Read eten 2 iTasɔlɔnika 1 Bible Online

2 iTasɔlɔnika 1 - eten bible

2 iTasɔlɔnika 1

¹ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ ne idira ninaa ne roos ne iTasɔlɔnika, nɛ nibhɛ soye ninaa ɛTaanggbey ne ɛbhɛ ɛ soye ɛKyɛɛ njwɛɛn gbik ne ɛDaray ɛYɛso ɛKiriti.[1]

²Te ɛTaanggbey ya ne ɛ so ɛTaa gbik ne ɛDaray ɛYɛso ɛKiriti gha nang nyini izɛɛng gbik ne irway ne laal.

³Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

⁴iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

⁵Gbik ɛkɔn nɛghaa wo kɛ tɔɔrek wu ɛshara ɛTaanggbey ya so cik. iPhɛ kɛ ne ta tɔɔrek wu ɛ kɛ hɔn ɛn ɛ sɛɛ shɛɛ ɛn ndɔ ne igbɔm ɛTaanggbey da, daa ɛli ne ibol ne igbɔm ba ne ɛ sɔ ɛn ne nggbang ngga.

⁶ɛTaanggbey ya so cik, iphɛ ɛlɛy, ninyi na nɛ nibhɛ baasek nyini nggbang ngga ɛ sɛ ne tal nibhɛ nɛ ne nggbang ngga.

⁷Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

⁸Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

⁹Sɛ baasek nibhɛ nggbang, i bees nibhɛ ibees ne inat. Sɛ kas nibhɛ ɛnu ɛyisɛ ɛDaray ya gbik ne ɛlɔ gha ne ito-ndiinday ɛbhɛ de ne ihwet ɛbhɛ da sonɛ wo.[2]

¹⁰Sɛ́ sɛ ɛ kɛ yɛɛs ɛtuk kɛghaa nggyɛ wo te ɛ say ndiinday de ɛlɔ ninyi ɛbhɛ na, tɛ ninaa ne ìnang ne itin de ne yaang ɛbhɛ ɛkɔn ne kparat. ɛKɔn neghaa wo kɛ ne byinki ne nyinɛn, daa ɛli ne ˆɛ kɛ nang ɛn ne itin nɛ ne ishɛɛda de ne njwi kɛ tɔng nyini daa ɛbhɛ wo.

¹¹ɛKɔn nɛghaa wo ɛbhɛ kɛ ne te njwii bol ne ɛTaanggbey ya cɛcɛɛy ɛlɔ mon na. Njwii roro ne ɛTaanggbey mos sa te ɛ yaang ˆɛ kɛ jam ɛn ne yel-le ɛbhɛ da ne ɛ kɛ yel-le nyini wo. Te ne lenɛ ne ihwet ɛbhɛ, ɛ shwaak gbik icwas iywɛnɛng mon da, ɛ ta shwaak gbik ɛtomɛ gha ne ɛ le ne ìnang ne itin mon de.

¹²Njwii bol ne ɛTaanggbey ya ɛlɛ wo te sɛ i nang irywɛɛk ɛDaray ɛYɛso ɛKiriti njwɛɛn no ne ndiinday ndɔ mon, i ma nang nyini ne ndiinday ndɔ ɛbhɛ wo lenɛ ne izɛɛng ɛTaanggbey ɛDaray njwɛɛn ɛYɛso ɛKiriti.