Read ewe Hiob 11 Bible Online

Hiob 11 - ewe bible

Hiob 11

¹Tete Naamatɔ Zofar xɔ dzi gblɔ bena:

²Ɖe woagbe eŋuɖoɖo na nyawɔlaa? Eye ɖe aɖe gãtɔ tɔ anye dzɔdzɔea?

³Wò nyawɔwɔ de ga nu na amewo, ale be nèle fewu ɖum, eye amea ɖeke mede ŋukpe mo na wò o;

⁴eyata nèle gbɔgblɔm be: Nye nufiafia me ko, eye medze le ŋkuwò me.

⁵Oo, ne Mawu ahaƒo nu, eye wòake eƒe nuyiwo de ŋuwò,

⁶eye wòaɖe eƒe nunya ɣaɣlawo afia, be wo gɔme goglo nukutɔe la, ekema adze sii be, Mawu ƒe ŋku dzo le wò vodadaa ɖewo dzi.

⁷Ɖe àte ŋu ake ɖe Mawu ƒe agunu ŋua? Alo ale ŋu ade ŋusɛ̃katãtɔ ƒe mlɔeanu kekeakea?

⁸Eka abe dziƒo ene, nuka woa nawɔ? Egoglo wu tsiẽƒe, nuka wòa nunya?

⁹Eƒe dzidzeme didi wu anyigba, eye wòkeke wu atsiaƒu.

¹⁰Ne eva tso me yi, ele ame, eye wòɖi ʋɔnu la, ameka axe mɔ nɛ?

¹¹Elabena enya alakpatɔwo, eye wòkpɔa nu menyo wɔwɔ, evɔ menyanɛ ɖi hafi o.

¹²Ale gegeme hã adze nunya, eye woadzi gbetedzivi wòazu ame.

¹³Azɔ ne èdzra wò dzi do, eye nèke wò alɔwo me nɛ,

¹⁴ne èɖe nu manyomanyo, si le asiwò me la ɖa, eye nu madzɔmadzɔa ɖeke mele wò agbadɔ me o la,

¹⁵ekema awu wò mo dzi mokaka manɔmee, eye àli ke, eye màvɔ̃ o;

¹⁶ekema àŋlɔ wò hiãkame be, eye wòanɔ ŋku dzi na wò abe tsi, si si va yi la ene.

¹⁷Wò agbenɔnɔ me akɔ wu ŋdɔkutsu dzatsɛ, eye ne edo viviti hã la, akɔ ahe ŋdi ene.

¹⁸Wò dzi adze eme, elabena mɔkpɔkpɔ li, atsa ŋu afisiafi, eye àmlɔ anyi bɔkɔɔ.

¹⁹Amlɔ anyi, eye amea ɖeke maɖo vodi na wò o, eye ame geɖewo akɔ mo ɖe ŋuwò.

²⁰Nu ati kɔ na ame vlowo ƒe ŋkuwo, sitsoƒewo katã abu ɖe wo, eye woƒe mɔkpɔkpɔ la luʋɔ ƒe ƒuƒue.