Read ewe Kronika I 16 Bible Online

Kronika I 16 - ewe bible

Kronika I 16

¹Eye wotso Mawu ƒe aɖaka la va dro ɖe agbadɔ, si Dawid tu nɛ la titina, eye wosa numevɔ kple akpedavɔ le Mawu ŋku me.

²Esi Dawid sa numevɔ kple akpedavɔ vo la, eyra dukɔ la le Yehowa ƒe ŋkɔ me,

³eye wòmã abolobɔbɔ, lãkɔ kple weintsetsebolo ɖekaɖeka na Israel-viwo dome amesiame, ŋutsuwo kple nyɔnuwo siaa.

⁴Eye Dawid ɖe amewo tso Lewi-viwo dome, ne woasubɔ le Yehowa ƒe aɖaka la ŋgɔ, woaɖo ŋku Yehowa, Israel ƒe Mawu la dzi, woada akpe nɛ, eye woakafui

⁵kple woƒe hadzinuwo, siwo nye saŋkuwo kple kasaŋkuwo; woawo nye Asaf, si nye tatɔ, eyometɔ nye Zaxarya, Yeiel, Semiramot Yexiel, Matitya, Eliab, Benaya, Obed-Edom kple Yeiel. Asaf ƒoa gakogoe sesĩe,

⁶eye nunɔla Benaya kple Yexaziel wotsɔa kpẽwo nɔa Mawu ƒe nubablaɖaka la ŋgɔ ɖaa.

⁷Gbemagbe enye zi gbãtɔ, esi Dawid tsɔ akpedaha, si wòadzi na Yehowa la, de asi na Asaf kple nɔviawo:

⁸Mida akpe na Yehowa, miyɔ eƒe ŋkɔ! Miɖe gbe ƒã eƒe nutsuwɔwɔwo le dukɔwo dome!

⁹Midzi ha ne, miƒo saŋku nɛ, eye miƒo nu le eƒe nukunuwo katã ŋuti!

¹⁰Mitsɔ eƒe ŋkɔ kɔkɔe la ƒo adegbee, amesiwo dia Yehowa la ƒe dzi nekpɔ dzidzɔ!

¹¹Mibia Yehowa kple eƒe ŋusẽ ta se, eye midi eƒe ŋku me ɖaa!

¹²Miɖo ŋu eƒe nukunuwo, dzesiwo kple ʋɔnudɔdrɔ̃, si tso eƒe nu me,

¹³mi eƒe dɔla Israel ƒe dzidzimeviwo, Yakob-viwo kple mi eƒe ame tiatiawo!

¹⁴Eya, Yehowa, enye mía Mawu; eyae drɔ̃e ʋɔnu xexeame katã.

¹⁵Miɖo ŋu eƒe nubabla, nya, si wògblɔ hena dzidzime akpewo la tegbee;

¹⁶nusi wòbla kple Abraham kple atam, si wòka na Isak,

¹⁷etsɔe wɔ ɖoɖo na Yakob, eye wòtsɔe wɔ nubabla na Israel tegbee

¹⁸hegblɔ bena: Wòe matsɔ Kanaan-nyigba ana wòanye miaƒe domenyinu, si wodzidze;

¹⁹afisi miele ʋee le, eye miaƒe xexlẽme mede naneke nu o, kple afisi míenye amedzroe le.

²⁰Eye esi wotsa tso dukɔ gbɔ yi dukɔ gbɔ, tso fiaɖuƒe gbɔ yi dukɔ bubu gbɔ la,

²¹mena amea ɖeke te wò ɖe anyi o, eye woawo ta wòhe to na fiawo ɖo.

²²Migaka asi nye amesiaminawo ŋu o, eye migawɔ vɔ̃a ɖeke nye nyagblɔɖilawo o!

²³Anyigbawo katã, midzi ha na Yehowa; miɖe gbe ƒã eƒe xɔxɔ la gbawotsyogbe!

²⁴Miƒo nu le eƒe ŋutikɔkɔe ŋu le dukɔwo dome kple eƒe nukunuwo ŋu le anyigbadzitɔwo katã dome.

²⁵Elabena Yehowa lolo, edze kafukafu ŋutɔ, eye vɔvɔ̃ le eŋu wu mawuwo katã.

²⁶Elabena dukɔwo ƒe mawuwo katã nye legbawo, ke Yehowa wo dziƒo.

²⁷Keklẽ kple atsyɔ̃ɖoɖo le egbɔ, eye ŋusẽ kple dzidzɔ le enɔƒe.

²⁸Mi dukɔwo ƒomeawo, mitsɔ bubu kple ŋusẽ na Yehowa. Yehowa ye miatsɔe na!

²⁹Mide bubu Yehowa ƒe ŋkɔ ŋu, mitso nunanawo va eŋku mee, eye miɖo atsyɔ̃ kɔkɔe ade ta agu na Yehowa!

³⁰Anyigba blibo la ƒo kpakpakpa le eŋku me; ena anyigba li ɖi sesĩe, be megaʋã o.

³¹Dziƒo nekpɔ dzidzɔ, anyigba netso aseye, eye woagblɔ le dukɔwo dome be: Yehowa ye nye fia!

³²Atsiaƒu kple eme nuwo neɖe gbe, eye agble kple eme nuwo katã nekpɔ dzidzɔ.

³³Ekema avemetiwo atso aseye le Yehowa ŋku me, elabena egbɔna ʋɔnu drɔ̃ ge anyigba!

³⁴Mido akpe na Yehowa, elabena eƒe dome nyo, eye eƒe amenuveve li tegbee!

³⁵Eye migblɔ be: Wò Mawu, miaƒe xɔla, xɔ na mi, ƒo nua nu ƒu, eye ɖe mi tso dukɔwo si me, ne míada akpe na wò ŋkɔ kɔkɔe la, eye miatsɔ wò kafukafu aƒo adegbee!

³⁶Woakafu Yehowa Israel ƒe Mawu la, tso mavɔ me yi mavɔ me! Tete dukɔ blibo la gblɔ be: Nenɔ alea! Eye wokafu Yehowa.

³⁷Eye wòɖe Asat kple nɔviawo ɖo afima le Yehowa ƒe nubablaɖaka la ŋgɔ, ne woasubɔ gbesiagbe le aɖaka la ŋgɔ de ŋkeke sia ŋkeke ƒe ɖoɖo nu;

³⁸eɖo Obed-Edom, Yedutun vi, kple Xosa kpakple wo nɔvi blaade vɔ enyi wonye agbonudzɔlawo;

³⁹eye wòɖo nunɔla Zadok kple nɔvia, siwo nye nunɔlawo la, Yehowa ƒe nɔƒe la ŋgɔ le vɔsaƒe le Gibeon,

⁴⁰ne woasa numevɔ na Yehowa le numevɔsamlekpui la dzi ɖaa, ŋdi kple fiẽ, abe alesi woŋlɔ ɖe Yehowa ƒe se la me na Israel ene;

⁴¹eye Heman kple Yedutun kpakple ame tiatia susɔeawo, siwo ŋkɔ woŋlɔ la, kpe ɖe wo ŋu, ne wòadzi: „Mida akpe na Yehowa, elabena eƒe amenuveve li tegbee!“

⁴²Wotsɔ kpẽwo, gakogoewo kple Mawu ƒe hadzinuawo na wo hena kpẽkulawo. Eye Yedutun viwo nye agbonudzɔlawo.

⁴³Esi dukɔ blibo la dome amesiame yi eƒe xɔnu la, Dawid trɔ, be yeaɖado gbe na eƒemetɔwo.