Read efik 1ŊWED TIMOTHY 4 Bible Online

1ŊWED TIMOTHY 4 - efik bible

1ŊWED TIMOTHY 4

¹EDI Spirit eneŋere ɔdɔhɔ ete, ke ukperedem ini owo eyefiak edem ekpɔŋ mbuɔtidem, enyuŋ ekpaŋ utɔŋ enɔ mme spirit abiaŋa ye ukpep-ŋkpɔ mme demon,

²emi mbon nsu, eke esit mmɔ odorode ufiɔn, edade mbubik ekpep.

³Mmɔ oro ebiɔŋɔ owo ndidɔ ndɔ, enyuŋ ewuk ete ebet nsio-nsio oruk udia, emi Abasi okobotde ete mmɔ emi enimde ke akpanikɔ enyuŋ efiɔkde akpanikɔ ebɔ edia ye ekɔm.

⁴Koro kpukpru se Abasi obotde ɔfɔfɔn, inyuŋ idige se owo ekpesinde, edieke ebɔde enye ye ekɔm;

⁵koro enye akabare asana oto ke ikɔ Abasi ye akam.

⁶Edieke afo emende mme ŋkpɔ emi esin nditɔ-ete ke ekikere, afo eyedi, eti anam-utom Christ Jesus, emi ekebɔkde fi ke ikɔ mbuɔtidem ye eti ukpep-ŋkpɔ, eke afo akasaŋade ke esit.

⁷Edi sin ndikop mbukpo ŋke eke ŋkani iban ekede. Edi sin idem nyene uteŋe Abasi.

⁸Koro erisin idem mbet ŋkpɔ ikpɔhidem enyene esisit udori; edi uteŋe Abasi ɔwɔrɔ udori ke kpukpru usuŋ, koro uŋwɔŋɔ uwem emi odude ke emi ye eke uwem emi edidide asaŋade ye enye.

⁹Ikɔ emi edi akpanikɔ, onyuŋ odot owo ebɔ enye ke ofuri esit.

¹⁰Koro edi emi esin nnyin ikpa utom ye eŋwan, koro nnyin ikodoride enyin ke odu-uwem Abasi, emi edide Andinyaŋa kpukpru owo, akpan-akpan andinyaŋa mbon mbuɔtidem.

¹¹Sɔŋɔ nɔ mmɔ uyo emi, nyuŋ kpep mmɔ.

¹²Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

¹³Tutu ndi, sin ifik ke erikot ŋwed nnɔ owo, ye ke erikwɔrɔ ikɔ, ye ke erikpep owo ŋkpɔ.

¹⁴Kuyak enɔ eke esinde fi ke idem uduɔk, emi ekadade prophecy ye udori-ubɔk presbytery enɔ fi.

¹⁵Tiŋ enyin nam mme ŋkpɔ emi; sin idem ke esit ofuri-ofuri; man kpukpru owo ekut ŋkɔri fo ke eti ido.

¹⁶Tim kpeme idem fo, ye se afo ekpepde owo. Yire ke erinam utom emi; koro ke erinam utom afo eyenyaŋa idem fo ye mmɔ emi ekopde uyo fo.