Read ewe Kronika I 25 Bible Online

Kronika I 25 - ewe bible

Kronika I 25

¹Eye Dawid kple aʋakɔ la ƒe amegãwo ɖa Asaf viwo, Heman viwo kple Yedutun viwo, amesiwo ƒoa kasaŋku, saŋku kple gakogoe la, hena woƒe subɔsubɔdɔ. Dɔwɔla, siwo asubɔ la ƒe xexlẽme enye si:

²Asaf viwo nye: Sakur, Yosef, Netanya kple Asarela Asaf viwo nɔ Asaf, si ƒoa saŋku le fia ƒe ɖoɖo nu la gbɔ.

³Yedutun-hawo nye esi: Yedutun viwo nye: Gedalya, Zeri, Yesaya, Xasabya, Matitya kple Simei, wole wo ame ade; woawo tsɔa kasaŋku ƒoa akpedaha kple kafukafuha na Yehowa le wo fofo Yedutun ƒe kpɔkplɔ te.

⁴Heman hawo nye esi: Heman viwo nye: Bukiya, Matanya, Uziel, Sebuel, Yerimot, Xananya, Xanani, Eliata, Gidalti, Romamti-Eser, Yosbekasa, Maloti, Hotir kple Maxasiot.

⁵Amesiawo katã nye fia ƒe nukpɔla, Heman ƒe viwo, ne eƒe dzo nadidi le Mawu ƒe nya nu; elabena Mawu na ŋutsuvi wuiene kple nyɔnuvi etɔ̃ Heman.

⁶Amesiawo katã tsoa gakogoe, saŋku kple kasaŋku ƒoa hãe le Yehowa ƒe aƒe la me le wo fofo Asaf, Heman kple Yedutun ƒe kpɔkplɔ te, abe alesi fia la ɖo ene.

⁷Woxlẽ woawo kple wo nɔvi, siwo srɔ̃ Yehowa ƒe ha la, kpe ɖe hafialawo ŋu, wole ame alafa eve kple blanyi vɔ enyi.

⁸Eye wodzidze nu ɖe woƒe dɔ ƒe ɖoɖome dzi hena ɖeviwo kple ame tsitsiwo, nufialawo kple nusrɔ̃viwo siaa.

⁹Dzidze gbãtɔ hena Asaf dze Yosef kple nɔviawo kpakple viawo dzi, wole ame wuieve; evelia dze Gedalya kple nɔviawo kpakple viawo dzi, wole ame wuieve;

¹⁰etɔ̃lia dze Zakur kple viawo kpakple nɔviawo dzi, wole ame wuieve;

¹¹enelia dze Yizri kple viawo kpakple nɔviawo dzi, wole ame wuieve;

¹²atɔ̃lia dze Netanya kple viawo kpakple nɔviawo dzi, wole ame wuieve;

¹³adelia dze Bukiya kple viawo kpakple nɔviawo dzi, wole ame wuieve;

¹⁴adrelia dze Yesarela kple viawo kpakple nɔviawo dzi, wole ame wuieve;

¹⁵enyilia dze Yesaya kple viawo kpakple nɔviawo dzi, wole ame wuieve;

¹⁶asiekelia dze Matanya kple viawo kpakple nɔviawo dzi, wole ame wuieve;

¹⁷ewolia dze Simei kple viawo kpakple nɔviawo dzi, wole ame wuieve;

¹⁸wuiɖekɛlia dze Azarel kple viawo kpakple nɔviawo dzi, wole ame wuieve;

¹⁹wuievelia dze Xasabya kple viawo kpakple nɔviawo dzi, wole ame wuieve;

²⁰wuietɔ̃lia dze Subael kple viawo kpakple nɔviawo dzi, wole ame wuieve;

²¹wuienelia dze Malitya kple viawo kpakple nɔviawo dzi, wole ame wuieve;

²²wuiatɔ̃lia dze Yeremot kple viawo kpakple nɔviawo dzi, wole ame wuieve;

²³wuiadelia dze Xananya kple viawo kpakple nɔviawo dzi, wole ame wuieve;

²⁴wuiadrelia dze Yosbekasa kple viawo kpakple nɔviawo dzi, wole ame wuieve,

²⁵wuienyilia dze Xanani kple viawo kpakple nɔviawo dzi, wole ame wuieve;

²⁶wuieasikelia dze Maloti kple viawo kpakple nɔviawo dzi, wole ame wuieve;

²⁷blavelia dze Eliyata kple viawo kpakple nɔviawo dzi, wole ame wuieve;

²⁸blave vɔ ɖekɛlia dze Hotir kple viawo kpakple nɔviawo dzi, wole ame wuieve;

²⁹blave vɔ evelia dze Gidalti kple viawo kpakple nɔviawo dzi, wole ame wuieve;

³⁰blave vɔ etɔ̃lia dze Maxasiot kple viawo kpakple nɔviawo dzi, wole ame wuieve;

³¹blave vɔ enelia dze Romamti-Eser kple viawo kpakple nɔviawo dzi, wole ame wuieve.