Read ewe Samuel II 17 Bible Online

Samuel II 17 - ewe bible

Samuel II 17

¹Eye Axitofel gblɔ na Absalom bena: Na maɖu ŋutsu akpe wuieve, ne matso adze Dawid yome le zã sia me,

²eye mado ɖe edzi, esime ɖeɖi te eŋu, eye eƒe alɔwo gbɔdzɔ; eye mado voɖi nɛ, ale be ameha blibo, si le eŋu la nasi, eye mawu fia la ɖeɖe,

³eye makplɔ ameha blibo la vɛ na wò! Ne wo katã gbugbɔ va, eye amesi dim nèle to le eme la, ekema dukɔ blibo la anɔ anyi le ŋutifafa me.

⁴Nya la dze Absalom kple Israel-ame tsitsiwo katã ŋu.

⁵Tete Absalom gblɔ bena: Miɖayɔ Xusai, Arkitɔ la, hã ve, ne míase gbe, si le eya hã nu!

⁶Esi Xusai va Absalom gbɔ la, Absalom gblɔ nɛ bena: Ale Axitofel ƒo gbe lae enye si; ɖe míawɔ eƒe gbe dzi loo? Ne míawɔe o la, ekema ƒo nu!

⁷Xusai gblɔ na Absalom bena: Adaŋu, si Axitofel ɖe fifia la, menyo o.

⁸Eye Xusai gblɔ bena: Enya fofowò kple eƒe amewo be, kalẽtɔwo wonye, eye aɖa le mo na wo abe sisiblisi, si ŋu wole viwo la le gbedzi ene. Aʋame hãe fofowò nye, eye mana ameha la natsi adɔ o.

⁹Kpɔ ɖa, eɣla ɖe doa wo dometɔa ɖe me alo ɖe teƒea wo dometɔa ɖe, eye ava me, ne amewo de asi aʋatsitsi me le gɔmedzedzea me la, ekema woasee agblɔ be: wosi aʋakɔ, si kplɔ Absalom ɖo:

¹⁰eye dzi aɖe le kalẽtɔ kekeake, amesi ƒe dzi le abe dzata ƒe dzi ene la, hã ƒo; elabena Israel blibo la nyae be, fofowò nye kalẽtɔ, eye amesiwo katã le eŋu, nye ŋutsuwɔlawo.

¹¹Ke nye aɖaŋu enye si: Na Israel blibo la nakpe la ɖe ŋuwò tso Dan vaseɖe Beer-Seba, abe alesi ƒutake sɔ gbɔe ene, eye wò ŋutɔ naho kpli wo!

¹²Míado ɖe edzi le teƒeawo dome oa ɖe, afisi wòle, eye míaƒe ɖe edzi, abe alesi zãmu dzana ɖe anyigba dzi ene; eye eya ŋutɔ kple amesiwo katã le eŋu la, dometɔ ɖeka hɔ̃ hã makpɔtɔ o.

¹³Eye ne ede megbe yi dua ɖe me la, ekema Israel blibo la nado ka atsɔ du ma ɖe eme, eye míahee aɖakɔ ɖe, abu me, vaseɖe esime kpekula ɖeke matsi afima o!

¹⁴Tete Absalom kple Israel-ŋutsuwo katã gblɔ bena: Xusai, Arkitɔ la ƒe aɖaŋu nyo wu Axitofel ƒe aɖaŋu! Ke Yehowae ɖoe, be yeagblẽ Axitofel ƒe aɖaŋu nyui la me; elabena Yehowa be, yeahe dzɔgbevɔ̃e ava Absalom dzi.

¹⁵Eye Xusai gblɔ na nunɔla Zadok kple Abyatar bena: Ale kple ala Axitofel ɖo aɖaŋu na Absalom kple Israel-ame tsitsiwo enye si, eye ale kple ale meɖo aɖaŋu enye si.

¹⁶Eyata nètsɔ, mido ame ɖo ɖa, ne woaɖagblɔ na Dawid bena: Megatsi tɔtsoƒe da le gbea dzi o, ke boŋ yi taa godo, ne womagatsrɔ̃ fia lã kple ameha, siwo katã le eŋu la o!

¹⁷Eye Yonatan kple Aximaaz wonɔ Rogel-vudo la gbɔ. Eye dɔlanyɔnua ɖe hea gbe yinae na wo woɖagblɔna na fia Dawid be: womekpɔ mɔ ayi dua me o, elabena woava kpɔ wo.

¹⁸Ke ŋutsuvia ɖe kpɔ wo, eye wòva gblɔe na Absalom. Tete woa kple eve la ƒu du kaba yi ŋutsua ɖe ƒe me le Baxurim, amesi ɖe vudo ɖe eƒe xɔxɔnu, eye woyi ɖe eme.

¹⁹Ke nyɔnua ɖe tsɔ avɔ keke ɖe vudo la nu, eye wòsia bli gbagbã ɖe edzi, be womagadze sii o.

²⁰Eye Absalom ƒe dɔlawo va nyɔnu la gbɔ le aƒea me hebia bena: Afika Aximaaz kple Yonatan wole? Nyɔnu la ɖo ŋu na wo bena: Woyi to la godo. Eye esi wodi wo, eye womekpɔ wo o la, wogbugbɔ va Yerusalem.

²¹Eye esi wodzo la, wodo le vudoa me yi ɖagblɔe na fia Dawid. Eye wogblɔ na Dawid bena: Mitso, ne miatso toa kaba: elabena ale Axitofel de adaŋu ɖe nua ŋu enye si!

²²Tete Dawid kple ameha, siwo katã le eŋu la, tsi tre, eye wotso Yordan; ame ɖeka hã hã mekpɔtɔ, si metso Yordan hafi ŋu ke o.

²³Esi Axitofel kpɔ be, womewɔ yeƒe adaŋudede dzi na ve o la, ebla akpa na tedzi, eye wodze mɔ yi eƒe me le wo de. Eye esi wòɖo eƒe me la, ede ka ve na eɖokui, eye wòku, eye woɖii ɖe fofoa ƒe yɔdo me.

²⁴Ke Dawid va Maxanayim, esime Absalom kple Israel-ŋutsu, siwo katã le eŋu la, tso Yordan.

²⁵Eye Absalom tsɔ Amasa ɖo aʋakɔ la nu ɖe Yoab teƒe; Amasa enye Ismael-ŋutsu, si ŋkɔ nye Yitra, amesi ɖɔ Nahas vinyɔnu Abigal, si nye Yoab dada, Zeruya nɔvinyɔnu gbɔ la ƒe vi.

²⁶Eye Israel kple Absalom ƒu asaɖa anyi ɖe Gilead-nyigba dzi.

²⁷Eye wòva me, esime Dawid va Maxanayim la, tete Nahas vi Sobi tso Amon-viwo ƒe Raba, kple Amiel vi Maxir tso Lo-Debar kpakple Gileadtɔ Barzilai tso Roglim

²⁸wohe abawo, trewo, zewo, lu kple ƒo, wɔ kple bli tɔtɔe, gbagbayi, atiyi kple numeewo,

²⁹anyitsi, notsi kpẽke, alẽwo kple nyinɔkesuwo vɛ na Dawid kple ameha, si le eŋu, be woaɖu; elabena wogblɔ be: Dɔ wu ameha la, ɖeɖi te eŋu, eye tsikɔ wui le gbea dzi.