Read ewe Kronika I 4 Bible Online

Kronika I 4 - ewe bible

Kronika I 4

¹Yuda viwo nye: Perez, Xezron, Kelubai, Xur kple Sobal.

²Sobal vi Reaya dzi Yaxat, eye Yaxat dzi Axumai kple Lahad. Esia nye Zoreatitɔwo ƒe ƒomeawo.

³Etam viwo nye: Yezreel, Yisma, Yidbas; wo nɔvinyɔnu ŋkɔ nye Hazlelponi;

⁴emegbe Gedor fofo Penuel kple Xusa fofo Ezer. Amesiawo nye Betlexem fofo Xur, amesi nye Efrata ƒe ŋgɔgbea ƒe viwo.

⁵Tekoa fofo Asxur ɖe srɔ̃ eve, siwo nye: Xelea kple Naara.

⁶Naara dzi Axuzam, Xefer, Temni kple Axastaritɔwo nɛ. Amesiawo nye Naara viwo.

⁷Eye Xelea viwo nye; Zeret, Yizxar, Etnan kple Koz.

⁸Koz dzi Anub, Hazobeba kple Harum vi Axarxel ƒe ƒomeawo.

⁹Bubu nɔ Yabez ŋu wu nɔviawo, eye dadaa na ŋkɔe be Yabez, le esi wose veve hafi dzii ta.

¹⁰Eye Yabez yɔ Israel ƒe Mawu la gblɔ bena: Ne èyram, eye nèkeke nye anyigba ɖe enu, wò asi nɔ kplim, eye neɖe dzɔgbevɔ̃ewo ɖa, ale be vevea ɖeke medzɔ ɖe dzinye o la, — tete Mawu na nusi wòbia la, va me.

¹¹Suxa nɔvi Kelub dzi Mexir, eya nye Eston fofo.

¹²Eston dzi Bet-Rafa, Paseax kple Texina, si nye Naxas-du la fofo; amesiawo nye Rexa ƒe ŋutsuwo.

¹³Kenaz viwo nye: Otniel kple Seraya; eye Otniel vi nye Xatat.

¹⁴Meonotai dzi Ofra, eye Seraya dzi Yoab, si nye atikpala, bali me nɔlawo fofo, elabena atikpalawo wonye.

¹⁵Yefune vi Kaleb ƒe viwo nye: Iru, Ela kple Naam, hekpe ɖe Ela kple Kenaz ƒe viwo ŋu.

¹⁶Yehalelel viwo nye: Zif, Zifa, Tirya kple Asareel.

¹⁷Ezra viwo nye: Yeter, Mered, Efer kple Yalon. Farao vinyɔnu Bitya, si Mered ɖe la ƒe viwo nye esi: Eya dzi Miryam, Samai kple Yisbax, si nye Estemoa fofo.

¹⁸Eye srɔ̃a, Yuda-nyɔnu la, dzi Yered, si nye Gedor fofo kple Xeber, si nye Soxo fofo, kpakple Yekutiel, si nye Zanoax fofo.

¹⁹Hodiya srɔ̃, si nye Naxam nɔvinyɔnu ƒe viwo nye: Garmitɔ, Kegila fofo, kple Maaxatitɔ Estemoa.

²⁰Simon viwo nye Amnon, Rina, Ben-Xanan kple Tilon. Yisei viwo nye: Zoxet kple Ben-Zoxet.

²¹Yuda vi Sela ƒe viwo nye: Ger, si nye Lexa fofo, Laeda, si nye Maresa fofo, kpakple Asbea ƒe aƒe me aklalalɔ̃lawo ƒe ƒome;

²²emegbe Yokim, Kozeba-ŋutsuwo kple Yoas kpakple Saraf, amesiwo ɖu amegã le Moab kple Yasubi-Lexem. Ke blemanyawo nye esiawo.

²³Wonye zermlawo, eye wono Netaim kple Gedera, fia ƒe do me wono le afima.

²⁴Simeon viwo nye: Nemuel, Yamin, Yarib, Serax kple Saul;

²⁵eya ƒe vi nye Salum, eya ƒe vi nye Mibsam, eya ƒe vi nye Misma.

²⁶Misma viwo nye: Xamuel, eya ƒe vi nye Zakur, eya ƒe vi nye Simei.

²⁷Ŋutsuvi wuiade kple nyɔnuvi ade nɔ Simei si, ke vi geɖe menɔ nɔviawo ya si o, eye woƒe ƒome mekeke ta de Yuda viwo to nu o.

²⁸Wono Beer-Seba, Molada, Xazar-Sual,

²⁹Bilha, Ezem, Tolad,

³⁰Betuel, Xorma, Ziklag,

³¹Bet-Markabot, Xazar-Susim, Bet-Birei kple Saarayim. Esiawo nye woƒe duwo, vaseɖe esime Dawid ɖu fia.

³²Woƒe kɔƒe, siwo kpe ɖe eŋu, wonye: Etam, Ayin, Rimon, Toxen kple Asan, wole du atɔ̃,

³³kpakple woƒe kɔƒe, siwo katã ƒo xlã du siawo vaseɖe Baal. Esiawo nye woƒe nɔƒewo, eye ƒomegbalẽ tɔxɛ le wo si.

³⁴Mesobab, Yamlex, Yosa, Amazya vi,

³⁵Yoel, Yehu, si nye Asiel vi Seraya ƒe vi Yosibya vi;

³⁶Elyoenai, Yaakoba, Yesoxaya, Asaya, Adiel, Yesimiel, Benaya kple

³⁷Ziza, Sifei vi, amesi nye Alon vi, amesi nye Yadaya vi, amesi nye Simri vi, amesi nye Semaya vi.

³⁸Amesiwo ŋkɔ woxlẽ la, wonye amegãwo le woƒe ƒomeawo me, eye woƒe aƒekɔwo keke ta ŋutɔ.

³⁹Eye woho ɖo ta Gedor vaseɖe bali la ƒe ɣedzeƒe gome, be woadi lãnyiƒe na woƒe lãhawo.

⁴⁰Eye wokpɔ lãnyiƒe dama nyuia ɖe; anyigba la keke le goawo katã me, eye eŋu fa bɔkɔɔ; elabena Xam-viwo nɔ afima tsã.

⁴¹Tete amesiwo ŋkɔ woŋlɔ ɖi la, va gbã woƒe agbadɔwo, eye wowu Meunitɔ, siwo nɔ afima le Yuda-fia Xizkiya ŋɔli: wotsrɔ̃ wo gbidigbidi vaseɖe egbe henɔ wo teƒe, elabena lãnyiƒe le afima na woƒe lãwo.

⁴²Eye Simeon-viwo dome ame alafa atɔ̃ ho yi Seir-to dzi; woƒe tatɔwo nye Yisei viwo: Pelatya, Nearya, Refaya kple Uziel.

⁴³Eye wowu Amalekitɔ, siwo tsi anyi la ƒe susɔeawo henɔ afima vaseɖe egbe.