami nduŋde ke otu mmɔ.

⁴Ndien nditɔ Israel enam kpa ntre, enyuŋ esioŋɔ mmɔ enim ke edem nna. Kpa nte Jehovah ɔkɔdɔhɔde Moses, kpa ntre ke nditɔ Israel enam.

⁵Ndien Jehovah ɔdɔhɔ Moses, ete, Dɔhɔ nditɔ Israel, ete,

⁶Ke ini eren mme ŋwan edinamde idiɔk ido ekededi eke owo akam anamde, onyuŋ abiat mbet Jehovah, owo oro onyuŋ edue isop;

⁷yak mmɔ eyarare ndien idiɔk ido oro mmɔ ekenamde: ndien yak enye ada iso ŋkpɔ oro enye eduede isop, onyuŋ ɔkɔrɔ ɔyɔhɔ ubak ition ke esit, ndien emen enye ɔnɔ owo oro enye ekeduede.

⁸Edi owo oro minyeneke owo eke akpafakde enye, man enye (eken) osio isop oro ɔnɔ enye, yak enye osio isop oro ɔnɔ Jehovah, ɔnɔ oku; ɔkɔrɔ ye okukim usio-isop, eke edade esio isop enɔ enye.

⁹Ndien kpukpru edimenere uwa ke otu kpukpru edisana ŋkpɔ nditɔ Israel, eke mmɔ edade esɔk oku, enyene enye.

¹⁰Ndien ama edi edisana ŋkpɔ kpukpru owo, mmɔ eyenyuŋ edi esie: se owo edinɔde oku edidi esie.

¹¹Ndien Jehovah ɔdɔhɔ Moses, ete, Dɔhɔ nditɔ Israel,

¹²ete mmɔ Edieke ŋwan owo akabarede ɔdiɔk ye enye,

¹³owo onyuŋ okot enye, emi onyuŋ edibe ebe esie ke enyin, inyuŋ iyarakede ite ke enye asabare idem esie, ntiense minyuŋ iduhe nte ɔdɔhɔde ikɔ adian enye, minyuŋ ikwe ke ini enye anamde;

¹⁴Ndien spirit ufup oduk ebe, enye onyuŋ enyene ekikere abaŋa ŋwan esie, ndien ŋwan ama asabare idem esie; mme spirit ufup oduk ebe, enye onyuŋ enyene ekikere abaŋ aŋwan esie, ndien ŋwan isabakede idem esie:

¹⁵Yak owo oro ada ŋwan esie etiene oku, onyuŋ ada enɔ esie abaŋa enye edi, ndom barley ke omer kiet; okusin aran, okunyuŋ odori frankincense ke esit: koro enye edide uwa ufup, uwa eriti, emi anamde eti idiɔk ido.

¹⁶Ndien yak oku ada ŋwan asaŋa ekpere okonim ke iso Jehovah:

¹⁷Ndien yak oku ada edisana mmɔŋ ke eso mbat; onyuŋ owobi obu ke isɔŋ ebiet-iduŋ esin ke mmɔŋ oro.

¹⁸Ndien oku edinim ŋwan oro ke iso Jehovah, onyuŋ atat ŋwan oro idet, ndien ada uwa eriti emi edide uwa ufup, esin enye ke ubɔk: ndien ŋko yak oku akama ndot-ndot mmɔŋ isuŋi ke ubɔk.

¹⁹Ndien yak oku owuk enye, onyuŋ ɔdɔhɔ ŋwan oro, ete, Edieke eren owo mikokotke fi, afo, mukonyuŋ ukabakede usabare idem fo, ukpɔŋ uberi, ndot-ndot mmɔŋ isuŋi emi okunam fi ŋkpɔ:

²⁰edi edieke afo akabarede ɔkpɔŋ uberi, onyuŋ asabarede idem fo, edieke eren owo okonyuŋ okotde fi, ke mibɔhɔke uberi:

²¹Ndien oku ada isuŋi owuk ŋwan oro, onyuŋ ɔdɔhɔ ŋwan oro, ete, Jehovah onim fi ke ata idiɔk isuŋi ke otu mbio-obio fo, ke ini Jehovah anamde ifuhi eyemere fi, onyuŋ anam idibi ofut fi;

²²Ntem ke mmɔŋ isuŋi emi ebe oduk fi ke nsia, man anam idibi ofut fi, onyuŋ anam ifuhi eyemere fi: ndien yak ŋwan oro ɔdɔhɔ ete, Amen, Amen.

²³Ndien yak oku ewet mme isuŋi emi esin ke ŋwed, ndien ɔsɔhi mmɔ esin ke ndot-ndot mmɔŋ oro;

²⁴Ndien yak enye ada ndot-ndot mmɔŋ isuŋi oro ɔnɔ ŋwan oro ɔŋwɔŋ: ndien mmɔŋ isuŋi oro eyeduk enye idibi, odoro.

²⁵Ndien yak oku ɔbɔ ŋwan uwa ufup ke ubɔk, onyuŋ ofuŋ uwa oro ke iso Jehovah, ndien ada enye awa ke itie-uwa:

²⁶Ndien oku owobi uwa oro ɔyɔhɔ ubɔk, kpa editi ubak esie, ɔfɔp enye ke itie-uwa, ndien edinɔ ŋwan mmɔŋ ɔŋwɔŋ.

²⁷Ndien ke enye ama ɔkɔnɔ ŋwan mmɔŋ oro ɔŋwɔŋ, ama ekem, edieke enye akasabarede idem esie, onyuŋ ɔdiɔk ye ebe esie, mmɔŋ isuŋi eyebe oduk enye ke idibi, odoro, ndien idibi eyefut enye, ifuhi eyenyuŋ eyemere enye: ndien ŋwan oro eyekabare edi ata idiɔk isuŋi ke otu mbio-obio mmɔ.

²⁸Edi edieke ŋwan oro mikasabakede idem esie, edi edi edisana; ŋkpɔ idinamke enye, ndien enye eyeyomo idibi.

²⁹Ewuhɔ ufup edi emi, ke adaŋemi ŋwan akabarede ɔkpɔŋ ebe esiemɔ, onyuŋ asabarede idem esie;

³⁰Ye ke ini spirit ufup odukde ebe, enye onyuŋ ofubede ŋwan esie ufup, yak enye ada ŋwan oro onim ke iso Jehovah, ndien oku anam ofuri ido emi ye enye.

³¹Ndien ebe idinyeneke ndudue, edi ŋwan eyebiom idiɔk ido esie.