Read ewe Kronika I 6 Bible Online

Kronika I 6 - ewe bible

Kronika I 6

¹Lewi viwo nye: Gerson, Kehat kple Merari.

²Gerson viwo ƒe ŋkɔwo nye esi: Libni kple Simei.

³Kehat viwo nye: Amram, Yizxar, Xebron kple Uziel.

⁴Merari viwo nye: Maxeli kple Musi. Esiawo nye Lewi viwo ƒe ƒomeawo le wo fofowo nu.

⁵Gerson vi enye Libni, eya ƒe vi nye Yaxat, eya ƒe vi nye Zima,

⁶eya ƒe vi nye Zoax, eya ƒe vi nye Ido, eya ƒe vi nye Zerax, eya ƒe vi nye Yeatrai.

⁷Kehat viwo nye: Aminadab, eya ƒe vi nye Korax, eya ƒe vi nye Asir,

⁸eya ƒe vi nye Elkana, eya ƒe vi nye Ebyasaf, eya ƒe vi nye Asir,

⁹eya ƒe vi nye Taxal, eya ƒe vi nye Uriel, eya ƒe vi nye Uzya, eya ƒe vi nye Saul.

¹⁰Elkana viwo nye Amasai kple Aximot;

¹¹eya ƒe vi nye Elkana, eya ƒe vi nye Zofai, eya ƒe vi nye Naxat,

¹²eya ƒe vi nye Eliab, eya ƒe vi nye Yeroxam, eya ƒe vi nye Elkana, eya ƒe vi nye Samuel.

¹³Samuel viwo nye: Yoel, si nye ŋgɔgbea, eye evelia nye Abiya.

¹⁴Merari viwo nye: Maxeli, eya ƒe vi nye Libni, eya ƒe vi nye Simei, eya ƒe vi nye Uza,

¹⁵eya ƒe vi nye Simea, eya ƒe vi nye Xagiya, eya ƒe vi nye Asaya.

¹⁶Amesiwo Dawid ɖo be, wòadzi ha le Yehowa ƒe aƒe la me, tso esime aɖaka la kpɔ gbɔɖemeƒe, wonye esi.

¹⁷Wotsɔ hadzidzi subɔ le Mawu ƒe agbadɔ la ŋgɔ, vaseɖe esime Salomo tu Yehowa ƒe xɔ ɖe Yerusalem, eye wonɔ woƒe dɔ me le ɖoɖo nu.

¹⁸Amesiwo wɔ dɔ la kple wo viwo nye esi: Amesi tso Kehat viwo dome enye Heman, si nye hena, amesi nye Yoel vi, amesi nye Samuel vi,

¹⁹amesi nye Elkana vi, amesi nye Yeroxam vi, amesi nye Eliel vi, amesi nye Toax vi,

²⁰amesi nye Zuf vi, amesi nye Elkana vi, amesi nye Maxat vi, amesi nye Amasai vi,

²¹amesi nye Elkana vi, amesi nye Yoel vi, amesi nye Azarya vi, amesi nye Zefanya vi,

²²amesi nye Taxat vi, amesi nye Asir vi, amesi nye Ebyasaf vi, amesi nye Korax vi,

²³amesi nye Yizxar vi, amesi nye Kehat vi, amesi nye Lewi vi, amesi nye Israel ƒe vi.

²⁴Nɔvia Asat tsi tre ɖe eƒe ɖusi me Asaf enye Berexya vi, amesi nye Simea vi,

²⁵amesi nye Mixael vi, amesi nye Baaseya vi, amesi nye Malkiya vi,

²⁶amesi nye Etni vi, amesi nye Zerax vi, amesi nye Adaya vi,

²⁷amesi nye Etan vi, amesi nye Zima vi, amesi nye Simei vi,

²⁸amesi nye Yaxat vi, amesi nye. Gerson vi, amesi nye Lewi vi.

²⁹Eye wo nɔvi, Merari viwo, no miame Etan enye Kisi vi, amesi nye Abdi vi, amesi nye Malux vi,

³⁰amesi nye Xasabya vi, amesi nye Amazya vi, amesi nye Xilkiya vi,

³¹amesi nye Amzi vi, amesi nye Bani vi, amesi nye Semer vi,

³²amesi nye Maxeli vi, amesi nye Musi vi, amesi nye Merari vi, amesi nye Lewi vi.

³³Eye woɖo wo nɔvi Lewi-viwo, ne woawɔ dɔ sia dɔ le Mawu ƒe aƒe la me.

³⁴Eye Aron kple viaŋutsuwo doa dzo ɖe numevɔsamlekpui kple dzudzɔdovɔsamlekpui la dzi, woɖo wo hena kɔkɔefewo ƒe kɔkɔeƒe ƒe dɔwo katã, eye wòlé avu Israel le se, siwo katã Mawu ƒe dɔla Mose de la nu.

³⁵Aron viwo nye esi: Eleazar, eya ƒe vi nye Pinexas eya ƒe vi nye Abisua,

³⁶eya ƒe vi nye Buki, eya ƒe vi nye Uzi, eya ƒe vi nye Zeraxya,

³⁷eya ƒe vi nye Merayot, eya ƒe vi nye Amarya, eya ƒe vi nye Axitub,

³⁸eya ƒe vi nye Zadok, eya ƒe vi nye Aximaaz.

³⁹Woƒe nɔƒewo le woƒe anyigba dzi enye si le woƒe aƒetsotsowo nu. Aron vi, siwo tso Kehat viwo ƒe ƒome la me tɔ enye si: elabena woawo dzi dzidze la dze gbã.

⁴⁰Eye wotsɔ Xebron na wo ɖe Yuda-nyigba dzi kple lãnyiƒe, si le eŋu godoo,

⁴¹ke wotsɔ du la ƒe agble kple eƒe kɔƒewo na Yefune vi Kaleb.

⁴²Esiwo wotso na Aron viwo, wonye: Sitsoƒedu Xebron, Libna kple eŋu lãnyiƒe, Yatir kple Estemoa kple wo ŋu lãnyiƒewo.

⁴³Xilen kple eŋu lãnyiƒe, Debir kple eŋu lãnyiƒe,

⁴⁴Asan kple eŋu lãnyiƒe kpakple Bet-Semes kple eŋu lãnyiƒe.

⁴⁵Esiwo le Benyamin-to la me la, wonye: Geba kple eŋu lãnyiƒe, Alemet kple eŋu lãnyiƒe kpakple Anatot kple eŋu lãnyiƒe: woƒe du, siwo katã le woƒe ƒomea me la, le du wuietɔ̃.

⁴⁶Eye wodzidze nu tso du ewo na Kehat viwo, siwo nye to la ƒe ƒome susɔeawo la, ɖe Efrayim-to, Dan-to kple Manase ƒe to afã la me.

⁴⁷Wona du wuietɔ̃ Gerson viwo le woƒe ƒomeawo nu ɖe Isaxar-to, Aser-to, Naftali-to kple Manase-to me le Basan.

⁴⁸Eye wodzidze nu tso du wuieve na Merari viwo le woƒe ƒomeawo nu ɖe Ruben-to, Gad-to kple Zebulon-to la me.

⁴⁹Eye Israel ƒe viwo tsɔ duawo kple wo ŋu lãnyiƒeawo na Lewi viwo;

⁵⁰eye wodzidze nu tsɔ du, siwo ŋkɔ woxlẽ la, na wo le Yuda viwo ƒe to, Simeon viwo ƒe to kple Benyamin ƒe to la me.

⁵¹Eye wotsɔ du na Kehat viwo ƒe ƒome susɔeawo de Efrayim-to la me.

⁵²Wotsɔ sitsoƒeduwo na wo: Sixem kple eŋu lãnyiƒe le Efrayim-to dzi, Gezer kple eŋu lãnyiƒe,

⁵³Yokmeam kple eŋu lãnyiƒe, Bet-Xoron kple eŋu lãnyiƒe;

⁵⁴Ayalon kple eŋu lãnyiƒe kpakple Gat-Rimon kple eŋu lãnyiƒe.

⁵⁵Eye wotsɔ Aner kple eŋu lãnyiƒe kpakple Bileam kple eŋu lãnyiƒe na Kehat viwo ƒe ƒome susɔeawo ɖe Manase ƒe to afã la me.

⁵⁶Wotsɔ Golan le Basan kple eŋu lãnyiƒe kpakple Astarot kple eŋu lãnyiƒe na Gerson viwo ɖe Manase ƒome ƒe to afã la me.

⁵⁷Esiwo le Isaxar-to la me, wonye: Kedes kple eŋu lãnyiƒe, Dobrat kple eŋu lãnyiƒe,

⁵⁸Ramot kple eŋu lãnyiƒe kpakple Anem kple eŋu lãnyiƒe.

⁵⁹Esiwo le Aser-to la me, wonye: Masal kple eŋu lãnyiƒe, Abdon kple eŋu lãnyiƒe,

⁶⁰Xukok kple eŋu lãnyiƒe kpakple Rexob kple eŋu lãnyiƒe.

⁶¹Eye esiwo le Naftali-to lãme, wonye: Kedes le Galilea kple eŋu lãnyiƒe, Xamon kple eŋu lãnyiƒe kpakple Kiryatayim kple eŋu lãnyiƒe.

⁶²Esiwo wotso na Merari vi susɔeawo ɖe Zebulon-to la me, wonye: Rimono kple eŋu lãnyiƒe kpakple Tabor kple eŋu lãnyiƒe.

⁶³Esiwo le Ruben-to la me le Yordan ƒe go keme le Yerixo gbɔ le Yordan ƒe ɣedzeƒe gome, wonye: Bezer le gbe dzi kple eŋu lãnyiƒe, Yaza kple eŋu lãnyiƒe,

⁶⁴Kedemot kple eŋu lãnyiƒe kpakple Mefaat kple eŋu lãnyiƒe.

⁶⁵Esiwo le Gad-to la me, wonye: Ramot le Gilead kple eŋu lãnyiƒe, Maxanayim kple eŋu lãnyiƒe.

⁶⁶Xesbon kple eŋu lãnyiƒe kpakple Yazer kple eŋu lãnyiƒe.