Read ewe Hiob 19 Bible Online

Hiob 19 - ewe bible

Hiob 19

¹Eye Hiob ɖo ŋu gblɔ bena:

²Ɣekaɣi mianɔ nuxaxa dom na nyee luʋɔ, eye miatsɔ nyawo agbãm nyanyanya ase ɖo?

³Zi ewo sɔŋ enye si mieɖo vlom, eye ŋu mele mia kpem, be míele funyafunya wɔmem o!

⁴Eye nenye vavãe metra la, ekema nye tatra la le nye ɖeka dzinye.

⁵Nenyo vavãe míebe, yewoawɔ mia ɖokui ga ɖe ŋunye, eye miafia nye ŋukpem la,

⁶ekema minyae be, Mawu wɔ nu madzɔmadzɔ ɖe ŋunye, eye wòda ɖɔ ɖe ŋunye godoo va kpe.

⁷Kpɔ ɖa, meyɔ ame le ŋutasesẽ ta, gake wometɔ nam o; meɖo ɣli le xɔname ŋuti, ke wometso nam o.

⁸Etɔ kpɔ ɖe nye mɔ dzi, efɔflɔ meli o, eye wòlɔ viviti ƒo ɖe nye afɔtoƒewo.

⁹Eklo nye bubu ɖa le ŋunye, eye wòɖe fiakuku le ta nam.

¹⁰Egbãm keŋkeŋ, eye nyemegali o, eye wòho nye mɔkpɔkpɔ abe ati ene.

¹¹Ena eƒe dɔmedzoe bi ɖe ŋunye, eye wòbum abe eƒe futɔwo ene.

¹²Tete eƒe adzohawo ɖo, woɖe mɔ ɖe ŋunye, eye woƒu asaɖa anyi ɖe nye agbaɖɔ ŋu godoo va kpe.

¹³Eɖe nɔvinyeŋutsuwo ɖa le ŋunye, eye xɔ̃nyewo trɔ bubui ɖem keŋ.

¹⁴Nye ƒometɔwo gbe nye nya, eye nye ame nyanyɛwo ŋlɔm be.

¹⁵Nye aƒemetɔwo kple nye dɔlanyɔnuwo le buyem amedzroe, eye mezu ame tutɔ le woƒe ŋku me.

¹⁶Meyɔ nye dɔlaŋutsu, metɔ o, eye ele nam be, matsɔ nye nu aƒo koko nɛ.

¹⁷Nye nume le ʋeʋẽm ɖe srɔ̃nye, eye mele ya ɖem ɖe nye alimeviwo.

¹⁸Ɖeviwo ke ha le vlo domem, eye ne mebe, metso la, wonɔa nu ƒom le ŋunye.

¹⁹Xɔ̃nye veviwo le ŋunyɔmem, eye amesiwo melɔ̃na la, tso ɖe ŋunye.

²⁰Nye ŋutigbalẽ kple nye ŋutilã le ɖe nye ƒu ŋu, negbe nye nye koe kpɔtɔ.

²¹Mive nunye, xɔ̃nyewo, mive nunye! Elabena Mawu ƒe asi ƒoni.

²²Nukaŋuti miele yonyeme tim abe Mawu ene, eye nye ŋutilã meɖi ƒo na mi kpɔ oa?

²³Oo, ɖe woaŋlɔ nye nyawo ɖi, eye woade wo agbalẽ me,

²⁴woatsɔ ganuŋlɔnu aɖe wo ɖe agakpe dzi, eye woade wo me, kple tsumi!

²⁵Ke nyea menyae be, nye xɔnametɔ le agbe, eye mlɔe ke la ado ɖe anyigba me.

²⁶Eye ne nye ŋutilã vuvu yaʋayaʋa, eye nye ŋutilã megali o la, makpɔ Mawu.

²⁷Makpɔe na ɖokuinye, nye ŋutɔ nye ŋkuwo akpɔe, eye menye ame bubu o. Ele nye ayikuwo dzrom le dɔ me.

²⁸Ne miegblɔ be, aleke míawɔ ati eyome? eye be: nya la ƒe agunu le gbɔnye la,

²⁹ekema yi netso dzika ƒo na mi; elabena yi wotsɔna hea to na vodada sia tɔgbe; ne mianyae be, ʋɔnudɔdrɔ̃ li.