Read ewe Kronika II 4 Bible Online

Kronika II 4 - ewe bible

Kronika II 4

¹Eye wòwɔ akɔblivɔsamlekpui la, edidi abɔklugui blave, eye wòkɔ abɔklugui ewo.

²Eye wòkɔ gazɔ la wòle tegblẽ, tso etoga ɖeka vaseɖe toga keme le abɔklugui ewo, ekɔ abɔklugui atɔ̃, eye ka abɔklugui blaetɔ̃ atui akpe ɖo.

³Wowɔ treklɔnutsetsewo ɖe eto godoo va kpe, wo ame ewo le abɔklugui ɖeka; treklɔnutsetsea wo le agbaka eve me ƒo xlã gazɔ la, eye wokɔ wo kplii ɖekae.

⁴Ele nyi wuieve dzi; wo ame etɔ dze ŋgɔ anyiehe, eye wo ame etɔ̃ dze ŋgɔ ɣetoɖoƒe, wo ame etɔ̃ dze ŋgɔ dziehe, eye wo ame etɔ̃ dze ŋgɔ ɣedzeƒe; gazɔ la nɔ wo dzi, eye wo katã tre agɔmegbɔ ɖe eme lɔƒo.

⁵Etri asibide ene ƒe kekeme, eye eto le abe kpluto ene heɖi dzogbenya seƒoƒo; bat akpe etɔ̃ anɔ eme.

⁶Eye wòwɔ gagba ewo; etsɔ wo ame atɔ̃ ɖo ɖusi me, eye wòtsɔ wo ame atɔ̃ ɖo mia me, esiwo me woaklɔ nuwo ɖo; woawo me woakpala numevɔsa ƒe lãwo ɖo, ke gazɔ la li, bena nunɔlawo nale tsi ɖe eme.

⁷Ewɔ sikakaɖi; ewo ɖe woƒe ɖoɖo la nu eye wòtsɔ wo ɖa ɖe dodonuxɔ la me, wo ame atɔ̃ le ɖusi me, eye wo ame atɔ̃ le mia me.

⁸Ewɔ kplɔ̃ ewo hetsɔ da ɖe dodonuxɔ la me, wo ame atɔ̃ le ɖusi me, eye wo ame atɔ̃ le mia me; eye wòwɔ sikatre alafa ɖeka.

⁹Eye wòtɔ nunɔlawo ƒe kpɔ kple kpɔ gãtɔ, ekpa kpɔ la ƒe agbowo, eye wofa akɔbli ɖe agboa wo ŋu.

¹⁰Eye wotsɔ gazɔ la ɖo ɖusi me kpa dzi le ɣedzeƒe gome ʋã ɖe dziehe.

¹¹Eye Xuram wɔ zewo, sofiwo kple trewo. Ale Xuram wu Mawu ƒe xɔ ŋu ɖɔ la nu na fia Salomo,

¹²sɔti eveawo kple woƒe ta mligo, siwo le sɔti eveawo dzi,

¹³yevuboɖa alafa ene ɖe gaɖɔ eveawo ŋu; yevuboɖawo le agbaka eve me le gaɖɔ ɖeka ŋu, ne woaxe la mligo, siwo le sɔti eveawo dzi la ŋu;

¹⁴ewɔ anyinɔwo kple gagbawo ɖe anyinɔawo ŋu;

¹⁵gazɔ ɖeka kple nyi wuieve, siwo le ete;

¹⁶zewo, sofiwo kple gaflowo. Eye Xuram-Abi tsɔ akɔbli, si ŋu wozrɔ̃, wɔ nusiwo katã kpe ɖe wo ŋu la, na fia Salomo hena Yehowa ƒe aƒe la.

¹⁷Eye fia la na wokɔ wo ɖe nɔnɔme, sii wotsɔ anyi wɔe la me le Yordan-nutowo me le Sukot kple Zeredata dome.

¹⁸Salomo wɔ nusiawo katã taŋtaŋ, elabena akɔbliawo mele dada me o.

¹⁹Eye Salomo tsɔ sika nyuitɔ wɔ Mawu ƒe aƒe la me nuwo katã: sikavɔsamlekpui la kple kplɔ̃, siwo dzi woada ŋkumeɖobolo ɖo,

²⁰akaɖitiawo kple woƒe akaɖigbɛ, siwo anɔ bibim le megbexɔ la ŋgɔ ɖe ɖoɖo la nu.

²¹Seƒoƒoawo, akaɖigbɛawo kple ɖovulãnuawo nye sika nyuitɔ; eye xɔla ƒe ʋɔtruwo, siwo nye kɔkɔe ƒe wo ƒe kɔkɔeƒe ƒe ʋɔtruwo kple kɔkɔeƒe la ƒe ʋɔtruwo la, nye sika.