Read efik JOSHUA 19 Bible Online

JOSHUA 19 - efik bible

JOSHUA 19

¹NDIEN udiana-akpa afia ɔwɔrɔ ɔnɔ Simeon, kpa esien nditɔ Simeon, ke ubon, ke ubon: ndien udeme mmɔ odu ke ufɔt udeme nditɔ Judah.

²Ndien mmɔ enyene Beer-sheba ke udeme mmɔ,

³ye Sheba, ye Moladah, ye Hazar-shual, ye Balah, ye Ezem,

⁴ye Eltolad, ye Bethul, ye Hormah,

⁵ye Ziklag, ye Beth-marcaboth,

⁶ye Hazar-susah, ye Beth-lebaoth, ye Sharuhen; obio duopeta, ye mme obio iŋwaŋ mmɔ.

⁷Ain, ye Rimmon, ye Ether, ye Ashan: obio inaŋ ye obio iŋwaŋ mmɔ.

⁸Ye kpukpru obio iŋwaŋ emi ekande mme obio oro ekuk, tutu osim Baalath-beer, ye Ramah ke edem usuk. Emi edi udeme esien nditɔ Simeon, nte mme ubon mmɔ esaŋade.

⁹Mmɔ esio udeme Simeon ke se ekedomode enɔ nditɔ Judah: koro se ekedomode enɔ nditɔ Judah okponde akan mmɔ: mmɔdo nditɔ Simeon edade udeme mmɔ ke ufɔt udeme mmɔ eken.

¹⁰Ndien ɔyɔhɔ afia ita ɔwɔrɔ ɔnɔ nditɔ Zebulun nte ubon mmɔ esaŋade: ndien adaŋa udeme mmɔ osim ke Sarid:

¹¹ndien adaŋa mmɔ ɔdɔk aka inyaŋ, ye Maralah, onyuŋ osim ke Dabbesheth, onyuŋ osim ke akpa mmɔŋ emi anade ke iso Jokneam;

¹²ndien enye ɔwɔŋɔre ɔkpɔŋ Sarid, aka ke edem usiaha - utin okosim adaŋa Chisloth-tabor, ndien ɔwɔrɔ ke Daberath, onyuŋ ɔdɔk aka Japhia,

¹³ndien enye ɔtɔŋɔ do ebe aka edem usiaha-utin okosim ke Gathhepher, ye Eth-kazin, ndien ɔwɔrɔ Rimmon-methoar, ye Neah;

¹⁴ndien adaŋa oro akanade enye okuk ke edem edere Hannathon: ndien utit esie atuak ke itihere Iphtah-el: ye Kattath.

¹⁵Ye Kattath, ye Nahalal, ye Shimron, ye Idalah, ye Beth-lehem: obio duopeba ye mme obio iŋwaŋ mmɔ.

¹⁶Emi edi udeme nditɔ Zebulun, ke ubon, ke ubon, mme obio emi, ye mme obio inwaŋ mmɔ.

¹⁷Ɔyɔhɔ udeme inaŋ ɔwɔrɔ ɔnɔ Issachar, kpa nditɔ Issachar ke ubon, ke ubon.

¹⁸Ndien adaŋa mmɔ ana aka Jezreel, ye Chesulloth,

¹⁹ye Shunem, ye Hapharaim,

²⁰ye Shion, ye Anaharath, ye Rabbith, ye Kishion, ye Ebez,

²¹ye Remeth, ye En-gannim, ye En - haddah, ye Beth - pazzez;

²²ndien adaŋa oro osim ke Tabor, ye Shahazumah, ye Beth-shemesh; ndien utit adaŋa mmɔ atuak ke Jordan: obio efurekiet ye mme obio iŋwaŋ mmɔ.

²³Emi edi udeme esien nditɔ Isaachar, ke ubon, ke ubon: mme obio mmɔ, ye mme obio iŋwaŋ mmɔ.

²⁴Ndien ɔyɔhɔ afia ition ɔwɔrɔ ɔnɔ esien nditɔ Asher, ke ubon, ke ubon.

²⁵Ndien adaŋa mmɔ edi Helkath, ye Hali, ye Beten, ye Achshaph,

²⁶ye Allammelech, ye Amad, ye Mishal; enye onyuŋ osim ke Carmel ke edem usop-utin,

²⁷ye ke Shihor-libnath; ndien ɔwɔrɔ aka edem usiaha-utin okosim Beth-dagon, onyuŋ osim ke Zebulun, ye ke itihere Iphtah-el, ke edem edere-edere Beth-emek, ye Neiel, onyuŋ ada ɔwɔrɔ ke edem ufien Cabul,

²⁸ye Ebron, ye Rehob, ye Hammon, ye Kanah,

²⁹tutu osim akwa Zidon; ndien adaŋa oro ɔwɔŋɔre aka Ramah; ye ɔkpɔsɔŋ obio Tyre; ndien adaŋa ɔwɔŋɔre aka Hosah; ndien utit esie ɔwɔrɔ ke inyaŋ ekpere edem Achzib:

³⁰ye Ummah, ye Aphek, ye Rehob; obio edip ye iba ye mme obio iŋwaŋ mmɔ.

³¹Emi edi udeme esien nditɔ Asher ke ubon, ke ubon, mme obio emi, ye mme obio iŋwaŋ mmɔ.

³²Ɔyɔhɔ afia itiokiet ɔwɔrɔ ɔnɔ nditɔ Naphtali, kpa nditɔ Naphtali,

³³ke ubon, ke ubon: ndien adaŋa mmɔ ɔtɔŋɔ ke Heleph, ke ofriyo ke Zaanannim, ye Adaminekeb, ye Jabneel, tutu osim ke Lakkum; ndien utit esie atuak ke Jordan:

³⁴ndien adaŋa ɔwɔŋɔre aka edem usop-utin Aznoth-tabor, ndien oto do aka Hukkok, ndien osim ke Zebulun ke edem usuk, onyuŋ osim ke Asher ke edem usop-utin, ye ke Judah ke mben Jordan ke edem usiaha-utin.

³⁵Ndien mme obio ibibene edi Ziddim, ye Zer, ye Hammath,

³⁶Rakkath, ye Chinnereth, ye Adamah, ye Ramah, ye Hazor,

³⁷ye kedesh, ye Edrei, ye En-hazor,

³⁸ye Iron, ye Migdal-el, ye Horem, ye Beth-anath, ye Beth-shemesh: obio efurenaŋ, ye mme obio iŋwaŋ mmɔ.

³⁹Emi edi udeme esien nditɔ Naphtali, ke ubon, ke ubon, mme obio mmɔ, ye mme obio iŋwaŋ mmɔ.

⁴⁰Ndien ɔyɔhɔ afia itiaba ɔwɔrɔ ɔnɔ esien nditɔ Dan ke ubon, ke ubon.

⁴¹Ndien adaŋa udeme mmɔ edi Zorah, ye Eshtaol, ye Ir-shemesh,

⁴²ye Shaalabbin, ye Aijalon,

⁴³ye Ithlah, ye Elon, ye Timnah,

⁴⁴ye Ekron, ye El-tekeh, ye Gibbethon, ye Baalath,

⁴⁵ye Jehud, ye Bene-berak, ye Gath-rimmon,

⁴⁶ye Me-jarkon, ye Rakkon, ye adaŋa emi anade ke iso Joppa.

⁴⁷Ndien adaŋa nditɔ Dan ɔwɔrɔ ɔkpɔŋ mmɔ: ndien nditɔ Dan edɔk ekeŋwana ekɔŋ ye Leshem, enyuŋ eda enye, enyuŋ esuan mmɔ ke iso ofut, ndien eda enye enyene, enyuŋ eduŋ ke esit, enyuŋ eda enyiŋ Dan ete mmɔ esio Leshem, ekot, ete, Dan.

⁴⁸Emi edi udeme esien nditɔ Dan, ke ubon, ke ubon, mme obio emi, ye mme obio iŋwaŋ mmɔ.

⁴⁹Adaŋemi mmɔ ema ekedeme isɔŋ ke mme adaŋa esie ema, nditɔ Israel enɔ Joshua eyen Nun udeme ke otu mmɔ:

⁵⁰kpa nte Jehovah ɔkɔdɔhɔde mmɔ, mmɔ enɔ enye obio emi enye oyomde, kpa Timnath-serah ke obot Ephraim: ndien enye ɔdiɔŋ obio oro, onyuŋ oduŋ ke esit.

⁵¹Mme mmɔ emi edi udeme emi Eleazar oku, ye Joshua eyen Nun, ye mme etubom mme ete edade afia edeme enɔ mme esien nditɔ Israel, ke Shiloh, ke iso Jehovah, ke inua-otop efe esop. Ntem ke mmɔ ebahare isɔŋ ema.