Read ewe Kronika I 7 Bible Online

Kronika I 7 - ewe bible

Kronika I 7

¹Isaxar viwo nye: Tola, Pua, Yasub kple Simron, wole wo ame ene.

²Tola viwo nye: Uzi, Refaya, Yeriel, Yaxmai, Yibsam kple Samuel; woawo nye Tola ƒe aƒekɔwo ƒe tatɔwo, eye wonye ŋutsu kalẽtɔwo le woƒe ƒomeawo me. Woƒe xexlẽme de akpe blave vo eve kple alafa ade le Dawid ŋɔli.

³Uzi vi nye Yizraxya, eye Yizraxya viwo nye: Mixael, Obadya, Yoel kple Yisiya; wole wo ame atɔ̃; wo katã wonye tatɔwo.

⁴Eye aʋawɔla akpe blaetɔ̃ vɔ ade kpe ɖe wo ŋu le woƒe ƒomeawo kple woƒe aʋakɔwo nu, elabena srɔ̃ geɖe kple viŋutsuwo le wo si.

⁵Wo nɔvi, siwo tso Isaxar ƒe ƒomeawo katã me la, nye ŋutsu kalẽtɔwo; ame akpe blanyi va adre le woƒe dzidzimegbalẽ la me.

⁶Benyamin viwo nye: Bela, Bexer kple Yediael, wole wo ame etɔ̃.

⁷Bela viwo nye: Ezbon, Uzi, Uziel, Yerimot kple Iri; woawo nye aʋakɔwo ƒe tatɔ atɔ̃awo kple ŋutsu kalẽtɔwo; eye ame akpe blave vɔ eve kple blaetɔ̃ vɔ ene le woƒe dzidzimegbalẽ la me.

⁸Bexer viwo nye: Zemira, Yoas, Eliezer, Elyoenai. Omri, Yeremot, Abiya, Anatot kple Alemet; wo katã nye Bexer viwo.

⁹Woƒe aƒekɔwo ƒe tatɔwo, siwo nye ŋutsu kalẽtɔwo, le ame akpe blave kple alafa eve le woƒe ƒomeawo nu le woƒe dzidzimegbalẽ la me.

¹⁰Yediael vi nye: Bilhan, eye Bilhan viwo nye: Yeus, Benyamin, Ehud, Kenaana, Zetan, Tarsis kple Axisaxar.

¹¹Amesiawo katã nye Yediael viwo le woƒe aƒekɔwo ƒe tatɔwo, siwo nye ŋutsu kalẽtɔwo la nu; wole ame akpe wuiadre kple alafa eve, amesiwo hona yia aʋa.

¹²Supim kple Xupim wonye Ir viwo; eye Xusim enye Axer vi.

¹³Naftali viwo nye: Yaxziel. Guni, Yezer kple Salum, amesiwo nye Bilha ƒe viwo.

¹⁴Manase viwo nye: Asriel, si eƒe ahiã, Aram-nyɔnu la dzi, eyae dzi Maxir, si nye Gilead fofo.

¹⁵Eye Maxir ɖe srɔ̃, si nye Xupim kple Supim nɔvinyɔnu, amesi ŋkɔ nye Maaxa. Evelia ŋkɔ nye Zelofxad, eye Zelofxad dzi nyɔnuviwo

¹⁶Eye Maxir srɔ̃ Maaxa dzi ŋutsuvi hena ŋkɔe be Peres, eye nɔvia ŋkɔ nye Seres; eya ƒe viwo nye Ulam kple Rekem.

¹⁷Ulam vi nye Bedan. Amesiawo nye Manase vi Maxir ƒe vi Gilead ƒe viwo.

¹⁸Nɔvianyɔnu Hamolexet dzi Ishod, Abiezer kple Maxla.

¹⁹Semiada viwo nye: Axyan, Sexem, Likxi kple Aniam.

²⁰Efrayim vi nye: Sutelax; eya ƒe vi nye Bered eya ƒe vi nye Taxat, eya ƒe vi nye Eleada, eya ƒe vi nye Taxat,

²¹eya ƒe vi nye Zabad, eya ƒe vi nye Sutelax hekpe ɖe Ezer kple Elead ŋuti. Ke Gat-ŋutsuwo, siwo nye anyigbadzitɔwo, wu wo, elabena wova, be woalé woƒe lãwo.

²²Tete wo fofo Efrayim fa na wo eteƒe didi, eye nɔviawo va, be woafa akɔ nɛ.

²³Eye wòdɔ srɔ̃ gbɔ wòfɔ fu hedzi ŋutsuvi, eye wòna ŋkɔe be Beria, elabena dzɔgbevɔ̃e va eƒe aƒe dzi.

²⁴Vianyɔnu enye Seera, eyae tso Anyigbe-Bet-Xoron kple Dzigbe-Bel-Xoron kpakple Uzen-Seera.

²⁵Viaŋutsu nye Refax, eya ƒe viwo nye Resef kple Telax, eya ƒe vi nye Taxan,

²⁶eya ƒe vi nye Laedan, eya ƒe vi nye Amihud, eya ƒe vi nye Elisama,

²⁷eya ƒe vi nye Nun, eya ƒe vi nye Yosua.

²⁸Woƒe anyigba kple wo nɔƒewo nye: Betel kple eŋu duwo ɖo ta Naaran le ɣedzeƒe kple Gezer le ɣetoɖoƒe kple wo ŋu duwo, Sexem kple eŋu duwo vaseɖe Aya kple eŋu duwo gbɔ.

²⁹Manase viwo tɔ, si le akpa sia dzi, wonye Bet-Sean kple eŋu duwo; du siawo me Israel vi Yosef ƒe viwo nɔ.

³⁰Aser viwo nye: Yimna, Yiswa, Yiswi, Bena kple wo nɔvinyɔnu Serax.

³¹Bena viwo nye: Xeber kple Malxiel, eya nye Birzayit fofo.

³²Xeber dzi Yaflet, Somer, Xotam kple wo nɔvinyɔnu Sua.

³³Yaflet viwo nye: Pasax, Bimhal kple Aswat; amesiawo nye Yaflet viwo.

³⁴Somer viwo nye: Axi, Roga, Xuba kple Aram.

³⁵Nɔvia Helem viwo nye: Zofax, Yimna, Seles kple Amal.

³⁶Zofax viwo nye: Suax, Xarnefer, Sual, Beri kple Yimra,

³⁷Bezer, Hod, Sama, Silsa, Yitran kple Beera.

³⁸Yeter viwo nye: Yefune, Pispa kple Ara.

³⁹Ula viwo nye: Arax, Xaniel kple Rizya.

⁴⁰Amesiawo katã nye Aser viwo, aƒekɔwo ƒe tatɔwo, ŋutsu kalẽtɔ tiatia, siwo nye amegãwo ƒe tatɔwo, eye woŋlɔ woƒe ŋkɔwo ɖi hena aʋawɔwɔ, woƒe xexlẽme le ame akpe blave vɔ ade.