Read ewe Mose I 49 Bible Online

Mose I 49 - ewe bible

Mose I 49

¹Eye Yakob ya viawo gblɔ bena: Miƒo ƒu, ne magblɔ nusi le dzɔdzɔ ge ɖe mia dzi le ɣeyiɣi, siwo gbɔna me la afia mi!

²Miƒo ƒu, eye mike to, nu Yakob viwo, miɖo to mia fofo Israel!

³Ruben! wòe nye nye ŋgɔgbevi, nye ŋusẽ kple nye ali me vi gbãtɔ, gbãtɔ le bubu me kple gãtɔ le ŋusẽ me.

⁴Ele fiefiẽm abe tsi ene, maganye gbãtɔ akpɔ o, elabena ede fofowò ƒe aba dzi, eye nedo ŋunyɔe gbemagbe, ẽ, nye aba dzie nede!

⁵Simeon kple Lewi la, nɔviwoe, wotsɔ woƒe lãnuwo do biae.

⁶Nye luʋɔ made woƒe adaŋu me o, eye nye dzi mabɔ ha kple wo o, elabena de dziku me wowu ŋutsuwo eye le dzidzɔ teƒe wòŋe ata na nyitsuwo.

⁷Aɖi woƒe nyanyrã ŋu, elabena enu sẽ, kple woƒe dziku ŋu, elabena eteƒe meka o! Mamã wo de Yakob viwo dome, eye makaka wo ɖe Israel.

⁸Yuda! wòe nɔviwòwo akatu, wò asi axe wò funɔwo ƒe ve, eye fofowoviwo adze klo na wò.

⁹Dzatavi enye Yuda. Le nuléle ta, vinye, anɔ to dzi. Emlɔ anyi tsyɔ akɔ abe dzatatsu ene, eye abe dzatanɔ ene; ameka ate ŋu aʋuʋui?

¹⁰Atamkayi magbe Yuda si nanɔ o, eye womede fiatikplɔ da le ekɔme o, vaseɖe esime amesi tɔ wònye nava; amesi dukɔwo ana tae.

¹¹Ede ka eƒe tedzivi de weinka ŋuti, kple eƒe tedzinɔvi ɖe weinka nyui ƒe abɔwo ŋui! Enyã eƒe avɔ le wein me, kple eƒe avu le weintsetse me tsi me.

¹²Wein na eƒe ŋku bia, eye notsi na eƒe aƒu fu.

¹³Zebulon anɔ ƒutanyigbawo dzi le ʋudzeƒewo, eye eƒe liƒo ade Zidon ke.

¹⁴Isaxar enye tedzi, si ƒu tsi de lãme na, eye wotsyɔ akɔ de lãkpɔwo domee.

¹⁵Esi wòkpɔ be, dzudzɔ vivina, eye eƒe anyigba dze ani la, ebi eƒe abɔ ta, be wòatsɔ agba, eye wòzu agbatetsɔla.

¹⁶Dan aʋli eƒe dukɔ ta abe Israel to bubuwo ke ene.

¹⁷Dan enye da tsomɔ, dakpui le afɔmɔe dzi; eɖu sɔ ƒe afɔʋume, eye sɔdola dze anyi megbe megbee.

¹⁸Yehowa, wò ɖeɖe la ko lalam mele!

¹⁹Gad la, adzohawo ava dze edzi; ke eya ayɔ wo de nu.

²⁰Aser la, nu ado agbogbo de esi, eye woadzra nuɖuɖu veviwo na fiawo.

²¹Naftali enye zinɔ, si ʋlãna, eye wògblɔa nu me vivi nyawo.

²²Ati fẽ enye Yosef, ali fe le vudo to, eye wòɖe ala ɖe gli dzi.

²³Wole fui, eye wotee kple ɖa, eye aŋutrɔdalawo ɖee ɖe nu.

²⁴Ke eva eƒe dati goŋgoŋ, eye eƒe asiwò le tsatsam; elabena exɔ ŋusẽ tso Yakob ƒe ŋusẽtɔ kple Israel ƒe kplɔla kple kpe la gbɔ,

²⁵tso fofowò ƒe Mawu la gbɔ, eya akpe ɖe ŋuwò! tso ŋusẽkatãtɔ la gbɔ, eya ayra wò! Atsɔ dziƒo nu nyuiwo ayra wò, atsɔ tɔ gɔme nu nyuiwo ayra wò, eye atsɔ notsi kple vidzidɔ geɖe ayra wò!

²⁶Fofowò ƒe yayra, si gbɔ tonyigba xoxo wɔnuwo kple togbe dzeani, siwo li tegbee ŋu la, ava Yosef ƒe ta dzi kple nɔviawo ƒe amegã ƒe dzodome.

²⁷Benyamin enye amegãxi lénu. Ŋdi la eɖua eƒe nuléle, eye fiẽ la emãa eƒe adzonu la.

²⁸Esiawo nye Israel ƒe to wuieveawo; eye esiawo nye nya, siwo wo fofo gblɔ na wo. Eyra wo dometɔ ɖesiaɖe wo tɔ wo tɔe.

²⁹Eye wòde se na wo gblɔ na wo bena: Ne meyi ɖe tɔgbuinyewo gbɔ la, ekema miaɖim ɖe fofonyewo gbɔ, ɖe kpeto, si le Efron Xititɔ ƒe agble me la me,

³⁰ɖe kpeto, si le Maxpela gble me le Mamre kasa le Kanaan-nyigba dzi, agble, si Abraham ƒle le Efron Xititɔ si, be wòanye ameɖiƒe nɛ la me.

³¹Afima woɖi Abraham kple srɔ̃a Sara ɖo, afima wodi Isak kple srɔ̃a Rebeka ɖo, eye afima meɖi Lea hã ɖo,

³²ɖe kpeto, si le agble la me, si wòƒle le Xitiviwo si la me.

³³Esi Yakob wu nyawo nu na viawo vɔ la, eƒo ata ƒu ɖe aba dzi, eye wòmia nu, eye wòyi ɖe tɔgbuiawo gbɔ.