Read ewe Hiob 23 Bible Online

Hiob 23 - ewe bible

Hiob 23

¹Eye Hiob ɖo ŋu gblɔ bena:

²Wobu nye konyifafa aglãdzedzee egbea hã, eye eƒe asi nu se ɖe nye hũɖeɖe dzi.

³Oo, ne mahanya, afisi matu eyama le, eye made kekeke enɔƒe de!

⁴Matsɔ nye nya aɖo eŋku me, eye nye nume ayɔ fũ kple ɖokuitaʋlinyawo;

⁵ne menya, alesi wòaɖo eŋu nam, eye madze si nya, si wòagblɔ nam.

⁶Ɖe wòatsɔ eƒe ŋusẽ triakɔ la awɔ aʋa kplima? Kpao ke boŋ akpɔ dzinye!

⁷Eye ame dzɔdzɔe ahe nya kplii, eye tɔnye adzɔ, madza le nye ʋɔnudrɔ̃la gbɔ ɖikaa.

⁸Kpɔ da, mete ɣedzeƒe gome, mele afima o; mete ɣetodoƒe gome, nyemekpɔe o.

⁹Ne ele nu wɔm le anyiehe la, nyemekpɔnɛ o; eye ne etrɔ ɖo ta dziehe la, nye ŋku metunɛ o.

¹⁰Elabena edze si nye mɔ nyanyɛ la, eye ne adom akpɔ la, matsi anyi abe sika ene.

¹¹Nye afa mede eƒe afɔɖeɖewo ƒu o, melé ŋku ɖe eƒe mɔ ŋu, eye nyemedze o.

¹²Nyemete ɖe aga le eƒe nuyi ƒe sewo ŋu o, eye medzra eƒe nu me nyawo ɖo wu nye ŋutɔ nye se.

¹³Ke eya la metrɔna o, ameka axe mɔ na? Ne nane dzroe la, ewɔnɛ!

¹⁴Aƒo nye nya la ade goe, eye esia tɔgbe geɖe le tame nɛ:

¹⁵Eyata vɔvɔ̃ ɖom le eŋku me, eye ne meyi tame la, dzidzi ƒoam.

¹⁶Mawu ɖe dzi le ƒonye, eye ŋusẽkatãtɔ ɖo dzikatsoƒoe nam.

¹⁷Elabena menye viviti la ta wòtsrɔm ɖo o, eye menye nye ŋutɔ tae blukɔ tsyɔm ɖo o.