Read ewe Hiob 26 Bible Online

Hiob 26 - ewe bible

Hiob 26

¹Eye Hiob ɖo ŋu gblɔ bena:

²Ame kudɔe ŋue nye esia nèkpe ɖoa, eye alɔ beli enye esia nèxɔ naa?

³Aɖaŋu pɛ nye esia nèɖo na ame manyanu, eye nètrɔ nunya ƒo ɖi dududua?

⁴Ameka ƒe nyawo nèva gblɔ, eye ameka ƒe gbɔgbɔe do tso mewò?

⁵Vɔvɔliwo le ʋuʋum nyanyanya le tsiwo kple wo me nuwo te.

⁶Tsiẽƒe tsi go le eŋku me, eye woklo nu le ketu me dzi,

⁷eya, amesi keke anyiehe ɖe ya me, eye meku anyigba ɖe naneke ŋu o;

⁸amesi blaa tsiwo ɖe alilikpowo me, eye alilikpoawo medzena le wo ŋu o;

⁹amesi xea eƒe fiazikpui ŋku me hekekea alilikpo ɖe edzi.

¹⁰Eɖe liƒo ɖe tɔwo dzi godoo, vaseɖe afisi kekeli ke ɖe viviti ŋu le.

¹¹Dziƒosɔtiwo le dzodzom kpekpekpe, eye dziku tso wo ƒo le eƒe ŋɔdzidoname la,

¹²Eƒe ŋusẽ nana ƒu dzea agbo, eye wògbãa ƒu me lãtsu gudugudu le eƒe nunya nu.

¹³Eƒe ƒuƒu na dziŋgɔli me kɔ, eye eƒe asi ƒo nu ɖe ʋɔ dranyi, si le sisim la.

¹⁴Kpɔ ɖa, esiawo nye eƒe mɔwo to ko, eye nusi sem miele la, enye dalidodo. Ke ameka ate ŋu abe eƒe ŋusẽ ƒe gbeɖeɖe gɔme?