Read eten 1 iKɔrɔntos 5 Bible Online

1 iKɔrɔntos 5 - eten bible

1 iKɔrɔntos 5

¹Nggɛ phok ɛtsak ibol ne nzangas de ne ɛ ra ɛn ndɔ mon no, izee ne sɔng kɛ ma yung ku phok ɛlɔ ninaa ne sang yɛɛ ɛTaanggbey ye nang, wu ɛdɛng kɛ bo ɛkuk ɛkyɛɛ te ɛhaa ɛbhɛ.[21]

²Ɛɛ ne ji hal ɛn ɛggyɛy! Kanduk sɛɛ ma yung yɔng ɛ san ɛn te ɛ tul ɛn ɛnyi gha ne ɛ kɛ mɔn ihywee ɛkɔn nɛdee wo ndɔ ne ìtsɛm mon de.

³Nzi yɛɛ sɔng nggɛ so ne nyinɛn ndɔ ne ibek kang, nzi ne tas nyini te ɛli ne nzo ndɔ mon. Nggɛ ne ku hyɛ ɛnyi gha ne ɛ kɛ mɔn ihywee ɛkɔn nɛdee wo ɛshara ndɔ ne irywɛɛk ɛDaray njwɛɛn ɛYɛso.

⁴I sɛ ɛ kɛ tum ɛn nyini ndɔ ne irywɛɛk nge wo, icwas nge ne so daa mon, gbik ne ihwet ɛDaray njwɛɛn ɛYɛso.

⁵iPhɛ ɛlɛy, ne ɛ nang ɛn ɛShɛtan ne ɛnyi yɛghaa wo. Te ɛ baasek ibek ɛbhɛ de ne iphɛ so idee ne ɛfɔt de nggbang, te iken ɛbhɛ de sɛ ne phɔrɔt ɛtuk ka ne ɛDaray ya sɛ bhɛ kyii wo.

⁶Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

⁷Tul ɛn ihelem ne iyis de ne ɛfɔt to te ɛ te ɛn nyini niphas sɛ. ɛLɛy ɛtsak ɛ ku so ɛn niphas sɛ wo, daa ɛli ne kɛ ku hap itsanga ne ɛKiriti gha ne ɛbhɛ soye ɛNgɔn ne ɛpharak njwɛɛn na ne iDira ne Tes iDee de tsak ko.

⁸iPhɛ ɛlɛy, sɔng njwɛɛn ne ta bo iyis itɛl de njwɛɛn re ne idira njwɛɛn de nang, iyis ne ɛfɔt to ne ibebhe de nang, Te njwɛɛn re idira njwɛɛn de ne ibɛrɛdi de ne iphɛ sang iyis de. Te kaabi icwas iwɛwɛy ne itin.[22]

⁹Nggaa haa nyini nɛ ndɔ ne ɛwee ɛyisɛ nge wo, nzi bok nyini hang ɛ byingis ɛn ito mon nɛ ninaa ne nzangas sa.

¹⁰Sɔng nzi bol ibol ninaa ne sang roos nɛ nibhɛ ra nzangas de nang, sɔng nzi ne bol ibol ninaa ne idɔphiri, nɛ ninaa ɛyi, nɛ ninaa ne re igunkyi ntsong nang. Daa ɛli ne wu ɛlɛy ne iphɛ ne so, iphɛ ne so nggbinggbing ɛ wuru ɛn ndɔ ɛzay yɛghaa wo gbik.

¹¹Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

¹²Ɛyakɔn ɛbhɛ aa te me n bol ninaa nɛ nibhɛ sang so ndɔ ne idira ninaa ne roos ɛshara ghaa? Nzo nyinɛn ɛ sɛ bol ɛn nigwaa mon ninaa ne roos sa ɛshara gha.

¹³ɛTaanggbey ya ɛbhɛ aa bol ninaa ne hame nibhɛ so ninaa ne roos sa ɛshara gha. Roos ɛn ɛbebhe yɛghaa wo ndɔ mon no.[23]