Read ewe Samuel II 9 Bible Online

Samuel II 9 - ewe bible

Samuel II 9

¹Eye Dawid bia bena: Ɖe amea ɖeke mekpɔtɔ ɖe Saul ƒe me, ne mave enu le Yonatan ta oa?

²Dɔlaa ɖe le Saul ƒe me, si ŋkɔ nye Ziba; eye woyɔe va Dawid gbã, eye fia la gblɔ ne bena: Wòe nye Ziba? Eɖo ŋu bena: Wò dɔlae.

³Fia la bia bena: Ɖe amea ɖeke megale Saul ƒe me, ne mave enu abe Mawu ene oa? Ziba ɖo ŋu na fia la bena: Yonatan viŋutsu ɖeka li, amesi ƒe ata tu.

⁴Tete fia la gblɔ nɛ bena: Afika wòle? Ziba ɖo ŋu na fia la bena: Kpɔ ɖa, ele Amiel vi Maxir ƒe me le Lo-Debar.

⁵Tete fia Dawid ɖo ame ɖa woaɖakplɔe vɛ tso Lo-Debar le Amiel vi Maxir ƒe me.

⁶Eye esi Saul vi Yonatan ƒe vi Mefiboset va Dawid gbɔ la, etsyɔ mo anyi, eye wobɔbɔ. Tete Dawid gblɔ bena: Mefiboset! Etɔ bena: Wò dɔla enye si.

⁷Dawid gblɔ nɛ bena: Megavɔ̃ o, elabena mave nuwò le fofowò Yonatan ta: magagbugbɔ fofowò Saul ƒe agblewo katã na wò, eye naɖu nu le nye agba nu ɖaa.

⁸Ke eya de ta agu gblɔ bena: Ameka nye wò dɔla, be nètrɔ ɖokuiwò ɖe nye, amesi nye avũ kuku la ŋu?

⁹Tete fia la ya Saul ƒe ɖekakpui Ziba gblɔ nɛ bena: Metsɔ nusiwo katã nye Saul kple eƒe aƒe blibo la to la, de asi na wò aƒetɔ ƒe vi.

¹⁰Eye mia kple viwòŋutsuwo kple wò dɔlawo miade agble, eye míaŋe nu nɛ, ne wò aƒetɔ ƒe vi nakpɔ nu aɖu; ke wò aƒetɔ ƒe vi Mefiboset aɖu nu le nye agba nu ɖaa. Eye ŋutsuvi wuiatɔ̃ kple dɔla blave le Ziba si.

¹¹Tete Ziba gblɔ na fia la bena: Alesi nye aƒetɔ fia de se na eƒe dɔla la, nenema pɛpɛpɛ wò dɔla awɔ! Eye Mefiboset ɖu nu le Dawid ƒe agba nu abe fiaviwo dometɔ ɖeka ene.

¹²Eye ŋutsuvi suea ɖe le Mefiboset si, eŋkɔ nye Mixa; eye Ziba-ƒemetɔwo katã zu Mefiboset ƒe dɔlawo.

¹³Ke Mefiboset nɔ Yerusalem, elabena eɖua nu le fia ƒe agba nu; eye eƒe atawo kple eve tu.