Read ewe Samuel II 10 Bible Online

Samuel II 10 - ewe bible

Samuel II 10

¹Esia megbe la Amon-viwo ƒe fia ku, eye via Xanun ɖu fia ɖe eteƒe.

²Tete Dawid gblɔ bena: Mave Naxas vi Xanun nu, abe alesi fofoa ve nunye ene. Eye Dawid do eƒe dɔlawo, be woaɖafa akɔ ne le fofoa ta. Ke esi Dawid ƒe dɔlawo va Amon-viwo ƒe anyigba dzi la,

³Amon-viwo ƒe amegãwo gblɔ na woƒe aƒetɔ Xanun bena: Ɖe Dawid dɔ akɔfalawo ɖa, be woaɖe bubu fofowò ŋu na wò loo? Alo menye ɖe Dawid da eƒe dolawo ɖe gbɔwò, be woadzro dua me, eye woatsa ŋku le eme ahagblẽe oa?

⁴Tete Xanun lé Dawid ƒe dɔlawo, eye wona wolũ gè afãafã na wo, eye wòlã woƒe awu ɖe domedomee ɖe agɔnu, emegbe wòdo mɔ wo.

⁵Esi wova gblɔe na Dawid la, edo ame woyi ɖakpe wo, elabena wodo ŋukpe ŋutsuawo ŋuta; eye fia la na wogblɔ na wo bena: Musi Yerixo, vaseɖe esime miaƒe gè nato, hafi miagbɔ!

⁶Ke esi Amon-viwo kpo be, yewozu Dawid ƒe ketɔwo la, Amon-viwo dɔ woɖatsɔ aʋa Aramtɔwo le Bet-Rexob kple Aramtɔwo le Zoba, wole afɔzɔla akpe blave, kple Maaxa-fia ame akpe ɖeka kpakple Istobtɔwo ame akpe wuieve.

⁷Esi Dawid see la, edɔ Yoab kple kalẽtɔwo ƒe aʋakɔ blibo la ɖo ɖa.

⁸Tete Amon-viwo ho va dze aʋa ɖe agbo la nu, eve Aramtɔwo tso Zoba kple Rexob kple Istobtɔwo kple Maaxatɔwo le aʋagbe dzi la wo tɔ wo tɔe.

⁹Esi Yoab kpɔ be, wodze aʋa ɖe ye ŋu le ŋgɔ kple megbe la, eɖe amewo le Israel ƒe ame tiatiawo katã me, eye wòdze aʋa ɖe Aramtɔwo ŋu.

¹⁰Ke etsɔ aʋakɔ la ƒe kpɔtɔea de asi na nɔvia Abisai, ne wòadze aʋa de Amon-viwo ŋu.

¹¹Eye wògblɔ bena: Ne Aramtɔwo sesẽ wum la, ekema nava xɔ nam; eye ne Amon-viwo sesẽ wu wò la, ekema mava xɔ na wò.

¹²Lé dzi de ƒo, eye na míasẽ ŋu na míaƒe dukɔ kple mía Mawu ƒe du la; eye Yehowa awɔ nusi dze eŋu!

¹³Tete Yoab kple aʋakɔ, si le eŋu la, ho yi ɖatɔ Aramtɔwo, eye wòsi le wo nu.

¹⁴Eye esi Amon-viwo kpo be, Aramtɔwo si la, wòsi le Abisai nu yi dua me, eye Yoab trɔ le Amon-viwo yome heva Yerusalem.

¹⁵Esi Aramtɔwo kpɔ bena, Israel-viwo si yewo la, woƒo wo ɖokui nu ƒu.

¹⁶Eye Hadadezer do be, woana Aramtɔ, siwo le tɔsisi la fe go keme dzi, naho; eye wova Xelam, eye Hadadezer ƒe aʋafia Sobax le wo nu.

¹⁷Esi wova gblɔe na Dawid la, eƒo Israel blibo la nu ƒu, eye wotso Yordan heva Xelam. Eye Aramtɔwo dze aʋa ɖe Dawid ŋu hewɔ aʋa kplii.

¹⁸Ke Aramtɔwo si le Israel nu, eve Dawid wu tasiaɖam me nɔlawo alafa adre kple sɔdola akpe blane le Aramtɔwo dome, eye wòde abi woƒe aʋafia Sobax ŋu woku de afima.

¹⁹Esi fia, siwo katã nye Hadadezer teviwo, kpɔ bena, Israel-viwo si wo la, wowɔ ŋutifafa kple Israel, eye wosubɔ wo, eye Aramtɔwo de asi vovɔ̃ me azɔ na kpekpe ɖe Amon-viwo ŋu.