Read ewe Fiawo II 14 Bible Online

Fiawo II 14 - ewe bible

Fiawo II 14

¹Le Israel-fia Yoaxaz ƒe vi Yoas ƒe ƒe evelia me la Amazya, Yuda-fia Yoas ƒe vi, zu fia.

²Exɔ ƒe blave vɔ atɔ̃, esime wòzu fia, eye woɖu fia le Yerusalem ƒe blave vɔ asieke. Dadaa ŋkɔ nye Yehoadan tso Yerusalem.

³Ewo nusi dze Yehowa ŋu, ɖeko meɖe fofoa Dawid nu o, eye wòwɔ pɛpɛpɛ, abe alesi fofoa Yoas wɔ ene.

⁴Negbe nuxeƒewo ko womede ɖa o, eye dukɔ la gasa vo hedo dzudzɔ le nuxeƒewo.

⁵Esime fiaɖuɖu la li ke ɖe esi me la, ewu eƒe dɔla, siwo wu fofoa fia.

⁶Ke mewu hlɔ̃dolawo ƒe viwo o, abe alesi Yehowa ɖe se gblɔ woŋlɔ ɖe Mose ƒe segbalẽa me ene bena: Womagawu fofowo ɖe viwo nu o, ke boŋ amesiame nèku ɖe eƒe nuvɔ̃ ta.

⁷Ewu Edomtɔwo dome ame akpe ewo le dzeʋe la me, eye wòxɔ Sela le aʋa la me hetso ŋkɔ nɛ bena Yokteel vaseɖe egbe.

⁸Ɣemaɣi Amazya do ame ɖo ɖe Israel-fia Yoas, Yehu vi Yoaxaz ƒe vi gbã, ne woagblɔ nɛ bena: Va, ne miakpe akɔ kple mía nɔewo kpɔ!

⁹Tete Israel-fia Yoas da ame ɖo ɖe Yuda-fia Amazya gbã, ne woagblɔ nɛ bena: Ŋuvegoe, si le Libanon dzi la, dɔ ame ɖo ɖe sederti, si le Libanon dzi, gblɔ bena: Tsɔ viwònyɔnu na vinyeŋutsu, ne wòaɖe. Tete gbemelã, siwo le Libanon dzi, va nyã avuzi le ŋuvegoe la dzi.

¹⁰Esi Edomtɔwo, eyata dzi ɖo ƒowò. Wò bubu la nenɔ ŋuwò, ne natsi aƒe; nukaŋuti nèbe, yeade ɖokuiwò dzɔgbevɔ̃e me, eye mia kple Yuda siaa míatsi?

¹¹Ke Amazya meɖo toe o. Tete Israel-fia Yoas ho va, eye eya kple Yuda-fia Amazya wokpe akɔ le Bet-Semes, si nye Yuda to la.

¹²Ke Israel si Yuda, eye wo dome amesiame si yi eƒe agbadɔ me.

¹³Israel-fia Yoas lé Yuda-fia Amazya, Axazya vi Yoas ƒe vi, le Bet-Semes, eye wòkplɔe va Yerusalem. Eye wògbã Yerusalem ƒe gli tso Efrayim-gbo la nu vaseɖe dzogoedzigbo la gbɔ, ele abɔklugui alafa ene.

¹⁴Eve wòlɔ sika kple klosalowo katã kple nusiwo katã le Yehowa ƒe aƒe kple fia ƒe aƒe ƒe nudzraɖoƒe hekpe ɖe awɔbamewo ŋu, eye wògbugbɔ yi Samaria.

¹⁵Yoas ŋutinya susɔea, nusiwo wòwɔ kple eƒe kalẽwɔwɔwo kpakple alesi wòwɔ aʋa kple Yuda-fia Amazya la, woŋlɔ woɖe Israel-fiawo ƒe ŋutinyagbalẽ me.

¹⁶Eye Yoas mlɔ fofoawo gbɔ, eye woɖu ɖe Israel-fiawo gbɔ le Samaria, eye via Yerobeam zu Ha ɖe eteƒe.

¹⁷Eye Yuda-fia Amazya, Yoas vi, nɔ agbe ƒe wuiatɔ̃ le Israel-fia Yoas, Yoaxaz vi ƒe ku megbe.

¹⁸Amazya ŋutinya susɔea la, woŋlɔe ɖe Yuda-fiawo ƒe ŋutinyagbalẽ me.

¹⁹Ke woɖo nugbe ɖe eŋu le Yerusalem; tete wòsi yi Laxis, gake wodɔ ame ɖe eyome ɖe Laxis woɖawui le afima.

²⁰Eye wokɔe ɖo sɔ dzi va ɖi ɖe fofoawo gbɔ le Yerusalem ɖe Dawid ƒe du la me.

²¹Tete Yuda-dukɔ blibo la tsɔ Azarya, amesi nye ƒe wuiade vi la, ɖo fia ɖe fofoa Amazya teƒe.

²²Eyae tso Elat, eye wògaxɔe na Yuda, le esi fia la mlɔ fofoawo gbɔ megbe.

²³Le Yuda-fia Amazya, Yoas vi ƒe ƒe wuiatɔ̃lia me la Yerobeam, Israel-fia Yoas ƒe vi, zu fia le Samaria ƒe blane vɔ ɖeke.

²⁴Ewɔ nusi nye vɔ le Yehowa ŋku me, eye meɖe asi le Yerobeam, Nebat vi ƒe nuvɔ̃, siwo katã wòtsɔ ble Israel de nuvɔ̃ me la ŋu o.

²⁵Egbugbɔ Israel ƒe liƒowo xɔ tso Xamat nutowo me vaseɖe tagbaƒu la nu, abe alesi Yehowa. Israel ƒe Mawu la gblɔ to eƒe dɔla, nyagblɔɖila Yona, Amitai vi, tso Gat-Xefer dzi la ene.

²⁶Elabena Yehowa kpɔ Israel ƒe hiã be, enu sẽ ŋutɔ, eye be, ɖeviwo kple ame tsitsiwo siaa nu yi, eye xɔnametɔa ɖeke meli na Israel o.

²⁷Elabena Yehowa megblɔ be, yeatutu Israel ƒe ŋkɔ ɖa le dziƒoa te o, eyata wòɖe wo to Yerobeam, Yoas vi la dzi.

²⁸Yerobeam ŋutinya susɔea kple nusiwo katã wòwɔ, eƒe kalẽwɔwɔwo kple aʋa, si wòwɔ kpakple alesi wògbugbɔ Damasko kple Xamat, siwo nye Yuda tɔ tsã, na Israel la, woŋlɔ wo ɖe Israel-fiawo ƒe ŋutinyagbalẽ me.

²⁹Eye Yerobeam mlɔ fofoa, Israel-fiawo gbɔ, eye via Zaxarya zu fia ɖe eteƒe.