Read ewe Hiob 2 Bible Online

Hiob 2 - ewe bible

Hiob 2

¹Eye wòva me gbe ɖeka, esi mawuviwo va tsi tre ɖe Yehowa ŋku me la, Satana hã le wo dome va tsi tre de Yehowa ŋku me.

²Tete Yehowa bia Satana bena: A ika nètso? Satana ɖo ŋu na Yehowa gblɔ bena: Metso tsatsa ge le anyigba dzi kple tsa ɖi ge le edzi.

³Yehowa gblɔ na Satana be: Ele ŋku ɖe nye dɔla Hiob ŋua? Elabena enye ame maɖifɔ, ame dzɔdzɔe kple mawuvɔ̃la, eye wòtsri nu vɔ̃ɖi, ye amea ɖeke mede enu le anyigba dzi o. Egale eƒe dzɔdzɔenyenye me ɖe asi ko, ke woa ède adã ta me nam, be magblẽ edome naneke mawɔmawɔe.

⁴Tete Satana ɖo ŋu na Yehowa gblɔ bena: Ŋutigbalẽ ɖe ŋutigbalẽe teƒe, eye amegbetɔ atsɔ nusiwo katã te esi la, ana be eƒe agbe ta.

⁵Ke ɖo wò abɔ ɖa, ne nade asi eƒe ʋu kple eƒe ŋutilã ŋu kpoa, be magbe wo nya me ŋkuwo me keŋ ene oa?

⁶Tete Yehowa gblɔ na Satana bena: Kpa ɖa, ele asiwò me, ɖeko kpɔ eƒe agbe ta!

⁷Tete Satana dzo le Yehowa ŋku me hekplɔ ƒoƒoe vɔ̃ɖi ƒu Hiob tso eƒe afɔƒome vaseɖe eƒe dzodome.

⁸Eye wòbɔbɔ nɔ dzowo me hetsɔ sonu gaglɛ le ŋuti kumi.

⁹Tete srɔ̃a gblɔ nɛ bena: Egale wo blibonyenye me ɖe asi koa? Gbe Mawu, ne naku!

¹⁰Ke eya ɖo ŋu nɛ bena: Eƒo nu, abe alesi nyɔnu abunetɔwo ƒoa nui ene. Miexɔ nu nyuiwo tso Mawu si, ɖe miaxɔ vɔ̃ hã oa? Le nusiawo katã me la Hiob mewɔ nuvɔ̃ kple eƒe nuyiwo o.

¹¹Esi Hiob ƒe xɔlɔ̃ etɔ̃awo se dzɔgbevɔe, siwo katã dzɔ ɖe edzi la, wo dome amesiame tso wo de: Elifaz tso Teman, Bildad tso Suax, eye Zofar tso Naama; woɖo gbe ɖi kple wo nɔewo be, yewoayi aɖafa nɛ, eye yewoafa akɔ nɛ.

¹²Ke esi wota mo te le adzɔge la, womedze sii o: tete wofa avi kple ɣli, wo dome amesiame dze eƒe awu, eye wohlẽ ke ɖe ya me wòʋuʋu ɖe woƒe ta me.

¹³Eye wobɔbɔ nɔ anyi ɖe anyigba ɖe egbɔ ŋkeke adre kple zã adre; ke wo dometɔa ɖeke meƒo nu kplii o, elabena wokpɔ be, veve la nu sẽ ŋutɔ.