Read ewe Hiob 28 Bible Online

Hiob 28 - ewe bible

Hiob 28

¹Elabena klosalofɔƒe li, eye sika, si wolólona la, teƒe li.

²Wokua ga yibɔ tso to me, eye kpe wolólona wòzua akɔbli.

³Woɖo seƒe na viviti, eye wodi kpe, si le viviti tsiɖitsiɖi me la, le goawo katã me keŋkeŋ.

⁴Woɖe do wòyi to ʋi tso dzitatɔwo gbɔ; amesiwo ku de ya me le agba sem le eme la, le adzɔge tso amewo gbɔ, eye afɔ sia afɔ ŋlɔ wo be.

⁵Nuɖuɖu tsoa anyigba me, ke wowlua ete, abe alesi dzo wlua; nui ene.

⁶Safir le eƒe kpewo me, eye afima wokpɔa sikawo le;

⁷woawo nye mɔ, si hɔ̃ medze sii, eye aʋako ƒe ŋku mekpe kpɔ o;

⁸mɔ, si dzi gbemelã ɖaɖadzrawo mele, eye dzata mezɔ kpɔ o.

⁹Edo asi kpa sesẽwo dzi, eye wòwlu towo gome.

¹⁰Eɖe toƒewo ɖe agakpewo me, eye eƒe ŋku kpɔ nu xɔasi vovovowo.

¹¹Exe mɔ na tsiwo, be womagaɖuɖu o, eye wòhe nusi ɣla le va kekeli nui.

¹²Ke nunya le, afika wotunɛ le? Eye afika nye gɔmesese ƒe nɔƒe?

¹³Amesi ɖeke menye egbɔ mɔ o, eye womekpɔnɛ le agbagbeawo ƒe anyigba dzi o.

¹⁴Agume gblɔ be: Mele menye o! Eye atsiaƒu be: Mele gbɔnye o!

¹⁵Womenaa sika nyuitɔ ɖe eta o, eye womedaa klosalo ɖe eƒe home nu o.

¹⁶Womaɖae akpe ɖe Ofir-sika nyuitɔ, soham-kpe kple satir-kpe xɔasiwo ŋu o.

¹⁷Womabu sika kple ahuhɔ̃e ɖe eŋu o, eye womatsɔ sikanuwo aɖɔ lii o.

¹⁸Womayi sui kple gbloti ŋkɔ yɔ ge ɖe eŋu o, eye nunya ƒe emesinɔnɔ nyo wu adzagba.

¹⁹Kus ƒe Topas-kpe meɖe enu o, eye womadae akpe ɖe sika dzɔdzɛtɔ ŋu o.

²⁰Afika gɔ̃e nunya dzɔ tso? Eye afika nye gɔmesese nɔƒe?

²¹Eɣla ɖe agbagbeawo katã ƒe ŋkuwo, eye wòbe ɖe dziƒoxewo.

²²Aʋlime kple ku le gbɔgblɔm be: Miele hũhũhũ sem le eŋu kple míaƒe towo.

²³Mawu nya egbɔ mɔ, eye wòdze si enɔƒe.

²⁴Elabena ele kekeke anyigba ƒe mlɔeanu kpɔm, eye wòkpɔa nusi le dziƒo blibo la te,

²⁵ne wòana yia ƒe kpekpemee, eye wòado dzidzeme na tsi.

²⁶Esi wòɖo seƒe na tsidzadza, eye wòɖo toƒe na dziɖegbe ƒe dzokeke la;

²⁷ekpɔe, eye wòɖee fia, eɖoe te, eye wòdzro eme kpɔ hã,

²⁸hegblɔ na amegbetɔwo be: Kpɔ ɖa, Aƒetɔ la vɔvɔ̃ enye nunya, eye vɔ̃tsitsri enye gɔmesese.