Read ewe Kronika I 3 Bible Online

Kronika I 3 - ewe bible

Kronika I 3

¹Dawid vi, siwo wodzi nɛ le Xebron la wonye: eƒe ŋgɔgbea Amnon, si nye Axinoam, Yesreel-nyɔnu la lɔ; evelia nye Daniel, si nye Abigail, Karmel-nyɔnu la to,

²etɔ̃lia nye Absalom, si nye Gesur-fia Talmai ƒe vinyɔnu Maaxa ƒe vi; enelia nye Adoniya, Xagit ƒe vi;

³atɔ̃lia nye Sefatya, si nye Abital ta; adelia nye Yitream, si nye srɔ̃a Egla tɔ.

⁴Wo ame ade wodzi nɛ le Xebron; eɖu fia le afima ƒe adre kple dzinu ade, eye ƒe blaetɔ̃ vo etɔ̃ woɖu fia le Yerusalem.

⁵Vi, siwo wodzi nɛ le Yerusalem, wonye: Simea, Sobab, Natan kple Salomo; wole wo ame ene, siwo nye Amiel ƒe vinyɔnu Bat-Sua tɔ;

⁶hekpe ɖe Yibxar, Elisama, Elifelet,

⁷Noga, Nefeg, Yafia,

⁸Elisama, Elyada kple Elifelet ŋu wole wo ame asieke.

⁹Amesiawo nye Dawid ƒe viŋutsuwo, ke eƒe ahiãwo ƒe viŋutsuwo mele eme o. Wo nɔvinyɔnu enye Tamar.

¹⁰Salomo vi nye Rexabeam; eya ƒe vi nye Abiya, eya ƒe vi nye Asa, eya ƒe vi nye Yosafat,

¹¹eya ƒe vi nye Yoram, eya ƒe vi nye Axazya, eya ƒe vi nye Yoas,

¹²eya ƒe vi nye Amazya, eya ƒe vi nye Azarya, eya ƒe vi nye Yotam,

¹³eya ƒe vi nye Axaz, eya ƒe vi nye Xizkiya, eya ƒe vi nye Manase,

¹⁴eya ƒe vi nye Amon, eya ƒe vi nye Yosiya.

¹⁵Yosiya viwo nye: ŋgɔgbea nye Yoxanan, evelia nye Yoyakim, etɔ̃lia nye Zedekiya, enelia nye Salum.

¹⁶Yoyakim viwo nye: Yexonya, eya ƒe vi nye Zedekiya.

¹⁷Yexonya, amesi nye aboyome la ƒe viwo nye: Sealtiel,

¹⁸Malxiram, Pedaya, Senazar, Yekamya, Hosama kple Nedabya.

¹⁹Pedaya ƒe viwo nye: Zerubabel kple Simei. Zerubabel ƒe viwo nye: Mesulam kple Xananya; wo nɔvinyɔnu enye Selomit;

²⁰emegbe Xasuba, Ohel, Berexya, Xasadya kple Yusab-Xesed, wole wo ame atɔ̃.

²¹Xananya viwo nye: Pelatya kple Yesaya, Refaya viwo, Arnan viwo, Obadya viwo, Sexanya viwo.

²²Sexanya vi nye: Semaya, eye Semaya viwo nye: Xatus, Yigeal, Bariax, Nearya, Safat; wote wo ame ade.

²³Nearya viwo nye: Elyoenai, Xizkiya, Azrikam; wole wo ame elɔ̃.

²⁴Elyoenai viwo nye: Hodaya, Elyasib, Pelaya, Akub, Yoxanan, Delaya kple Anani; wole wo ame adre.