Read ewe Kronika II 33 Bible Online

Kronika II 33 - ewe bible

Kronika II 33

¹Manase xɔ ƒe wuieve, esime wòzu fia, eye woɖu fia ƒe blaatɔ̃ vɔ atɔ̃ le Yerusalem.

²Ewɔ nusi nye vɔ̃ le Yehowa ŋku me le dukɔ, siwo Yehowa nyã le Israel-viwo ŋgɔ la ƒe ŋunyɔnuwo nu.

³Egagbugbɔ nuxeƒe, siwo fofoa Xizkiya gbã la tu, eye wòɖi vɔsamlekpuiwo na Baalwo, ewɔ Aserawo, eye wòde ta agu na dziƒonuwo katã hesubɔ wo.

⁴Eɖi vɔsamlekpuiwo ɖe Yehowa ƒe aƒe, si ŋu Yehowa gblɔ le be, yeƒe ŋkɔ anɔ le Yerusalem tegbee la me.

⁵Eɖi vɔsamlekpuiwo ɖe Yehowa ƒe aƒe ƒe xɔxɔnuawo kple eve.

⁶Eya hã na viawo to dzo me le Ben-Hinom-bali la me; esa dzo, eka afa, eye wosa akpase, eye wòɖo ŋɔliyɔlawo kple akunyawɔlawo, eye wòwɔ nu vɔ̃ɖi geɖe le Yehowa ŋku me hetsɔ do dziku ne.

⁷Etso legba, si wòwɔ la, ɖo mawuxɔ me, xɔ, si ŋu Mawu gblɔ le na Dawid kple via Salomo bena: Matsɔ nye ŋkɔ aɖo xɔ sia me tegbee kple Yerusalem, si metia le Israel-towo katã me la.

⁸Nyemena Israel ƒe afɔ nate ɖa le anyigba, si mena wo fofowo la dzi azɔ o, nenye be, wòlé nye sewo, ɖoɖowo kple kɔnuwo, siwo katã mena wo to Mose dzi la me ɖe, asi, eye wowɔ wo dzi ko.

⁹Ke Manase ble Yuda kple Yerusalem wowɔ nu vɔ̃ɖi wu dukɔ, siwo Yehowa tsrɔ̃ ɖa le Israel-viwo ŋgɔ.

¹⁰Eye Yehowa ƒo nu kple Manase kple eƒe dukɔ la, ke womeɖo toe o.

¹¹Eyata Yehowa na Asur-fia; ƒe aʋafiawo va ƒo ɖe wo dzi: wode ga Manase heɖe aboyoe, eye woɖe kɔsɔkɔsɔe hekplɔe yi Babel.

¹²Eye esi wòɖo xaxa me la, eƒo, koko le Yehowa, eƒe Mawu la ŋku me, eye wòbɔbɔ eɖokui ɖe anyi vevie le fofoawo ƒe Mawu la ŋku me.

¹³Edo gbe ɖa nɛ, eye wosee nɛ, eɖo to eƒe kokoƒoƒo, eye wògakplɔe va Yerusalem le eƒe fiaɖuƒe la me. Tete Manase dze sii be, Yehowa ye nye Mawu.

¹⁴Esia megbe la eɖo gli kɔtoeto ɖe Dawid ƒe du la ŋu le ɣetoɖoƒe gome to Gixon ŋu le bali la me ɖo ta tɔmelãgbo la nu heƒo xlã Ofel; eye wòɖo wo woka ŋutɔ. Eye woɖo aʋalawo Yuda-du sesẽwo katã me.

¹⁵Eɖe mawu; tutɔwo kple legba la ɖa le Yehowa ƒe aƒe la me hekpe ɖe vɔsamlekpui, siwo katã wòɖi ɖe Yehowa ƒe aƒe ƒe to dzi kple Yerusalem la ŋuti, eye wotsɔ wo ƒu gbe ɖe dua godo.

¹⁶Eɖi Yehowa ƒe vɔsamlekpui la, eye wosa akpedavɔ kple kafukafuvɔ le edzi, eye wòde se na Yuda be, woasubɔ Yehowa, Israel ƒe Mawu la.

¹⁷Negbe ɖeko dukɔ la gasa vɔ le nuxeƒewo, gake Yehowa ye wosanɛ na.

¹⁸Manase ŋutinya susɔeawo, eƒe gbedodoɖa na eƒe Mawu kple nukpɔlawo ƒe nya, siwo wogblɔ nɛ le Yehowa, Israel ƒe Mawu la ƒe ŋkɔ me la, kpɔ ɖa, woŋlɔ wo ɖe Israel-fiawo ŋutinya me.

¹⁹Eƒe gbedodoɖa kple alesi woɖo toe, eƒe nuvɔ̃wo katã kple eƒe nu tovo wɔwɔwo kpakple teƒe, siwo wòtu nuxeƒewo do, eye wòtsɔ Aserawo kple legbawo ɖo hafi va bɔbɔ eɖokui la, kpɔ ɖa, woŋlɔ wo ɖe nukpɔlawo ŋutinya me.

²⁰Eye Manase mlɔ fofoawo gbɔ, eye woɖii ɖe eƒe xɔ me, eye via Amon zu fia ɖe eteƒe.

²¹Amon xɔ ƒe blave vɔ eve, esime wòzu fia, eye woɖu fia ƒe eve le Yerusalem.

²²Ewɔ nusi nye vɔ̃ le Yehowa ŋku me, abe alesi fofoa Manase wɔ ene, eye Amon sa vɔ na legba, siwo katã fofoa Manase wɔ, eye wòsubɔ wo.

²³Ke mebɔbɔ eɖokui ɖe anyi le Yehowa ŋku me, abe alesi fofoa Manase va bɔbɔ eɖokui ene o; ke boŋ Amon sia na vodada la sɔ gbɔ ɖe edzi.

²⁴Eye eƒe dɔlawo ɖo nugbe ɖe eŋu hewui le eƒe me.

²⁵Tete dukɔ hahoo la tsɔ via Yosiya ɖo fia ɖe eteƒe.