Read ewe Mose II 37 Bible Online

Mose II 37 - ewe bible

Mose II 37

¹Eye Bezaleel tsɔ xé kpa aɖaka la, edidi abɔklugui eye kple afã, ekeke abɔklugui ɖeka kple afã, eye wòkɔ abɔklugui ɖeka kple afã.

²Eta sika nyuitɔ ɖe eme kple ekɔgo, eye wotsɔ sika do atsiã ɖe eŋu godoo va kpe.

³Eye wòkɔ sikasigɛ ene hena eƒe dzogoe eneawo; asigɛ eve le axa ɖeka, eye asigɛ eve hã le axa evelia.

⁴Emegbe wotso xé kpa kpowo, eye wòfa sika ɖe wo, ŋu,

⁵eye wotsɔ kpoawo ƒo ɖe asigɛawo me le aɖaka la ƒe axawo dzi, bena woate ŋu akɔ aɖaka la.

⁶Eyome wotsɔ sika nyuitɔ, wɔ nutsyɔnu la, eɖiɖi abɔklugui eve kple afã, eye wokeke abɔklugui ɖeka kple afã.

⁷Eye wotso sika tu Kerubi eve ɖe nutsyɔnu la ƒe go eveawo dzi.

⁸Kerubi ɖeka le go si dzi, eye Kerubi evelia le go keme dzi, ale Kerubiawo le nutsyɔnu la ƒe go eveawo dzi.

⁹Kerubiawo klẽ aʋala ɖo ta dzi, eye woƒe aʋalawo bi ɖe nutsyɔnu la dzi; wodze ŋgɔ wo nɔewo, eye wode mo to ɖe nutsyɔnu la dzi.

¹⁰Eye wòtsɔ xé kpa kplɔ̃ la; edidi abɔklugui eve, keke abɔklugui ɖeka, eye wòkɔ abɔklugui ɖeka kple afã.

¹¹Efa sika nyuitɔ ɖe eŋu, eye wotsɔ sika do atsiã ɖe eŋu va kpe.

¹²Eɖo to ne kpe ɖo, si kɔ asi ɖeka, eye wotsɔ sika do atsiã ɖe to la ŋu kpe ɖo.

¹³Eye wotso sika kɔ asigɛ ene, eye wòklẽ asigɛawo ɖe eƒe afa eneawo ƒe axa eneawo dzi.

¹⁴Asigɛawo te ɖe to la ŋu, bena woaƒo kpo ɖe wo me akɔ kplɔ̃ lae.

¹⁵Eye wòtsɔ xe kpa kpoawo, eye wòfa sika ɖe wo ŋu, bena woatsɔ wo akɔ kplɔ̃ lae.

¹⁶Eye wotsa sika nyuitɔ wɔ nusiwo kpe ɖe kplɔ̃ la ŋu, siwo nye: agbawo, nutɔgbawo, trewo kple goewo, siwo woatso aƒo nunovɔsa ɖi.

¹⁷Eyome wòtso sika nyuitɔ wo akaɖiti la; etu akaɖiti la, eƒe afa kple ati la, eye wòwɔ kɔwo, seƒoƒowo kple wo tamekukuwo ɖe eŋu.

¹⁸Alɔ ade le akaɖiti la ƒe axawo kple eve dzi; alɔ etɔ̃ le eƒe axa ɖeka, eye alɔ etɔ̃ le eƒe axa evelia.

¹⁹Seƒoƒo etɔ̃ kple wo tamekukuwo le ala ɖeka ŋuti, eye seƒoƒo etɔ̃ kple wo tamekukuwo le alɔ evelia ŋuti; alea wole alɔ ade, siwo le akaɖitia ŋu la ŋuti kpe ɖoe.

²⁰Seƒoƒo ene kple wo tamekukuwo le atia ŋutɔ ŋuti.

²¹Alɔ ade le ati la ŋu, eye ka ɖeka le alɔ eveve ƒe kpeƒe.

²²Kɔawo kple alɔawo wo ɖeka ɖe eŋu; sika nyuitɔ wotsɔ tu akaɖiti la blibo.

²³Emegbe wòtsɔ sika nyuitɔ wɔ akaɖigbe adre, ɖovulãnuwo kple ganu suewo kpe ɖe eŋu.

²⁴Sika nyuitɔ talento ɖeka wòtsɔ wɔe kple eŋu nuwo katã.

²⁵Eye wòtsɔ xe kpa dzudzɔdovɔsamlekpui, eɖiɖi abɔklugui ɖeka, eye wokeke abɔklugui ɖeka, dzogoe ene me wòle, eye wòkɔ abɔklugui eve, eƒe dzowo wɔ ɖeka ɖe eŋu.

²⁶Efa sika nyuitɔ ɖe eŋu, etame kple ekɔgo godoo va kpe kpakple eƒe dzowo ŋu, eye wotsɔ sika do atsiã ɖe eŋu ƒo xlãe.

²⁷Eye wòwɔ sikasigɛ eve ɖe eƒe atsiãdodo la te, le eƒe axa eveawo ƒe dzogoe eveawo dzi, bena woaƒo kpo ɖe wo me akɔe.

²⁸Etsɔ xé kpa kpoawo, eye wòfa sika ɖe wo ŋu.

²⁹Eyome wòwɔ ami sisi kɔkɔe la, eye wòtsɔ atike ʋeʋẽewo wɔ dzudzɔdonu, si me dza; ewɔe, abe alesi ami ʋeʋẽe wɔlawo wɔne ene.