Read ewe Fiawo I 8 Bible Online

Fiawo I 8 - ewe bible

Fiawo I 8

¹Ɣemaɣi la Salomo ƒo Israel-ame tsitsiwo kple toawo ƒe tatɔwo katã kpakple Israel-viwo ƒe aƒekɔwo ƒe amegãwo nu ƒu de fia Salomo gbɔ le Yerusalem, bena woaɖatsɔ Yehowa ƒe nubablaɖaka la tso Dawid ƒe ɖu, si nye Zion la me vɛ.

²Tete Israel-ŋutsuwo katã kpe ta ɖe fia Salomo gbɔ le ŋkekenyuie la dzi le ɣleti Etanim, si nye ɣleti adrelia dzi.

³Eye Israel-ame tsitsiwo katã kple nusiawo ɖatsɔ aɖaka la.

⁴Eye wotsɔ Yehowa ƒe aɖaka la kple Mawu ƒe agbadɔ la kpakple nu kɔkɔe, siwo katã le agbadɔ la me vɛ; nunɔlawo kple Lewitɔwo tsɔ wo vɛ.

⁵Eye fia Salomo kple Israel-ameha blibo, si kpe ta de egbɔ la, le eŋu le aɖaka la ŋgɔ hetsɔ alẽwo kple nyiwo sa vɔe; wosɔ gbɔ, ale be womexlẽ wo alo bu wo o.

⁶Eye nunɔlawo tsɔ Yehowa ƒe nubablaɖaka la va da ɖe eteƒe le megbexɔ, si nye kɔkɔeƒewo fe kɔkɔeƒe la me le Kerubiawo ƒe aʋalawo te.

⁷Elabena Kerubiawo keke aʋala ɖe aɖaka la nɔƒe, ale be Kerubiawo tsyɔ aɖaka la kple eŋu kpoawo dzi.

⁸Kpoawo didi, ale be wokpɔa kpoawo nu tso kɔkɔeƒe la le megbexɔ la nu, ke womekpɔa wo tso gota o, eye wotsi afima vaseɖe egbe.

⁹Naneke mele aɖaka la me o, negbe kpe eve, siwo Mose tsɔ de eme le Xoreb gbɔ, afisi Yehowa bia nu kple Israel-viwo le, esime woʋu tso Egipte-nyigba dzi la koe.

¹⁰Eye wòva me, esime nunɔlawo do tso kɔkɔeƒea la, alilikpo ya Yehowa ƒe xɔ la taŋ;

¹¹eye nunɔlawo mele ŋu no le, be woasubɔ o, le alilikpoawo ta, elabena Yehowa ƒe ŋutikɔkɔe yɔ Yehowa ƒe xa la taŋ.

¹²Ɣemaɣi Salomo gblɔ bena; Yehowa gblɔ be, yeana alilikpo dodo me.

¹³Metu xɔ, be nanɔ eme kple teƒe, si nana tegbee.

¹⁴Eye fia la trɔ ko heyra Israel-ameha blibo la, eye Israel-ameha blibo la to ɖe tsitre.

¹⁵Eye wògblɔ bena: Woakafu Yehowa, Israel ƒe Mawu, amesi tsa eƒe nu gblɔ nya na fofonye Dawid, eye wotsa eƒe asi wo edzi hegblɔ bena:

¹⁶Tso gbesigbe mekplɔ nye dukɔ Israel tso Egipte la, nyemena dua ɖeke le Israel-toawo katã me, be woatu xɔ nam ɖe afima, ne nye ŋkɔ nanɔ eme o; ke metia Dawid, ne wòano nye dukɔ Israel nu.

¹⁷Eye fofonye Dawid ɖoe ɖe ta me be, yeatu xɔ na Yehowa, Israel Mawu la ƒe ŋkɔ.

¹⁸Eye Yehowa gblɔ na fofonye Dawid bena: Esi nèɖoe ɖe ta me be, yeatu xɔ na nye ŋkɔ la, èwɔe nyuie be, nèɖoe de ta me.

¹⁹Ke wòa matu xɔ la o, ke boŋ viwò, si ado atso wò ali me la, eya atu xa na nye ŋkɔ la.

²⁰Yehowa wo eƒe nya, si wògblɔ la dzi, eye medo xɔ fofonye Dawid teƒe hebɔbɔ nɔ Israel-fiazikpui la dzi, abe alesi Yehowa gblɔ ene, eye metu xɔ na Yehowa, Israel Mawu la ƒe ŋkɔ.

²¹Eye mewɔ teƒe na aɖaka la, si me nu, si Yehowa bla kple mia fofowo, esime wòkplɔ wo tso Egipte-nyigba dzi la le.

²²Eye Salomo te ɖe Yehowa ƒe vɔsamlekpui la ŋgɔ le Israel-ameha blibo la ŋku me, eye wòke eƒe abɔwo do ɖe dziƒo

²³gblɔ bena: Yehowa, Israel ƒe Mawu, mawua ɖeke mele abe wò ene le dziƒo afime kple anyigba dzi afi o; èdzra nubabla kple amenuveve ɖo na wò dɔla, siwo zɔna le ŋkuwò me kple woƒe dzi blibo.

²⁴Wò amesi dzra nya, si nègblɔ na wò dɔla fofonye Dawid la do; ègblɔe kple wò nu, eye nètsɔ wò asi wo edzi, abe alesi wòle egbe siawo ene.

²⁵Azɔ Yehowa, Israel ƒe Mawu, dzra nya, si nègblɔ na fofonye Dawid la ɖo, esi negblɔ bena: Ne viwòŋutsuwo nya lé ŋku ɖe woƒe mɔwo ŋu, eye wozɔ le ŋkunye me, abe alesi nèzɔ le ŋkunye me ene ko la, ekema wò amesiwo anɔ Israel-fiazikpuia dzi la nu matso o.

²⁶Eyata, Israel ƒe Mawu, taflatse wo nya, si negblɔ na wò dɔla fofonye Dawid la dzi.

²⁷Ke nyateƒee, Mawu anɔ anyigba dzia? Kpɔ ɖa, dziƒo kple dziƒo ƒe dziƒowo melolo na wò o, ʋuu keke xɔ sia, si metu o.

²⁸Ke trɔ de wò dɔla ƒe gbedodoɖa kple kokoƒoƒo ŋu, Yehowa nye Mawu, eye nase wò dɔla ƒe yii kple gbe, si wòdo da le ŋkuwò me egbe.

²⁹Ne wò ŋkuwo nanɔ te ɖe xɔ sia ŋu zã kple keli, ɖe teƒe, si ŋu nègblɔ le be: nye ŋkɔ anɔ afima la ŋu; eye nase gbe, si wò dɔla ado ɖa le teƒe sia.

³⁰Eye ɖo to koko, si wò dɔla kple wò dukɔ Israel aƒo le teƒe sia, eye nasee le nɔwòƒe le dziƒo; ne èsee la, ekema tsoe ke.

³¹Ne amea ɖe wɔ nuvɔ̃ ɖe ehavi ŋu, eye wobia atam tso esi, be wòaka, eye wohe atam la va wò vɔsamlekpui ŋgɔ le aƒewò me la,

³²ekema nasee le dziƒo, eye nadrɔ̃e na wò dɔlawo ahabu fɔ vodala, eye nana eƒe nuwɔwɔ nava eƒe la dzi, ke natso afia na nya dzɔdzɔe tɔ, eye nawɔ ne le eƒe dzɔdzɔenyenye nu.

³³Ne wò dukɔ Israel ƒe futɔwo si wo, le esi wowɔ nuvɔ̃ de ŋuwò ta, eye wotrɔ ɖe ŋuwò heʋu wò ŋkɔ me, wodo gbe ɖa heƒo koko na wò le aƒe sia me la,

³⁴ekema nasee le dziƒo, eye natsɔ wò dukɔ Israel ƒe nuvɔ̃wo ake wo, eye nagakplɔ wo ava anyigba, si nètsɔ na wo fofowo la dzi.

³⁵Ne dziƒo nu xe, eye tsi megale dzadzam o, le esi wowɔ nuvɔ̃ ɖe ŋuwò ta, eye wodo gbe ɖa le teƒe sia heʋu wò ŋkɔ me, eye woɖe asi le woƒe nuvɔ̃wo ŋu, le esi nèbɔbɔ wo ɖe anyi ta la,

³⁶ekema nasee le dziƒo, eye natsɔ wò dɔlawo kple wò dukɔ Israel ƒe nuvɔ̃wo ake wo, elabena èfia mɔ nyui, si dzi woazɔ la wo, eye nana tsi nadza ɖe wò anyigba, si netsɔ na wò dukɔ abe domenyinu ene la dzi.

³⁷Ne dɔwuame va anyigba dzi, eɖanye dɔvɔ̃ alo bliwo dze heteku o, nukuwo hlɔ̃ alo ʋetsuviwo kple ŋɔwo va o, woƒe futɔwo xaxa wo ɖo ɖe woƒe duwo me le anyigba dzi, fuɖenamea ɖe alo dɔlélea ɖe o;

³⁸eye amea ɖe alo wò dukɔ Israel blibo la dze si fuɖename, si le eƒe dzi me, eye wòdo gbe ɖa heƒo koko, eye wòke eƒe abɔwo me do ɖe xɔ sia dzi la,

³⁹ekema nasee le nɔwòƒe le dziƒo, eye natsɔe ake, wɔ edzi, eye nawɔ na amesiame le eƒe zɔzɔwo katã nu, abe alesi nènya eƒe dzi mee ene, elabena wò ɖeka koe nya amegbetɔviwo katã ƒe dzi me;

⁴⁰ne woavɔ̃ wò ŋkeke, siwo katã wole agbe le anyigba, si nètsɔ na mia fofowo la dzi.

⁴¹Ne du bubu me to hã, amesi metso wò dukɔ Israel me o, ke boŋ anyigba didia ɖe dzi wotso va le wò ŋkɔ ta —

⁴²elabena woase wò ŋkɔ gã kple wò asi sesẽ kpakple wò alo, si nado ɖe dzi la ŋkɔ — eye wòva do gbe ɖa le aƒe sia me la,

⁴³ekema nasee le nɔwòƒe le dziƒo, eye nawɔ nusiwo katã ŋuti du bubu me to la le yɔwòm ɖo; ne anyigba dzi dukɔwo katã nadze si wò ŋkɔ, eye woavɔ̃ wò abe wò dukɔ Israel ene, eye wòadze sii bena, wò ŋkɔ woyɔ ɖe xɔ sia, si metu na wò la ŋu.

⁴⁴Ne wò dukɔ ho aʋa ɖe woƒe futɔwo ŋu le mɔ, si dzi nèdɔ wo ɖo, eye woaɖo gbe ɖa na Yehowa aɖo ɖe du, si nètia kple xɔ, si metu na wò ŋkɔ dzi la,

⁴⁵ekema nase woƒe gbedodoɖa kple woƒe kokoƒoƒo la le dziƒo, eye natso na wo.

⁴⁶Ne wowɔ nuvɔ̃ ɖe ŋuwò, — elabena amegbetɔa ɖeke megbea nuvɔ̃wɔwɔ o — eye nèɖo dɔmedzoe ɖe wo ŋu hetsɔ wo de asi na woƒe futɔwo, eye woɖe aboyo wo yi woƒe futɔwo ƒe anyigba dzi, eɖanye didiƒe alo kpuiƒe o,

⁴⁷eye woyi ta me le anyigba, si dzi wokplɔ wo yii, eye wòtrɔ heƒo koko na wò le woƒe futɔwo ƒe anyigba dzi gblɔ bena: Miewɔ nuvɔ̃, míeda vo, eye miewɔ nu vlo;

⁴⁸eye wòtrɔ ɖe ŋuwò kple woƒe dzi blibo kple luʋɔ blibo le woƒe futɔ, siwo ɖe aboyo wo, ƒe anyigba dzi, eye woaɖo gbe ɖa na wò aɖo ɖe woƒe anyigba, si nètsɔ na wo fofowo kple ɖu, si nètia kpakple xɔ, si metu na wò ŋkɔ dzi la,

⁴⁹ekema nase woƒe gbedodoɖa kple woƒe kokoƒoƒo la le nowòƒe le dziƒo, eye natso na wo.

⁵⁰Eye tsɔ nuvɔ̃, si wò dukɔ la wɔ ɖe ŋuwò kple vo, siwo katã woda ɖe ŋuwò la ke wo, eye na amesiwo ɖe aboyo wo, nakpɔ woƒe nublanui, eye woa ve wo nu;

⁵¹elabena wò dukɔ kple wò domenyinu wonye, amesiwo nèkplɔ tso gakpo me le Egipte;

⁵²ne wò ŋku nanɔ te ɖe wò dɔla ƒe kokoƒoƒo kple wò dukɔ Israel ƒe kokoƒoƒo ŋu, eye naɖo to wo le nusianu, si ŋuti wole yɔwòm ɖo la me.

⁵³Elabena wò ŋutɔe ɖe wo tso anyigba dzi dukɔwo katã dome, bena woanye wò domenyinu, abe alesi negblɔ to wò dɔla Mose dzi, esime nèkplɔ mía fofowo tso Egipte ene, Aƒetɔ Yehowa!

⁵⁴Eye wòva me, esime Salomo wu gbedodoɖa kple kokoƒoƒo siawo katã nu na Yehowa vɔ la, etsi tre tso Yehowa ƒe vɔsamlekpui la gbɔ, afisi wòdze klo ɖo ɖeke eƒe abɔwo do ɖe dziƒo la.

⁵⁵Eye wote yi ŋgɔ heyra Israel ƒe ameha blibo la kple gbe sesĩ gblɔ bena:

⁵⁶Woakafu Yehowa, amesi na gbɔɖeme eƒe dukɔ Israel pɛpɛpɛ, abe alesi wògblɔ ene; naneke meto le nya nyui, siwo katã wògblɔ to eƒe dɔla Mose dzi la me o.

⁵⁷Yehowa, mía Mawu, nenɔ kpli mí, abe alesi wònɔ kple mia fofowo ene, megagblẽ mí ɖi o, eye megagbe mí o;

⁵⁸ne wòatrɔ míaƒe dziwo ɖe eɖokui ŋu, be miazɔ eƒe mɔwo katã dzi, eye míalé eƒe sewo, dodowo kple kɔnuwo, siwo wògblɔ na mía fofowo la me ɖe asi.

⁵⁹Eye nye nya, siwo metsɔ ƒo koko le Yehowa ŋku me la, nanɔ Yehowa, mía Mawu la ŋku me keli kple zã, ne wòatso na eƒe dɔla kple eƒe dukɔ Israel ɣeawokatãɣi, abe alesi wòhiã ene;

⁶⁰bene anyigba dzi dukɔwo katã nadze sii bena, Yehowae nye Mawu, bubua ɖeke megali o.

⁶¹Miaƒe dzi naku ɖe Yehowa, mía Mawu la ŋu blibo, eye miazɔ le eƒe ɖoɖowo nu ahalé eƒe sewo me ɖe asi, abe alesi wòle egbea ene.

⁶²Eye fia la kple Israel blibo, si le eŋu la, tsa lãwo sa vɔe le Yehowa ŋku me.

⁶³Eye Salomo tsa nyi akpe blave vo eve kple alẽ akpe alafa ɖeka kple blave sa akpedavɔe na Yehowa. Ale fia la kple Israel-viwo katã kɔ Yehowa ƒe aƒe la ŋui enye si.

⁶⁴Gbemagbe Salomo kɔ xɔxɔnu emetɔ, si le Yehowa ƒe xɔ la ŋgɔ la ŋu, elabena esa numevɔ kple nuɖuvɔ, eye wotso akpedavɔsalã ƒe amiwo sa vɔe le afima, le esi akɔblivɔsamlekpui, si le Yehowa ŋku me la, le sue akpa, eye mede numevɔsa, nuɖuvɔsa kple akpedavɔsa ƒe amiwo nu o ta.

⁶⁵Eye Salomo kple Israel blibo, si le eŋu la, ɖu ŋkekenyuie la ɣemaɣi; ameha gãa ɖe tso Xamat-nutowo me, vaseɖe Egipte-tɔʋu la gbɔ, va Yehowa, mía Mawu la ŋku me, ŋkeke adre kple ŋkeke adre, ele ŋkeke wuiene.

⁶⁶Le ŋkeke enyiagbe la edo mɔ dukɔ la, woyra fia la, eye woyi woƒe agbadɔwo me kple dzidzɔ, eye woƒe dzi dze eme le nu nyui, siwo katã Yehowa wo na eƒe dɔla Dawid kple eƒe dukɔ Israel la ŋuti.