Read ewe Hiob 33 Bible Online

Hiob 33 - ewe bible

Hiob 33

¹Azɔ, Hiob, se nye nyawo, eye naƒu to anyi ɖe nye nuƒoƒowo katã ŋu!

²Kpɔ ɖa, meke nye nu, eye nye aɖe le nu ƒom le nye nu me.

³Nye nyawo tso dzi dzadzɛ me, eye nunya, si tso nye nuyiwo me la dza.

⁴Mawu ƒe gbɔgbɔe wɔm, eye ŋusẽkatãtɔ ƒe gbɔgbɔe gbɔ agbem.

⁵Ne ele ŋuwò la, ɖo ŋu nam; bla akpa de ŋunye, eye nadze avu ɖi!

⁶Kpɔ da, Mawu tae menye abe wò ke ene, eye tsue woka me nye hãe.

⁷Kpɔ da, megana madzi ŋɔ na wò o, eye nye asi megale ɖe dziwò o!

⁸Eƒo nu de nye to me, eye wò nyawo ɖi mese be:

⁹„Medza, dzidada mele ŋunye o, ŋunye kɔ, eye vodada mele ŋunyie o:

¹⁰kpɔ ɖa, ekpɔ nane le ŋunye, eye wòbum abe eƒe futɔ ene,

¹¹de ga nye afɔ ɖe atiboli ŋu, eye wolé ŋku de nye mɔwo katã ŋu.“

¹²Kpɔ ɖa, mele eŋu ɖdom na wò be: Tɔwò medzɔ le esia me o, elabena Mawu kpe wu amegbetɔ.

¹³Nukaŋuti nele dzra wɔm kplii, le esi medo wò nyawo katã ŋu na wò o taa?

¹⁴Elabena Mawu ƒoa nu le mɔ si kple mɔ keme dzi, ke womedzea sii o.

¹⁵Le drɔ̃ekuku kple zã me ŋu-tega me, ne amewo yi alɔ̃ me, eye wole alɔ̃ dɔm le aba dzi la,

¹⁶eʋua to na amegbetɔwo, eye wòɖoa kpe woƒe tohehe dzi,

¹⁷ne woate amegbetɔ da le eƒe nuwɔwɔ ŋu, eye wòaɖe dàdaa le ŋutsu la me,

¹⁸ne wòaxɔ eƒe luʋɔ tso yɔdo si me, eye eƒe agbe magatsi aŋutrɔ nu o.

¹⁹Wotsɔa vevesese hã hea to nɛ le eƒe aba dzi, eye eƒe ƒuwo nɔa eɖum ƒuƒuƒu.

²⁰Nuɖuɖu nyɔa ŋu nɛ, eye eƒe luʋɔ nyɔa ŋu eƒe nuɖuɖu lɔlɔ̃a.

²¹Lã vɔ le eŋu, ale be meganya le kpɔkpɔm o, eye eƒe ƒu, siwo medzena tsã o la, tsi go glaŋglaŋ;

²²ale be eƒe luʋɔ gogo yɔdo, eye eƒe agbe gogo saɖagatsi.

²³Ke ne dɔla ɖeka, si nye nyaxɔlaɖakɔtɔ, tso akpewo dome la va, be yeaɖe nusi nye amegbetɔ ƒe dɔ la afiae,

²⁴eye wòve enu hegblɔ bena: Ɖee, ne magayi yɔdo me o, elabena wolé avum la,

²⁵ekema dzo aɖo eƒe lãme abe ɖekakpui ene, eye wòagaɖo eƒe ɖekakpuiŋkekewo me.

²⁶Edo gbe ɖa na Mawu, eye wòve enu hekpɔ eƒe ŋku me dzidzɔtɔe, eye wòɖo amegbetɔ ƒe dzɔdzɔenyenye teƒe nɛ.

²⁷Adzi ha na amewo agblɔ bena: Mewɔ nuvɔ̃, eye metrɔ gbo nu dzɔdzɔe la, ke womeɖo eteƒe nam o.

²⁸Eɖe nye luʋɔ, ale be meyi yɔ me o, eye nye agbe kpɔ dzidzɔ le kekeli ŋu.

²⁹Kpɔ ɖa, nusiawo katã Mawu wɔna na ame zi eve kple zi etɔ̃,

³⁰ne yeaxɔ eƒe luʋɔ tso yɔdo si, eye agbe ƒe kekeli naklẽ nɛ.

³¹Hiob, ɖo ŋku anyi, eye nalé to ɖe ŋunye! Lé wò nu, eye na maƒo nu!

³²Ne nya le asiwò la, ekema ɖo ŋu; ƒo nu, eye matso na wò kpoo:

³³ke ne mele alea o la, ekema lé to ɖe ŋunye, zi ɖoɖoe, eye mafia nunya wò!