Read ewe Mose I 5 Bible Online

Mose I 5 - ewe bible

Mose I 5

¹Esia nye Adam ƒe dzidzimeviwo ŋutinyagbalẽ. Esi Mawu wɔ Adam la, ewɔe ɖe eya ŋutɔ ƒe nɔnɔme.

²Ewɔ wo wonye ŋutsu kple nyɔnu, eye wòyra wo: eye wòna ŋkɔ wo bena „ame“ le gbesigbe wòwɔ wo.

³Eye esi Adam xɔ ƒe alafa ɖeka kple blaetɔ̃ la, edzi ŋutsuvia ɖe, si ɖii, eye wòyɔe bena Set.

⁴Esi Adam dzi Set megbe la, eganɔ agbe ƒe alafa enyi, eye wòdzi ŋutsuwo kple nyɔnuwo.

⁵Eye Adam ƒe agbe me ŋkekewo katã nye ƒe alafa asieke kple blaetɔ̃, eye woku.

⁶Eye esi Set xɔ ƒe alafa ɖeka kple atɔ̃ la, edzi Enos.

⁷Esi Set dzi Enos megbe la, eganɔ agbe ƒe alafa enyi kple adre, eye wòdzi ŋutsuwo kple nyɔnuwo.

⁸Eye Set ƒe agbe me ŋkekewo katã nye ƒe alafa asieke kple wuieve, eye wòku.

⁹Eye esi Enos xɔ ƒe blaasieke la, edzi Kenan.

¹⁰Esi Enos dzi Kenan megbe la, eganɔ agbe ƒe alafa enyi kple wuiatɔ̃, eye wòdzi ŋutsuwo kple nyɔnuwo.

¹¹Eye Enos ƒe agbe me ŋkekewo katã nye ƒe alafa asieke kple atɔ̃, eye woku.

¹²Eye esi Kenan xɔ ƒe blaadre la, edzi Mahalalel.

¹³Esi Kenan dzi Mahalalel megbe la, eganɔ agbe ƒe alafa enyi kple blane, eye wòdzi ŋutsuwo kple nyɔnuwo.

¹⁴Eye Kenan ƒe agbe me ŋkekewo katã nye ƒe alafa asieke kple ewo, eye woku.

¹⁵Eye esi Mahalalel xɔ ƒe blaade vɔ atɔ̃ la, edzi Yered.

¹⁶Esi Mahalalel dzi Yered megbe la, eganɔ agbe ƒe alafa enyi kple blaetɔ̃, eye wòdzi ŋutsuwo kple nyɔnuwo.

¹⁷Eye Mahalalel ƒe agbe me ŋkekewo katã nye ƒe alafa enyi kple blaasieke vɔ atɔ̃, eye woku.

¹⁸Eye esi Yered xɔ ƒe alafa ɖeka kple blaade vɔ eve la, edzi Henox.

¹⁹Esi Yered dzi Henox megbe la, eganɔ agbe ƒe alafa enyi, eye wòdzi ŋutsuwo kple nyɔnuwo.

²⁰Eye Yered ƒe agbe me ŋkekewo katã nye ƒe alafa asieke kple blaade vɔ eve, eye woku.

²¹Eye esi Henox xa ƒe blaade vo atɔ̃ la, edzi Metusala.

²²Esi wòdzi Metusala megbe la, Henox zɔ kple Mawu ƒe alafa etɔ̃, eye wòdzi ŋutsuwo kple nyɔnuwo.

²³Eye Henox ƒe agbe me ŋkekewo katã nye ƒe alafa etɔ̃ kple blaade vɔ atɔ̃.

²⁴Esi Henox zɔ kple Mawu ta la, ebu vĩ, elabena Mawu kplɔe dzoe.

²⁵Eye esi Metusala xɔ ƒe alafa ɖeka kple blanyi vɔ adre la, edzi Lamex.

²⁶Esi Metusala dzi Lamex megbe la, eganɔ agbe ƒe alafa adre kple blanyi vɔ eve, eye wòdzi ŋutsuwo kple nyɔnuwo.

²⁷Eye Metusala ƒe agbe me ŋkekewo katã nye ƒe alafa asieke kple blaade vɔ asieke, eye wòku.

²⁸Eye esi Lamex xɔ ƒe alafa ɖeka kple blanyi vɔ eve la, edzi ŋutsuvia ɖe.

²⁹Eye wòna ŋkɔe bena Noa, elabena egblɔ be: Ame sia ana gbɔdzɔe mí tso míaƒe dɔwɔwɔ kple fuɖeɖewo me le anyigba, si Yehowa ƒo fi de la dzi.

³⁰Esi Lamex dzi Noa megbe la, eganɔ agbe ƒe alafa atɔ̃ kple blaasieke vɔ atɔ̃, eye wòdzi ŋutsuwo kple nyɔnuwo.

³¹Eye Lamex ƒe agbe me ŋkekewo katã nye ƒe alafa adre kple blaadre vɔ adre, eye wòku.

³²Esi Noa xɔ ƒe alafa atɔ̃ la, edzi Sem, Xam kple Yafet.