Read efik 1 ŊWED CORINTH 5 Bible Online

1 ŊWED CORINTH 5 - efik bible

1 ŊWED CORINTH 5

¹EMA ekekop ete, use odu ke otu mbufo, kpa oruk use eke miduhe ke otu mme Gentile, ete, owo mbufo kiet akada ŋwan ete esie ɔdɔ.

²Ndien mbufo ekohore idem; mbufo ekpekam efuhɔ, ete esio owo emi akanamde ido emi ke otu mbufo efep.

³Koro ami, emi mmenduhe ye mbufo ke ikpɔhidem, edi ndude ye mbufo ke spirit, mma mbiere ikpe owo emi akanamde ido emi mma ke enyiŋ Ɔbɔŋ nnyin Jesus, nte ŋkpɔ eke ndude do ye mbufo;

⁴mbufo ekesobo ye spirit mi ekeda odudu

⁵Ɔbɔŋ Jesus eyak oruk owo emi enɔ Satan atahare obukidem esie, man ekpanyaŋa spirit esie ke usen Ɔbɔŋ Jesus.

⁶Mbure eke mbufo eburede ifɔnke. Nte mbufo ifiɔkke ite ekpri ubak leaven anam ofuri ebok uyo ofut?

⁷Esio akani leaven eduɔk, man mbufo edi obufa ebok uyo, nte ŋkpɔ eke leaven miduhe mbufo ke esit. Koro emowot passover nnyin, kpa Christ.

⁸Ntre eyak nnyin ikuda akani leaven, kpa ibak ye ukwaŋido, inim usɔrɔ, edi ida uyo edisana ido ye akpanikɔ, eke leaven miduhe, inim.

⁹Ŋkewet nnɔ mbufo ke ŋwed mi, nte ekuduk nduk ye mbon use.

¹⁰Ndɔhɔke nte ekusasaŋa ye mbon use eke ererimbot emi, ye mme esin esit ke ŋkpɔ owo, ye mbon ŋkan-ubɔk, ye mme okpono-ndem, ke baba ŋkpɔ kiet; koro ke erinam ntem mbufo ekpenyene ndiwɔrɔ ŋkpɔŋ ererimbot.

¹¹Edi ke akpanikɔ ŋkewet nnɔ mbufo nte, Ekuduk nduk ye owo ekededi emi ekotde enye eyen-ete, emi edide owo use, mme esin esit ke ŋkpɔ owo, mme okpono ndem, mme owo idiɔk inua, mme ɔyuhɔ mmin, mme owo ŋkan-ubɔk; ekunyuŋ edia ŋkpɔ ye oruk owo oro.

¹²Koro nsaŋa nso ke erikpe ikpe nnɔ mmɔ emi miduhe ke esit ufɔk Abasi? Nte mbufo ikpehe ikpe mbon esit ufɔk? ama edi mbio aŋwa, Abasi eyekpe ikpe mmɔ.

¹³Esio oburobut owo oro ke otu mbufo efep.