Read ewe Hiob 17 Bible Online

Hiob 17 - ewe bible

Hiob 17

¹Nu ti kɔ na nye gbɔgbɔ, nye ŋkekewo nu tsi, eye yɔdo enye tanye.

²Nyateƒe, fewuɖuɖu ɖe to ɖem, eye nye ŋku le woƒe dzrehehewo teƒe kpɔm.

³Wò ŋutɔ xɔ nya ɖe nunye le gbɔwò! Ameka gɔ̃e gali ana asim?

⁴Elabena èɣla nunya ɖe woƒe dzi, eyata mana woƒe alɔ naɖe dzi o.

⁵Amesi tsɔ xɔlɔ̃wo ɖe awɔba me la, viawo ƒe ŋkuwo atsi.

⁶Etsɔm wɔ hameloe na dukɔwo, eye ame, ne woaɖe la ɖe mo na ko manye tsã.

⁷Nye ŋku tsi vi le nuxaxa ta, eye nye ŋutilã ŋu nuwo katã le abe vɔvɔli ene.

⁸Ame dzɔdzɔe ƒe nu ku le esia ta, eye dzi ku ame maɖifɔ ɖe ame vɔ̃ɖi la ŋu.

⁹Ke ame dzɔdzɔe alé eƒe mɔ ɖe asi sesĩe, eye asi dzadzɛ tɔ akpɔ ŋusẽ ɖe edzi.

¹⁰Ke mi kalã mitrɔ va ko; nyemele nunyalaa ɖeke kpɔ ge le mia dome o.

¹¹Nye ŋkekewo nu yi; nye tameɖoɖo, siwo xɔ nye dzi me la, me gblẽ.

¹²Wobe, yewoatsɔ zã awɔ ŋkekee, kekeli natsɔ de gbɔnye kpuie wu viviti.

¹³Ne mele ŋu ɖom ɖe tsiẽƒe ŋu abe nye aƒe ene, eye meɖo nye aba de viviti me,

¹⁴ne meyɔ yɔdo be fofonye, eye nyẽwo be danye kple nɔvinyenyɔnu la,

¹⁵afika gɔ̃e nye mɔkpɔkpɔ la le? Amekae le nye mɔkpɔkpɔ la kpɔm?

¹⁶Nenye be, mía kplii míegbɔ de me le ke me la, ekema ayi tsiẽƒe ƒe gametiwo gbɔ.