Read ewe Fiawo II 9 Bible Online

Fiawo II 9 - ewe bible

Fiawo II 9

¹Eye nyagblɔɖila Elisa yɔ nyagblɔɖilawo ƒe nusrɔ̃viwo dometɔ ɖeka gblɔ nɛ bena: Bla wò ali dzi, eye natsɔ amigoe sia ɖe asi ayi Ramot-Gilead.

²Ne eɖo afima la akpɔ Yehu, Nimsi vi Yosafat ƒe vi, ge ɖe eme, eye nana wòatsi tre tso nɔviawo dome, eye kplɔe yi xogã me.

³Eye natsɔ amigoe la akɔ ɖe ta me nɛ agblɔ bena: Ale Yehowa gblɔ esi: Mesi ami na wò heɖo fia ɖe Israel dzi. Emegbe naʋu ʋɔa, eye nasi, megalala o.

⁴Tete nyagblɔɖilawo ƒe nusrɔ̃vi la yi Ramot-Gilead.

⁵Esi woge ɖe eme la, kpɔ ɖa, aʋakɔ la ƒe amegãwo ɖi anyi. Eye wògblɔ bena: Amegã, mehe gbea ɖe vɛ na wò! Yehu ɖo ŋu bena: Mí katã dometɔ kae? Eɖo ŋu bena: Amegã wòe!

⁶Tete wòtsi tre heyi xɔa me, eye wòka ami la ɖe eƒe ta me gblɔ nɛ bena: Ale Yehowa, Israel ƒe Mawu la, gblɔ esi: Mesi ami na wò heɖo fia wò ɖe Yehowa ƒe aƒe Israel dzi.

⁷Eye tsrɔ̃ wò aƒetɔ Axab ƒe aƒe la, ne mabia hlɔ̃ Izebel ɖe nye dɔla nyagblɔɖilawo ƒe ʋu kple Yehowa ƒe dɔlawo katã ƒe ʋu nu.

⁸Axab ƒe aƒe blibo la atsrɔ̃ gbidigbidi, eye matsrɔ̃ Axab ƒe ŋutsuwo, ɖeviwo kple ame tsitsiwo siaa.

⁹Mawo Axab ƒe aƒe la abe Yerobeam. Nebat vi ƒe aƒe kple Baesa, Axiya vi ƒe aƒe ene.

¹⁰Eye avũwo aɖu Izebel le Yezreel-gble me, eye amea ɖeke maɖii o. Tete woʋu ʋɔa hesi.

¹¹Eye esi Yehu do va eƒe aƒetɔ ƒe dɔlawo gbɔ la, wobiae bena: Eme nyoa? Nya ka ta aɖaʋatɔ sia va gbɔwò ɖo? Eɖo ŋu na wo bena: Mienya ŋutsu la kple eƒe nuwɔwɔ tso!

¹²Ke wogblɔ bena: Aʋa tsoe, gblɔe na mí dzro! Tete wògblɔ bena: Ale kple ale wògblɔ nam enye si be: Ale Yehowa gblɔ esi: Mesi ami na wò heɖo fia wò ɖe Israel dzi.

¹³Tete wowɔ kaba, eye wo dome amesiame tsɔ eƒe avɔ ɖo ete le atrakpuifɔflɔ la dzi, eye woku kpẽ gblɔ bena: Yehu zu ha!

¹⁴Ale Yehu, Nimsi vi Yosafat ƒe vi, bia nu ɖe Yoram ŋu. Ke Yoram kple Israel blibo la wonɔ ŋudzɔ na Aram-fia Xazael le Ramot-Gilead.

¹⁵Emegbe fia Yoram gbugbɔ yi aƒe, be woada gbe le abi, siwo Aramtɔwo de eŋu, esime wòwɔ aʋa kple Aram-fia Xazael la ŋu ne. Eye Yehu gblɔ bena: Ne edze mia ŋu la, ekema amea ɖeke megasi tso dua me ayi aɖagblɔe le Yezreel o.

¹⁶Tete Yehu ɖo tasiaɖam heyi Yezreel, elabena Yoram le aba dzi le afima, eye Yuda-fia Axazya yi, be yeakpɔ Yoram ɖa.

¹⁷Eye esi dzɔla le mɔ̃ ta me le Yezreel kpɔ Yehu ƒe amehawo gbɔna la, egblɔ be: Mekpɔ amehaa ɖe! Tete Yoram gblɔ bena: Ɖe sɔdola ɖeka ɖo ɖa, ne wòaɖakpe wo abia bena: Ŋutifafaea?

¹⁸Eye sɔdola la do sɔ yi ɖakpee gblɔ bena: Ale fía la gblɔ esi: Ŋutifafaea? Yehu gblɔ bena: Ŋutifafanya kae tsɔ gbɔwò? Trɔ va yi megbenye! Eye dzɔla la yi ɖagblɔ bena: Dɔla la yi ɖaɖo wo gbɔ, ke megatrɔ gbɔ o.

¹⁹Eye wòdɔ sɔdola evelia wòdo sɔ yi wo gbɔ gblɔ bena: Ale fia la gblɔ esi: Ŋutifafaea? Yehu gblɔ be: Ŋutifafanya kae tsɔ gbɔwò? Trɔ va yi megbenye!

²⁰Eye dzɔla la yi ɖagblɔ bena: Eyi ɖaɖo wo gbɔ, gake megatrɔ gbɔ o. Nuwɔwɔ la le abe Yehu, Nimsi vi ƒe nuwɔwɔ ene, elabena ele nu wɔm abe aɖaʋatɔ ene.

²¹Tete Yoram gblɔ bena: Tsi sɔ ɖe tasiaɖam ŋu! Eye wotsii ɖe tasiaɖam ŋu, eye Israel-fia Yoram kple Yuda-fia Axazya dome amesiame ɖe eƒe tasiaɖam me, eye woyi Yehu kpe ge: eve wokpɔe Yezreeltɔ Nabot ƒe agble me.

²²Esi Yoram kpɔ Yehu la, egblɔ bena: Yehu, ŋutifafaea? Eɖo ŋu bena: Ŋutifafa ka? Esi dawo Izebel ƒe ahasiwɔwɔ kple dzosasa ta le agbɔ sɔm ɖaa ko laa?

²³Tete Yoram trɔ hesi, eye wogblɔ na Axazya bena: Axazya, nugbeɖoɖoe!

²⁴Ke Yehu vu ete da me, eye wote megbe na Yoram, eye aŋutrɔ la ŋɔ eƒe dzi ɖi go, eye wòmũ dze eƒe tasiaɖam me.

²⁵Eye wògblɔ na fia ŋu me Bidekar bena: Kɔe ƒu gbe ɖe Yezreeltɔ Nabot ƒe agble me, elabena esi mía kple eve mieɖo sɔ nɔ fofoa Axab yome la, eya Yehowa gblɔ nya sia ɖe eŋu

²⁶Ale Yehowa gblɔ esi Mekpɔ Nabot kple viawo ƒe ʋu etso tso! Yehowa ƒe gbe enye si; Maɖo eteƒe na wò le agble sia me. Eyata kɔe ƒu gbe ɖe agble la me le Yehowa ƒe nya la nu!

²⁷Ke esi Yuda-fia Axazya kpɔe la, esi to abɔ me xɔ ƒe mɔ, eye Yehu ti eyome gblɔ bena: Mité eya hã! Eye wotée ɖe tasiaɖam la me le Gur-togbɛ, si le Yibleam gbɔ la dzi, eye wòsi yi Megido heku ɖe afima.

²⁸Eye eƒe dɔlawo kɔe yi Yerusalem, eye woɖii ɖe eƒe yɔdo me ɖe fofoawo gbɔ le Dawid ƒe du la me.

²⁹Axazya zu fia ɖe Yuda dzi le Axab vi Yoram ƒe ƒe wuiɖekɛlia me.

³⁰Emegbe Yehu va Yezreel. Esi Izebel see la, eɖo tu ɖe ŋku, eye wòwɔ leke na eƒe ta, eye wòdo mo ɖe fesre nu.

³¹Eye esi Yehu va agboa me la, tete wògblɔ be: Zimri, eƒe aƒetɔ wula doa?

³²Wòfɔ ka dzi kpo fesre nu gblɔ bena: Ameka le dzinye, amekae? Tete aƒemenuwo dzikpɔla eve alo etɔ̃ do mo ɖe fesre nu.

³³Eye wògblɔ bena: Mitu asii ƒu anyi! Tete wotu asii ƒu anyi, eye eƒe ʋu hlẽ ɖe gli kple sɔwo ŋu, eye wofanyae.

³⁴Eye esi woge ɖe eme ɖu nu no nu la, egblɔ bena: Miyi ɖakpɔ fiƒodeme sia ɖa, ne miaɖii, elabena fia vinyɔnue.

³⁵Ke esi woyi, be yewoaɖii la, womekpɔ eƒe afia ɖeke o, negbe eƒe takoli, afɔbaya kple asibayawo ko.

³⁶Eye wogbugbɔ va gblɔ̃e nɛ; tete wògblɔ be: Esia nye nya, si Yehowa gblɔ to eƒe dɔla Eliya, Tisbitɔ la dzi bena: Avũwo aɖu Izebel ƒe lã le Yezreel-gble me.

³⁷Eye Izebel ƒe kukua ano abe mi ene anɔ gbe me le Yezreel-gble me, ale be amea ɖeke mate ŋu agble be: Izebel enye si o.