Read ewe Fiawo II 17 Bible Online

Fiawo II 17 - ewe bible

Fiawo II 17

¹Le Yuda-fia Axaz ƒe ƒe wuievelia me la Hosea, Ela vi, zu fia ɖu Israel dzi ƒe asieke le Samaria.

²Ewɔ nusi nye vɔ̃ le Yehowa ŋku me, ke menye abe Israel-fia, siwo nɔ ŋgɔ nɛ la ene o.

³Eye Asur-fia Salmanaser ho ɖe eŋu, eye Hosea zu eƒe dɔla hedzo nu nɛ.

⁴Ke Asur-fia kpɔ be, Hosea ɖo nugbe ɖe eŋu, elabena edo ame ɖo ɖe Egipte-fia So, eye megatsɔ nunana vɛ na Asur-fia abe ƒe sia ƒe ene o; tete Asur-fia lée, eye wòblae tso de gaxɔ me.

⁵Eye Asur-fia ho va anyigba blibo la dzi, eye woho ɖe Samaria ŋu heɖe to ɖee ƒe etɔ̃.

⁶Le Hosea ƒe ƒe asiekelia me la Asur-fia xɔ Samaria, eye wòkplɔ Israel yi Asur hetsɔ wo ɖo Xalax kple Xabor le Gozan-tɔsisi la nu kpakple Media-duwo me.

⁷Elabena Israel-viwo wɔ nuvɔ̃ ɖe Yehowa, woƒe Mawu, si kplɔ wo tso Egipte-nyigba dzi tso Egipte-fia Farao ƒe ŋusẽ nu la ŋu, eye wovɔ̃ mawu bubuwo.

⁸Wozɔ de dukɔ, siwo Yehowa nyã le Israel-viwo ŋgɔ la ƒe ɖoɖowo kple Israel-fiawo ƒe ɖoɖowo nu.

⁹Israel-viwo wɔ nusi menyo Yehowa, woƒe Mawu ŋu o la, le adza me, eye wotu nuxeƒewo ɖe woƒe duwo katã me, ɖe dzɔlawo ƒe miwo kple du sesẽwo siaa gbɔ.

¹⁰Woli aƒeliwo kple Aserawo ɖe togbɛ kɔkɔwo katã dzi kple ati damawo katã te;

¹¹eye wodo dzudzɔ le afima le nuxeƒewo katã abe dukɔ, siwo Yehowa nyã le wo ŋgɔ ene, eye wowɔ nu vɔ̃ɖiwo, be woatsɔ ado dziku na Yehowa.

¹²Wosubɔ legbawo, evɔ wònye Yehowa gblɔ na wo be, migawɔe o hafi!

¹³Eye Yehowa xlɔ̃ nu Israel kple Yuda to eƒe nyagblɔɖilawo katã, siwo nye nukpɔlawo la dzi gblɔ bena: Mitrɔ tso miaƒe mɔ vɔwo dzi, eye milé nye sewo kple nye dodowo me ɖe asi, abe alesi mede se na mia fofowo kple alesi mede nye dɔla nyagblɔɖilawo si ɖo ɖe mi la ene.

¹⁴Ke womeɖo to o, hafi boŋ wosẽ ta me abe wo fofo, siwo mexɔ Yehowa, woƒe Mawu dzi se o la ene

¹⁵Wodo vlo eƒe ɖoɖowo kple nu, si wobla kple wo fofowo kpakple eƒe se, si wòde na wo la, eye wowɔ yakanuwo hezu ame ɖigbɔwo, eye wodze dukɔ, siwo ƒo xlã wo la yome, eva wònye Yehowa de se na wo be, womegawɔ abe woawo ene o hafi.

¹⁶Woɖe asi le Yehowa, woƒe Mawu ƒe sewo katã ŋu, eye wokɔ legbawo, siwo nye nyivi eve, wowɔ Aserawo, eye wode ta agu na dziƒonuwo katã, eye wosubɔ Baal.

¹⁷Wona wo viŋutsuwo kple wo vinyɔnuwo to dzo me, woka afã hesa dzo, eye wotsɔ wo ɖokui ƒle na nu vɔ̃ɖi wowɔ le Yehowa ŋku me, ne woatsɔ aɖo dɔmedzoe nɛ.

¹⁸Eyata Yehowa do dɔmedzoe ɖe Israel ŋuti ŋutɔ, eye wòɖe wo ɖa le eƒe ŋku ta; wo dometɔa ɖeke mekpɔtɔ o, negbe Yuda-to la ko.

¹⁹Ke Yuda hã melé Yehowa, eƒe Mawu ƒe seawo me ɖe asi o, eye wozɔ le ɖoɖo, siwo Israel ɖo la nu.

²⁰Eyata Yehowa gbe Israel ƒe dzidzimeviwo katã, eye wote wo de anyi, etso wo de asi na adzodalawo vaseɖe esime wòɖe wo ɖa le eƒe ŋku ta.

²¹Elabena Israel fe eɖokui da le Dawid ƒe aƒe la ŋu, eye wotsɔ Yerobeam, Nebat vi la, ɖo fiae, eye Yerobeam ɖe Israel ɖa tso Yehowa ŋu heble wo de nuvɔ̃ gã me.

²²Ale Israel dze nuvɔ̃, siwo katã Yerobeam wɔ la yome, eye womede asi le wo ŋu o,

²³vaseɖe esime Yehowa ɖe Israel ɖa le eƒe ŋku ta, abe alesi wògblɔ to eƒe dɔla, nyagblɔɖilawo katã dzi ene, eye wòkplɔ Israel tso eƒe anyigba dzi yi Asur vaseɖe egbe.

²⁴Eye Asur-fia kplɔ amewo tso Babel, Kuta, Awa, Xamat kple Sefarwayim, eye wòna wonɔ Samaria-duwo me ɖe Israel-viwo teƒe, eye woxɔ Samaria henɔ eƒe duwo me.

²⁵Ke esime wova afima tete la, womeyɔ Yehowa o, eyata Yehowa kplɔ dzatawo de wo, eye wowu amewo le wo dome.

²⁶Eye wogblɔ na Asur-fia bena: Dukɔ, siwo nèkplɔ yii, be woadanɔ Samaria-duwo me la, menya anyigba dzi mawu la ƒe kɔnuwo o, eyata wòkplɔ dzatawo de wo wowu wo, elabena womenya anyigba dzi mawu la ƒe kɔnu wo o.

²⁷Tete Asur-fia de se gblɔ bena: Miɖo nunɔla, siwo mieɖakplɔ tso afima la, dome ɖeka ɖa, ne wòayi aɖanɔ afima, eye wòafia anyigba dzi mawu la ƒe kɔnuwo wo.

²⁸Ale nunɔla, siwo wokplɔ dzoe tso Samaria la, dometɔ ɖeka va nɔ Betel, eye wòfia, alesi woavɔ̃ Yehowae la wo.

²⁹Ke dukɔ sia dukɔ wɔ mawuwo na eɖokui, eye wotsɔ wo ɖo nuxeƒexɔ, siwo Samariatɔwo wɔ la me; dukɔ sia dukɔ wɔe ɖe du, si me wòle la me.

³⁰Babeltɔwo wɔ Sukot-Benot; Kuttɔwo wɔ Nergal, eye Xamattɔwo wɔ Asima;

³¹Awitɔwo wɔ Nibxaz kple Tartak, eye Sefarwayimtɔwo tɔ dzo wo viwo na Adramelex kple Anamelex, siwo nye Sefarwayimtɔwo ƒe mawuwo.

³²Ke wovɔ̃ Yehowa hã, eye wotsɔ wo dome amesiame ƒomevi ɖo nuxeƒewo ƒe nunɔlawoe, amesiwo sa vɔ na wo le nuxeƒexɔwo me.

³³Wova Yehowa, eye wogasubɔ woƒe mawuwo le dukɔ, siwo dome wokplɔ wo tsoe la ƒe kɔnuwo nu.

³⁴Vaseɖe egbegbe wogale woƒe kɔnu xoxoawo dzi; womevɔ̃a Yehowa ɖeɖe o, eye womewɔna le woƒe dodowo kple woƒe kɔnuwo ɖeɖe nu loo, alo wona le nufiafia kple se, siwo Yehowa de na Yakob, amesi wotsɔ ŋkɔ na be Israel ƒe viwo la nu o.

³⁵Elabena Yehowa bia nu kpli wo, eye wòde se na wo gblɔ bena: Migavɔ̃ mawu bubuwo o, migade ta agu na wo o, migasubɔ wo o, eye migasa vɔ na wo o!

³⁶Ke boŋ mivɔ̃ Yehowa, amesi tsɔ ŋusẽ gã kple abɔ, si wodo de dzi, kplɔ mi tso Egipte-nyigba dzi la; eya miade ta agu na, eye eya miasa vɔ na!

³⁷Eye milé ŋku de ɖoɖo kple kɔnu, nufiafia kple se, si woŋlɔ ɖi na mi la ŋu, ne miawɔ wo ŋkekeawo katã, eye migavɔ̃ mawu bubuwo o!

³⁸Migayɔ nu, si mebia kpli mi la be o, eye migavɔ̃ mawu bubuwo o,

³⁹ke boŋ mivɔ̃ Yehowa, mia Mawu la, ne wòaɖe miatso miaƒe futɔwo katã si me.

⁴⁰Ke womeɖo to o, hafi boŋ wowɔ woƒe kɔnu xoxoawo.

⁴¹Ale dukɔ siawo vɔ̃ Yehowa, eye wosubɔ woƒe legbawo hã; wo viwo kple wo tɔgbuiyɔviwo le alea wɔm vaseɖe egbe abe wo fofowo ene.