Read ewe Kronika I 9 Bible Online

Kronika I 9 - ewe bible

Kronika I 9

¹Israel blibo la na woŋlɔ woƒe ŋkɔwo ɖi; kpɔ ɖa, woŋlɔ wo ɖe Israel-fiawo ƒe agbalẽ me. Ke wokplɔ Yuda yi Babel le woƒe nuteƒe mawɔmawɔ ta.

²Amesiwo no woƒe anyigba dzi le woƒe duwo me gbã, wonye: Israel nunɔlawo, Lewi viwo kple gbedoxɔ me dɔwɔlawo.

³Eye amewo tso Yuda-viwo, Benyamin-viwo, Efrayim-viwo kple Manase-viwo dome no Yerusalem.

⁴Utai, Amihud vi, amesi nye Omri vi, amesi nye Imri vi, amesi nye Bani vi tso Yuda vi Perez ƒe viwo dome.

⁵Amesiwo tso Silontɔwo dome, wonye: Asaya, amesi nye ŋgɔgbevi, kple viawo.

⁶Amesiwo tso Serax viwo dome, wonye Yeuel kple nɔviawo, wole ame alafa ade kple blaasieke.

⁷Amesiwo tso Benyamin-viwo dome, wonye: Salu, Mesulam vi, amesi nye Hodaya vi, amesi nye Hasenua vi;

⁸Yibneya, Yeroxam vi, kple Ela, Uzi vi, amesi nye Mixri vi; Mesulam, Sefatya vi, amesi nye Reguel vi, amesi nye Yibneya vi,

⁹kpakple nɔviawo le woƒe ƒomewo nu; wole ame alafa asieke kple blaatɔ̃ vɔ ade. Amesiawo katã nye woƒe aƒekɔwo ƒe ƒomeawo ƒe tatɔwo.

¹⁰Amesiwo tso nunɔlawo dome, wonye: Yedaya, Yoyarib, Yaxin,

¹¹Azarya, Xilkiya vi, amesi nye Mesulam vi, amesi nye Zadok vi, amesi nye Merayot vi, amesi nye Axitub vi; eya nye amegã le Mawu ƒe aƒe la nu;

¹²Adaya, Yeroxam vi, amesi nye Pasxur vi, amesi nye Malxiya vi; Maesai, Adiel vi, amesi nye Yaxzera vi, amesi nye Mesulam vi, amesi nye Mesilemit vi, amesi nye Imer vi,

¹³hekpe ɖe wo noviwò ŋu. Woawo nye woƒe aƒekɔwo ƒe amegãwo; wole ame akpe ɖeka alafa adre kple blaade, amesiwo nye ame zãzɛwo le Mawu ƒe aƒe la ƒe dɔwo wɔwɔ me.

¹⁴Amesiwo tso Lewi-viwo dome, wonye: Semaya, Xasub vi, amesi nye Azrikam vi, amesi nye Xasabya vi tso Merari viwo dome;

¹⁵Bakbakar, Xeres, Galal kple Matanya, Mixa vi, amesi nye Zixri vi, amesi nye Asaf vi;

¹⁶Obadya, Semaya vi, amesi nye Galal vi, amesi nye Yedutun vi, kple Berexiya, Asa vi, amesi nye Elkana vi, amesi nɔ Netofatitɔwo ƒe kɔƒewo me.

¹⁷Agbonudzɔlawo nye: Salum, Akub, Talmon, Aximan kple wo nɔviwò. Salum enye tatɔ.

¹⁸Ele fia ƒe agbo nu le ɣedzeƒe gome vaseɖe fifi. Amesiawo nye Lewi-viwo ƒe asaɖa ƒe agbonudzɔlawo.

¹⁹Salum, Kore vi, amesi nye Ebyasaf vi, amesi nye Korax vi, kple nɔvia, siwo tso eƒe aƒekɔ la me; wotsɔ do la de asi na Korax viwo, be woadzo agbadɔ la ƒe kpui nu, abe alesi wo fofowo nye mɔnudzɔlawo le Yehowa ƒe asaɖa la me ene.

²⁰Tsã la Pinexas, Eleazar vi, nye amegã ɖe wo nu, eye Yehowa na kplii?

²¹Zaxarya, Meselemya vi, enye agbonudzɔla le Mawu ƒe agbadɔ la nu.

²²Amesiawo katã, siwo wolia hena kpuinudzɔdzɔ la, le ame alafa eve kple wuieve; woŋlɔ woƒe ŋkɔwo le woƒe kɔƒewo me, eye Dawid kple nukpɔla Samuel wonye amesiwo tso wo de woƒe do la me.

²³Woawo kple wo viwo dzɔ Yehowa ƒe aƒe ƒe agbo kple agbadɔ la ƒe xɔa nu.

²⁴Agbonudzɔlawo le akpa eneawo dzi, le ɣedzeƒe, ɣetoɖoƒe, anyiehe kple dziehe.

²⁵Eye wo nɔviwo tsoa woƒe kɔƒewo me vana ŋkeke adreadre, ne woakpe asi ɖe eŋu na wo ti;

²⁶elabena agbonudzɔlawo ƒe amegã eneawo ɖo dɔ la me ɖikaa; wonye Lewi-viwo, eye wokpɔa Mawu ƒe aƒe la ƒe xɔwo kple nudzraɖoƒeawo dzi.

²⁷Wotsia Mawu ƒe aƒe la nu dona, elabena woawoe nye dzɔlawo, eye woƒe dɔ enye agboawo ʋuʋu ŋdi sia ŋdi.

²⁸Wotsɔ dɔwɔnuawo de wo dometɔa ɖewo si, be woatsɔ wo ava emee dedie, eye woatsɔ wo ado goe dedie.

²⁹Wotsɔ nuawo katã, siwo nye nu kɔkɔeawo, wo memee, wein, ami, dzudzɔʋeʋẽedonu kple atike ʋeʋẽeawo de asi na wo dometɔa ɖewo.

³⁰Eye nunɔlawo ƒe viwo dometɔa ɖewo tsɔa atike ʋeʋẽe ɖaa ami sisi la.

³¹Wotsɔ nusiwo wotɔna le agba me la, de Matitya si ɖikaa, etso Lewi-viwo dome, eye wònye Korax vi Salum ƒe ŋgɔgbevi.

³²Eye wotsɔ Kehat viwo, siwo tso wo nɔviwo dome la, ɖo ŋkumeɖobolo la nu, ne woadzrae ɖo le dzudzɔgbe sia dzudzɔgbe dzi.

³³Amesiawo nye hadzilawo, siwo nye Lewi-viwo ƒe aƒekɔwo ƒe tatɔwo, amesiwo mewɔa da bubua ɖeke le woƒe aƒewo me o, elabena do le wo si ŋkeke kple zã.

³⁴Amesiawo nye Lewi-viwo ƒe aƒekɔwo ƒe tatɔwo le woƒe ƒomewo nu; woawo nye amesiwo nɔ Yerusalem.

³⁵Amesiwo nɔ Gibeon, wonye: Gibeon fofo Yeuel; srɔ̃a ŋkɔ nye Maaxa;

³⁶eƒe vi ŋgɔgbea nye Abdon, Zur, Kis, Baal, Ner, Nadab,

³⁷Gedor, Axyo, Zaxarya kple Miklot.

³⁸Miklot dzi Simeam, eye eya kple nɔviawo hã nɔ wo nɔviwò kasa le Yerusalem.

³⁹Ner dzi Kis, eye Kis dzi Saul. Saul dzi Yonatan, Malxisua, Abinadab kple Esbaal.

⁴⁰Yonatan ƒe vi nye Merib-Baal, eye Merib-Baal dzi Mixa.

⁴¹Mixa viwo nye: Piton, Melex kple Taxrea.

⁴²Axaz dzi Yarea, eye Yarea dzi Alemet, Azmawet kple Zimri; eye Zimri dzi Moza.

⁴³Moza dzi Binea, eya ƒe, vi nye Refaya eya ƒe vi nye Azel.

⁴⁴Azel dzi vi ade, woƒe ŋkɔwo nye: Azrikam, si nye eƒe ŋgɔgbea, Ismael, Searya, Obadya kple Xanan; amesiawo nye Azel viwo.