Read ewe Hiob 24 Bible Online

Hiob 24 - ewe bible

Hiob 24

¹Nukaŋuti ŋusẽkatãtɔ meɖo nuxi ɣeyiɣiatvo o, eye xɔlɔ̃awo mekpɔa eƒe ŋkekewo o?

²Wotrɔa liƒowo, eye woɖaa adzo lãhawo kple lãkplɔlawo.

³Wokplɔa tsyɔ̃evi ƒe tedzi dzonɛ, eye wotsɔa ahosi ƒe nya ɖoa awɔbae;

⁴wotua asi ame dahewo ɖa le mɔ dzi, eye anyigba dzi hiãtɔwo sina ɣlana.

⁵Kpɔ ɖa, woyia woƒe dɔ dzi abe gbetedzi le gbedzi ene; wofɔna ŋdi kanya ɖe nuhaha ŋu, eye gbegbe naa nuɖuɖu wo hena wo viwo.

⁶Woŋea nu le agble me le zã, eye wofɔa nu dzɔdzɔe le ame vɔ̃ɖi ƒe weingble me.

⁷Womlɔa anyi amama le zã avɔ makpɔm eye nutsyɔtsyɔ mele wo si le vuvɔ me o.

⁸Tsi gãwo ƒoa wo le towo dzi tea wo ŋu; wodoa akɔ na agakpewo, elabena bebeƒe meli na wo o.

⁹Woɖaa adzo tsyɔ̃evi le dada ƒe akɔ, eye woxɔa awɔbanu le ame dahe si.

¹⁰Wole yiyim amama, avɔ mele wo ŋu o, eye wole lu bablawo tsam domeɣeɣee.

¹¹Wole ami ɖam le woƒe gliwo domee, eye wole wein fiãm, gake tsikɔ le wo wum.

¹²Kudɔƒolawo le ŋeŋem le duwo me, eye amesiwo woɖa nui la, le ɣli dom, gake Mawu melé ŋku ɖe nu gbegblẽ wɔwɔ la ŋu o.

¹³Woawoe nye kekeli ƒe futɔwo, womedzea si eƒe mawo o, eye wometoa etoƒe o.

¹⁴Ne ŋu le ɖeɖem le eme la, hlɔ̃ɖola tsona heƒoa ame dahe kple hiãtɔ ƒua anyi, eye le zã me la ewɔa nu abe fiafitɔ ene.

¹⁵Ŋutsu ahasitɔ ƒe ŋku le zãɖoɖo ŋu wòle gbɔgblɔm be, ŋkua ɖeke mele ye kpɔ ge o, eye wòtsɔ nu tsyɔ ma.

¹⁶Wodzea zã ɖe aƒewo ŋu; wodoã ʋɔ ɖe wo ɖokui nu le ŋkeke me, eye womenyaa keli o.

¹⁷Elabena viviti tsiɖitsiɖi le na wo katã abe agudzedze ene, eye wodzea xɔlɔ̃ zãblukɔ ƒe ŋɔdzi.

¹⁸Eɖia du le tɔ dzi, eye woaƒo fi ade eƒe domenyinu le anyigba dzi, be magato weingblemɔ o.

¹⁹Tsiẽƒe kplɔa nuvɔwɔlawo dzonɛ, abe alesi kuɖiɖi kple ŋdɔ heliheli kplɔa sno yina ene.

²⁰Dadaa ƒe akɔ aŋlɔe be, avivi nyẽwo nu, eye womagaɖo ŋku edzi o; woaŋe ame vlo abe ati ene,

²¹eya amesi ha konɔ, siwo medzi via ɖeke o, eye mewɔ dɔmenyo na ahosiwo o.

²²Etsɔa eƒe ŋusẽ léa ŋutasẽla ɖe asi didie, eye amesi megaɖo ŋu ɖe agbenɔnɔ ŋu o la, gafɔna ɖe tsitrenu.

²³Enana wònɔa dedie, eziɔna ɖe eŋu, eye eƒe ŋkuwo nɔa eƒe mawo ŋu.

²⁴Wodoa wo ɖe dzi, eteƒe didina vie ko wo nu va yina; woɖoa agu hekuna abe ame bubuwo ene, eye wolãa wo abe ahɔ̃liti ƒe tagbɔ ene,

²⁵Ne mele alea o la, amekae aɖe aʋatso nam, eye wòagblẽ nye nuƒoƒo me?